Përshtypja ime nga kjo pozitë është se qeveria teknike filloi të funksionojë në mënyrë shumë të keqe. Qeveria teknike nga momenti i parë, duke mos hyrë në atë se kush ka faj më pak apo më shumë, nuk veproi si ekip, vlerëson presidenti Stevo Pendarovski. Në intervistë për MKD.mk, ai thotë që struktura aktuale politike më së paku ka treguar rezultate ose më shumë ka dështuar në sferën e gjyqësorit dhe e citon qëndrimin e Komisionerit të zgjerimit Varheji, se Ligji për Prokurori Publike nuk është i vendosur si kusht formal i BE-së, por “në disa qytete evropiane parashtrojnë pyetjen se a do të ishte më mirë që të sillet edhe ky ligj”. Lidhur me raportet me fqinjët, më i shqetësuar është nga Deklarata e qeverisë bullgare. “Ajo deklaratë është me retorik përafërsisht negative edhe në disa vende, sipas bindjes sime, drejtpërdrejtë e rrënon Marrëveshjen e fqinjësisë së mirë”, thotë Pendarovski. 

Gazetari: U takuat me Komisionerin e zgjerimit, Oliver Varheji. Të gjithë i dëgjuam porositë e tij se BE nuk heq dorë nga zgjerimi dhe se ai pret vendimin për negociata të merret para Samitit të Zagrebit. A ju ka bindur me këtë, cila është përshtypja juaj, a dëgjuat diç më shumë se kjo? 

PRMV Pendarovski: Komisioneri i ri më impresionoi me njohjen e procesit që ka shumë hollësi teknike, duke pasur parasysh që në këtë pozitë është kohë të shkurtër, dhe me planet për të ardhmen. Agjenda e re është mjaft ambicioze në këtë drejtim. Thuajse është i bindur që metodologjia do të miratohet më së voni deri në muajin mars, përfshirë të gjitha amendamentet që vendet anëtare i japin në ndërkohë. Dhe jam i sigurt që vendimi mund të merret para Samitit të Zagrebit më 6 maj. Në këtë drejtim,tha që ka pranuar sinjale kthyese nga disa qytete të rëndësishme evropiane përkatësisht shtete, që deri më tani tregonin rezerva për zgjerimin në raport me këtë rreth, ku jemi ne dhe Shqipëria. Thuhet se atë që ai e ka prezantuar si detyra  që duhet dy shtetet t’i realizojë në muajin e ardhshëm apo në dy muajt e ardhshëm, për ta do të jetë e mjaftueshme që të mund të marrin vendim pozitiv politik në bazë të metodologjisë së re para Samitit të majit. 

Gazetari: Shumë i sigurt në bazë të këtyre sinjaleve? A mjaftojnë këto sinjale? 

PRMV Pendarovski: Po. Ne në këtë moment mund të bazohemi në atë që e thotë Varheji, kjo është puna e tij dhe ai i ka kontaktet me palët e përfshira, në këtë kontekst. Është iluzion dikush të mendoj që ne nga Shkupi mund të diktojmë se kur do të merret vendimi dhe çfarë do të jetë. Ne presim vendimi ta marrin vendet- anëtare dhe dihet mes tyre kush i dikton këto procese dhe trendë. Komisioneri i zgjerimit ka kontakt me këto disa shtete dhe thotë se ka marrë sinjale fillestare kthyese, janë pozitive, por kuptohet edhe më tej duhet të tregojmë rezultate. Për ne bëhet fjalë për Ligjin e Prokurorisë Publike ndërsa Shqipëria ka nevojë të miratojë një pako ligjesh zgjedhore për të cilën nevojitet konsensus mes pushtetit dhe opozitës. 

Gazetari: A kemi ne sinjale të tilla nga vende anëtare? 

PRMV Pendarovski: Me sa kam informacione, deri në këtë moment, jo. Përse jo? Jo që nuk pyesim. Procesi pas vetos së Francës nga tetori është zhvendosur tërësisht në duart e Varhejit. Edhe nëse pyetni, të gjithë thonë që, atë që kemi ta themi, do t’ia themi Komisionerit të ri për zgjerim. Varheji më tha “dua të kem kontroll të plotë të procesit si Komisioner i zgjerimit e jo dikush jashtë portofolit ta udhëheq këtë proces. Nëse mundem në koordinim me vendet- anëtare ta bëj këtë, dakord. Nëse jo, nuk do të dalë me asnjë propozim”.

Gazetari: A mendoni që shtetasit e Maqedonisë besojnë që BE me të vërtetë dëshiron ta reformojë procesin e zgjerimi apo, sërish, mendojnë që nuk e do Maqedoninë (dhe Shqipërinë) në klubin e saj? 

PRMV Pendarovski: Pashë disa hulumtime në pyetjen “A jeni për BE-në, çfarë mendoni se është motivi për vendimin e Francës në tetor” dhe këtu kemi një përqindje të rëndësishme të qytetarëve, zakonisht maqedonas etnik, por nëse flasim për pakon dhe për Shqipërinë, ndërsa komunitetet tjera kanë mendim ndryshe -se Evropa, çfarëdo që të bëjmë, nuk do të na pranojë. Kjo ka ndodhur edhe më herët, në vitet 2008-2009, pas bllokimit për shkak të emrit. Ky grup i njerëzve, që nuk është i vogël, thotë, si është e mundur të na vendosin kushte të këtilla, vetëm neve, të ndërrojmë emër. Prej kujt e kanë kërkuar këtë?Ne duhej të sqarojmë si janë rregullat dhe puna e politikanëve është që të sqarojnë, sepse njerëzit nuk besojnë. Një tezë tjetër, pas tetorit është se ne me siguri do të jemi Turqia e dytë, e cila formalisht negocion (negociatat tani kanë ngrirë), por tani edhe në Turqi edhe në Evropë e dinë që Turqia asnjëherë nuk do të bëhet anëtare. Ky është perceptim i keq, nëse bëhet dominues në mesin e qytetarëve. Ne duhet të sqarojmë që kjo nuk do të jetë kështu. Dhe në këtë drejtim kërkojmë edhe vendime pozitive nga Brukseli. Nëse nuk marrim për arsye të caktuara, njerëzit do të thonë të mos jenë shkaqe teknike, të mos jenë politike, se nuk na duan e kështu me radhë, dhe citohen edhe anketat në shtetet veriperëndimore ku vërtetohet që popullata dërmuese në vendet- anëtare është kundër anëtareve të reja, sidomos nga Ballkani. Por, unë i pash anketat e fundit për disponimin edhe në Francë, edhe në Gjermani edhe në Holandë, këto vende nuk janë kundër, dhe nëse dallimi nuk është i madh, ekziston shumicë që është për zgjerim të mëtutjeshëm. 

Gazetari: Do të thotë, shtetet evropiane kalkulojnë me shifrat tek ata? 

PRMV Pendarovski: Mund vetëm të spekulojmë rreth motiveve të tyre, por është fakt që disponimi i përgjithshëm në Evropën Perëndimore nuk është faktori kryesor përse politikanët e tyre ndonjëherë  vendosin t’i anulojnë. Sipas bindjes sime, kjo dallon nga shteti në shtet, varësisht nga situata e brendshme politike dhe varësisht nga ajo çfarë në atë moment kërkon prej tyre auditoriumi vendor politik. Dikush do të thotë që kjo është mënyrë populiste e udhëheqjes së politikës dhe se është legjitime. Nuk mund t’i kontestosh ndërsa nga pozita ku jemi ne, presim të hyjmë në klub, nuk kemi asnjë mekanizëm të ndikojmë ndaj kësaj. 

Gazetari: A mundet tani Kroacia si kryesues disi të ndikojë? 

PRMV Pendarovski: Ka një debat nëse shteti që objektivisht është një nga më të vegjlit në BE do të ketë fuqi t’i menaxhojë proceset kryesore dhe nëse cilido shtet mundet ta bëj këtë për gjashtë muaj. Është e qartë që Kroacia s’mund të jetë faktori kryesor i ndryshimeve, jo vetëm për këtë, por edhe për buxhetin e ri evropian, për prioritetet e ardhshme politike të Unionit pas Brexit-it. Është e qartë, por nuk është e parëndësishme se si Kroacia do ta menaxhojë tërë procesin dhe si do ta vendos agjendën, sepse ata janë të obliguar për rendin e ditës dhe nëse i jep prioritet zgjerimit të Ballkanit Perëndimor, kjo mund të jetë shumë e rëndësishme.
Është mirë që kemi kryesim zinxhir, pas Kroacisë vijon Gjermania, që është deri diku e prirë ndaj zgjerimit. Mendoj që kemi një vit në kryesim të vendeve që do të jenë aktiv në këtë plan.
 

Gazetari: Pas Samitit të tetorit, arsyeja e vetme për mosmarrjen e vendimit për negociatat ishte kërkesa e Francës për metodologjinë e re, ndërsa tani më shpesh dëgjojmë për reforma, Ligjin e Prokurorisë Publike, zbatimin e përpiktë të Marrëveshjes së Prespës dhe zgjedhje korrekte. A imponohen këto elemente si kushte? 

PRMV Pendarovski: Jo. Mundemi vetëm të interpretojmë se çfarë ka thënë komesioneri i zgjerimit. Çdo gjë tjetër është vetëm spekulim nga njerëz  nuk janë të informuar për procesin ose kanë motive politike pse e thonë këtë. Varheji thotë që Ligji për Prokurorinë Publike nuk është vënë si kusht formal i BE-së, por thotë se në disa vende evropiane shtrojnë pyetjen “Nëse do të ishte mirë të miratohet edhe ky ligj”. Ky nuk është kusht formal, por mos t’u japim motiv shtesë disa të tjerëve dhe të thonë “duhej edhe kjo”. Kusht ishte problemi me emrin dhe tani metodologjia e re. 

Gazetari: Kur dëgjojmë për reformat në gjyqësor dhe luftën kundër korrupsionit, duket që ndryshe i kuptojmë me komunitetit ndërkombëtarë…ku është dallimi? Ata kërkojnë reforma, qeveria thotë që ka përparim, a bëhet fjalë për reforma thelbësore apo është vetëm përpunim burokratik i punës? 

PRMV Pendarovski: Kështu siç i shtroni tezat, mendoj që të dyja palët kanë të drejtë. Teza e parë, çdo analizë objektive do të tregojë që gjendja në gjyqësorin tonë sot është më e mirë pa krahasim, në kuptim të involvimit politik dhe menaxhimit të rasteve të ndjeshme edhe më pak të ndjeshme, në raport me atë që e kishim deri në vitin 2016-të. Kur dikush t’u thotë që involvimi politik, menaxhimi apo kontrolli, apo “gishti” politik ndaj gjyqësorit është njësoj prezent si në vitet më të errëta të Nikolla Gruevskit, gabon. Nuk ka rëndësi për çfarë motive, sepse kjo nuk është e saktë. Atë që e thonë evropianët është që “neve na intereson nga çfarë pozicioni të ulët filloni, gjendja aktuale në gjyqësor është larg nga mesatarja evropiane. Dhe për këtë, keni shumë për të bërë”. Ne themi, a e dini ku ishim para disa viteve? Përgjigjja e tyre është “po, në rregull është kjo, ne konstatojmë përparim, por nuk mjafton”. 

Gazetari: Mirëpo, fakt është që deri më tani nuk kemi asnjë epilog për rastet e mëdha të korrupsionit. Si do t’i bindni qytetarët që Qeveria ka arritur përparim në gjyqësor? 

PRMV Pendarovski: Fakti që nuk kemi aktvendim është minus, pajtohem dhe për këtë them që nuk jemi në nivelin e sistemit mesatar evropian. Çfarë nuk ka tani ndërsa kishte më herët dhe ku e shoh përparimin? Nuk ka asnjë indikator që njerëz- politikanë kanë diktuar aktvendim gjyqësore, siç kishte raste përmes telefonit nga lustrimit i gjykatësit e deri në aktvendime politike. Nuk ka dëshmi që dikush porosit me telefonata aktvendim gjyqësor, nuk ka të burgosur politik siç ishte rasti i Lube Boshkovskit, nuk ka gazetarë të burgosur që futet në burg për shkaqe politike siç ishte rasti me Kezharovskin. Ky është përmirësim i pakontestueshëm, jemi larg viteve 2011, 2012, 2015, por njëkohësisht jemi shumë larg nga ajo që quhet standard evropian. Në këto tre vite nuk ka progres të këtillë, përmirësim të tillë në sferën e gjyqësorit siç qytetarët kërkonin gjatë Revolucionit Laraman, kur slogani kryesori ishte “Nuk ka drejtësi, nuk ka qetësi”. Kërkonin drejtësi. 

Gazetari: A vlerësoni që qytetarët mendojnë se ka drejtësi? 

PRMV Pendarovski: Jo. Pjesa dërmuese e pjesëmarrësve aktiv të Revolucionit Laraman, ku edhe unë ishte pjesë si qytetar, mendojnë që struktura e re politike e cila në pushtet është prej vitit 2016, më pak ka realizuar apo më shumë ka dështuar në sferën e gjyqësorit. 

Gazetari: Shtrohet pyetja përse? 

PRMV Pendarovski: Kjo është çështja e një analize më të thellë. Më duket që instalimet e regjimit paraprak ishin shumë të thella, aq të futura në të gjitha poret e sistemit të atëhershëm gjyqësor, saqë koha ishte shumë e shkurtër. Kjo është një pjesë e arsyetimeve. Pjesa e dytë, objektivisht Qeveria e Zaevit 90% të kohës i kushtoi çështjes së problemit me Greqinë dhe Bullgarinë që të largohemi nga izolimi dhe të kapim hapin për në Evropë. Nuk është arsyetim, por nuk shoh diçka të tretë. 

Gazetari: Në rrethana të këtilla, çfarë do të sjellin, çfarë do të ndryshojnë zgjedhjet e parakohshme parlamentare? 

PRMV Pendarovski: Mendoj që në disa drejtime magjistrale brenda dhe jashtë, nuk do të ndryshojnë asgjë. Lidhur me synimet strategjike, në NATO hyjmë, në pyetje janë ditë apo javë, dhe kjo situatë objektivisht dhe politikisht nuk mund të ndryshojë dhe nuk mendoj që opozita, nëse fiton në zgjedhje, do të dëshiroj t’i ndryshojë. Për bisedimet me BE-në, nuk mund të shoh që në çfarëdo situate dhe gjatë ndërrimit të pushtetit, nuk do të na japin bisedime. Në planin e brendshëm, boshti më i rëndësishëm për stabilitetin, marrëdhëniet ndëretnike, jam i bindur që cilado qeveri e ardhshme do të ketë partner të rëndësishëm dhe dominues shqiptar në strukturën e saj. Në këto drejtime kryesore s’ka çfarë të ndryshohet. Pyetja më shpesh e parashtruar nëse përfitimet nga tre vitet e kaluar, demokracia, të drejtat dhe liritë e njeriut, liria e mediave, që është shumë më e mirë në mënyrë të pakrahasueshme, a do të ballafaqohen apo do të kemi trend kthyese, nuk mund ta dimë, sepse duhet të presim kush do t’i fitoj zgjedhjet dhe me cilën platformë. 

Gazetari: Si qëndron puna me marrëveshjet me fqinjët tanë? 

PRMV Pendarovski: Vlerësimi im është se, kur jemi tek Marrëveshja e Prespës, mundësitë për ndryshim janë barazim me zero. Jo që nuk mund të ndryshohet, por sepse duhet të bëhet ndryshimi i Kushtetutës, që në parim është vështirë dhe nuk do të keni pajtueshmëri nga partneri shqiptar, jo për shkak të përmbajtjes së Marrëveshjes së Prespës dhe emri të ri, por se në këtë mënyrë praktikisht e bllokoni vendin drejt integrimeve euro- atlantike. Ndërsa ky është interesi ultimativ i secilit prej nesh. Lidhur me Marrëveshjen me Bullgarinë, objektivisht kemi një rrethanë të pavolitshme me Deklaratën që u miratua në Parlamentin bullgar dhe besoj që menjëherë pas hapjes së bisedimeve do të vendoset si pozicion i tyre edhe në Bruksel. Ajo deklaratë, e dini, është me retorikë negative dhe në disa vende, sipas bindjes time, drejtpërdrejtë e rrënon Marrëveshjen. 

Gazetari: A ka sqarim racional për atë që ndodhi me mohimin e gjuhës maqedonase nga Akademia e Shkencave të Bullgarisë? Si e sqaroni Ju këtë? 

PRMV Pendarovski: Sqarim racional nuk ka, të paktën unë nuk mund ta gjej. Dëgjova sqarim se ishin në fushatë për zgjedhjet lokale, se ka qenë e rëndësishme, por mendoj që njerëzit që mbajnë llogari për të ardhmen e shtetit të vet dhe ndërtimin e raporteve të vërtete, të sinqerta ndërfqinjësore pas shumë vite izolim praktik mes vete, duhet të shohin më larg se zgjedhjet dhe mandati i tyre. Ajo që më befasoi për të keq është shumica e pabesueshme me të cilën u miratua Deklarata në Parlament. Vetëm katër deputetë ishin kundër. Kjo do të jetë pengesë nëse pala bullgare, kur të fillojnë bisedimet, këmbëngul për disa formulime nga ai dokument që janë anakrone me kohën ku jetojmë dhe me dokumentin që e nënshkruam. Kur pyetni për AShB, të mos hyjmë në analiza për faktorë që nuk janë të rëndësishëm në bisedimet. AShB nuk është faktor gjatë formulimit të qëndrimeve të qeverisë bullgare apo qeverive për bisedimet tona. Por, për mua është e rëndësishme se çfarë mëndin shteti bullgar, qeveria bullgare, organet zyrtare që marrin qëndrime në Bruksel. Ata e thanë atë që e mendojnë, fillimisht me dokument të miratuar në qeverinë bullgare, të miratuar në Kuvend. Akademia, nuk them që është e parëndësishme atje apo tek ne, por vazhdimisht themi mos dëgjoni çfarë flasin për këtë liderë apo intelektualë të caktuar, shikoni çfarë thotë Qeveria. Qeveria, për fat të keq, propozoi dokument të këtillë dhe ai u miratua. Kjo më shqetëson, e jo çfarë mendojnë akademikët. 

Gazetari: A mendoni që me Greqinë marrëdhëniet po përmirësohen sepse nga ana e tyre disa u shua e tërë kjo çështje, nuk ka komente apo diçka të ngjashme? 

PRMV Pendarovski: Po përmirësohen. Po, është shuar pak sepse pjesa kyçe nga Marrëveshja e Prespës tash është zbatuar, do të thotë emri. Mbetet Komisioni që merret me markat tregtare, por pjesa më e vështirë për ne, tashmë ne e kemi zbatimin e  emrit të ri si jashtë ashtu edhe brenda. Mund të gjeni që në një shkollë të caktuar apo puset është ende “ylli i Kutleshit”, por kjo nuk është pengesë strategjikë që të zhvillojmë marrëdhënie të mira dypalëshe. 

Gazetari: E përmendët emrin, para disa muajve thatë që ju pengon pjesa “e Veriut” në emrin e shtetit dhe se nuk mund të mësoheni me këtë. A jeni mësuar tani? 

PRMV Pendarovski: Jo. Ne jemi plakur me emrin tonë që e kishim, emrin kushtetues nga viti 1991 dhe nuk mund të pritni prej meje…unë pohoj që nuk ka qytetar apo politikan që me kënaqësi e shpreh këtë emër. Por, e dimë që kjo është nevoja politika apo domosdoshmëria për shkak të një qëllimi madhor. Ndryshe, nuk e kam njësoj, e as nuk do ta kem ndonjëherë njësoj, gjithashtu nuk do ta shqiptoj me gjithë kënaqësi. 

Gazetari: Si e vlerësoni bashkëpunimin e deritanishëm me opozitën, sidomos tani me ministrat teknik në Qeveri? Që në fillim nisi një “kontest” me ministrin e brendshëm. 

PRMV Pendarovski: Nga paraqitja ime e parë thash që dua të jem mbrojtës i pakicës politike nga keqpërdorimet eventuale nga shumica politike në institucione, që nuk e kishte bërë asnjë president tek ne. Edhe pse u zgjodha nga shumica politike. Për fat të keq, komunikimi me partinë kryesore opozitare VMRO DPMNE (ndryshe me opozitën e ashtuquajtur shqiptare kam bashkëpunim të shkëlqyeshëm dhe komunikim të rregullt), bashkëpunimi nuk është në nivelin të cilin do ta dëshiroja unë. Refuzuan të marrin pjesë në seancën e parë të Këshillit të Sigurisë me arsyetimin trivial, kisha dy kontakte të shkurtra telefonike që atëherë me liderin e partisë më të madhe opozitare, duke tentuar të caktojmë takim, i cili nuk ndodhi asnjëherë. Do të thotë, një takim e kishim këtu, në takimin e liderëve.
Kontaktet janë të rralla, nuk e vendosëm atë që doja ta vendosim, kanalin e komunikimit konstant mes nesh. E parëndësishme është se a duhemi apo jo, ne jemi këtu jo me emrat dhe mbiemrat personal, nuk është kjo thjesht pirje e kafesë mes Hristianit dhe Stevos, por bëhet fjalë për Kabinetin e presidentit dhe kabinetin e partisë, dhe mendoj që kjo mund të sjellë vetëm fitim. Komunikimi, edhe krahas këmbënguljes sime, nuk ishte intensiv, i shpeshtë dhe cilësorë. Detyra ime, pasi paguhem nga partitë dhe qytetarët, të përpiqem edhe më tej të bëj çdo gjë që është në fuqinë time të ketë komunikim më të mirë, kushdo që të jetë nesër në atë rol në opozitë.
 

Gazetari: Si qëndron puna me qeverinë teknike? 

PRMV Pendarovski: Përshtypja ime nga kjo pozitë është se qeveria teknike filloi të funksionojë në mënyrë shumë të keqe. Qeveria teknike nga momenti i parë, duke mos hyrë në atë se kush ka faj më pak apo më shumë, nuk veproi si ekip. Në opinion nuk perceptohet sikur ekip. Për fat të keq, këtë e demonstruan që nga momenti i zgjedhjes kur dy ministra nga VMRO DPMNE fare nuk erdhën në pranimin tradicional tek presidenti. Nuk erdhën për urim, të shtrijnë dorën e bashkëpunimit, në interes të qytetarëve e jo për interesin tim apo të partisë. Edhe më tej, jemi dëshmitarë që në bazë ditore lëshohen njoftime nga njerëz që janë nga parti të ndryshme, por qëndrojnë në qeverinë e njëjtë me përmbajtje diametralisht të kundërt dhe dita na kalon në atë që një ministër do të thotë ndërsa zëvendësi do të mohoj dhe të kundërtën. Mendoj që ministrat në qeverinë teknik duhet ta kuptojnë se atje janë për organizimin e zgjedhjeve dhe se atje nuk janë për shkak të vullnetit të qytetarëve. Ligji nga viti 2016 këtë e imponim dhe patjetër duhet të jenë aty për interesin e shtetit dhe të gjithë qytetarëve e jo vetëm për interesin e votuesve dhe anëtarësisë. Shpresoj që me kalimin e kohës, Qeveria do të filloj të punoj në mënyrë më të sinkronizuar. Koha është e shkurtër ndërsa po humbasin kohë të vlefshme. Partitë politike trajtohen si armiqtë më të mëdhenj dhe më pas habitemi kur qytetarët thonë “të gjithë janë njësoj”. Të paktën në këto 100 ditë në Qeveri duhet të kuptojnë që, duan apo jo, patjetër të punojnë në interes të shtetit. 

Gazetari: A i keni shoshitur marrëdhëniet me MPB-në? 

PRMV Pendarovski: Kjo është situatë shumë e palakmueshme dhe ju siguroj që në historinë e vendit nuk ka ndodhur ministri i brendshëm tu thotë dhjetëra inspektorëve për shoqërim, siç quhen, të vijnë në Kabinetin e presidentit dhe të kërkojnë angazhim pune. Ishte një raport joserioze për një çështje kaq serioze nga ana e institucionit që patjetër duhet të jetë serioz dhe institucion kyç në mjedisin tonë për organizimin e zgjedhjeve korrekte dhe demokratike. Sigurimi im dhe sigurimi i të gjithë funksionarëve tjerë që e kanë me ligj nuk e zgjedh unë, por se ma jep MPB. Sa njerëz do të jenë, 1 apo 101, është vlerësimi i MPB-së. Vlerësimet e sigurisë se a jam në rrezik më të madh apo më të vogël sërish i bën MPB. Të gjithë që sigurojnë këtu, prej te i pari e deri te i fundit, para se të vijë unë këtu në muaji maj, nuk i kam njohur personalisht. Ata mi kanë dhënë. Mua nuk më intereson nëse ministri teknik është nga njëra parti ndërsa zëvendësi plotësues nga partia tjetër, ata patjetër duhet të kenë sinkronizim mes  tyre si ministri dhe ata njerëz paraprakisht kanë qenë me vendime tek Ivanovi ndërsa në ndërkohë nuk u kanë dhënë vendime tjera për angazhim të ri pune, duhet t’u japin vendime. Presidenti nuk jep vendime për angazhim pune. Ndërsa çështja se duhet të punojnë tek unë, le t’ju japin vendime për tek unë, s’ka gjë, do ta pranoj këtë, ata janë kompetent, por ata (MPB) duhet t’ju japë vendime të këtilla. Por, të mos thonë- shkoni tek presidenti në derë dhe kërkoni vendime sepse vendimet e juaja të vjetra kanë qenë për këtë. Përse në ndërkohë nuk u kanë dhënë vendime fare nuk më intereson, ish ministri apo krerët, ministri aktual…nuk guxojmë të sillemi si fëmijë ndaj çështjeve serioze. Ju do t’i zgjidhni këto çështje brenda dhe ashtu do të veproni edhe ndaj meje dhe ndaj institucioneve tjera seriozisht si institucioni ndaj institucionit e jo nëse dikush qenka nga VMRO apo nga LSDM. Këto ditë ata duhet të marrin vendime për angazhim konkret pune diku nëpër strukturat e MPB-së. 

Gazetari: “Ballë më ballë me presidentin”, keni shumë takime me qytetarë, grupe të rrezikuara…nëpër Maqedoni. Vijnë edhe në vilën në Vodno. Çfarë ju thonë, çfarë hallesh kanë, çfarë i mundon, çfarë u nevojitet më shumë? 

PRMV Pendarovski: Problemet e tyre më të mëdha janë nga sfera ekonomike dhe sociale. Jeta është bërë e vështirë, nuk ka punë, pagat janë të ulëta, raporti i punëdhënësve ndaj tyre, etj. Ndërsa lidhur me perspektivën e shtetit, kjo pritje e vazhdueshme në tranzicion, pasiguria se si do të jetë e ardhmja e vendit.
Duke e thënë këtë, disa më thonë – përse i pranon kur nuk ke kurrfarë kompetence. Një nga shkaqet përse vijnë tek unë është se institucionet përkatëse nuk i kanë pranuar dhe nuk ua kanë zgjidhur telashet. Kur vijnë tek unë, askush nuk më ka thënë :”ti nuk e ke zgjidhur këtë çështje, pres ta zgjidhësh”. E dinë që presidenti nuk është kompetent, por të paktën ka kush t’i pranojë dhe të tregoj që ka njëfarë empatie si njeri ndaj njeriut dhe ju siguroj që, nuk kam kompetenca, nuk i zgjidh këto probleme, por pjesa dërmuese e tyre thonë- faleminderit që na pranuat, të paktën me fjalë na pranuat si njerëz, ne nderuat si qytetar dhe kjo është shumë e rëndësishme. Dhe do të vazhdoj ta bëj këtë pa marrë parasysh nga kritikat. Mendoj që në shekullin 21 politikanët nuk guxojnë të jenë elitë e izoluar që do ta shohësh vetëm nëpër ekranet e televizioneve apo të presësh të takohesh me caktim pas tre muajsh. Paramendoni në një shtet të vogël, ku secili e njeh secilin, unë të shtiren se jam kush e di kush dhe të them, dy muajt e ardhshëm do të takohemi ,sepse e kam orarin e ngjeshur dhe nuk kam kohë.
 

Gazetari: Kur flitni për kompetencat e presidentit, a do të ndryshonit Ju diç në raport me kompetencat dhe rreth përzgjedhjes- në zgjedhje apo në Parlament? 

PRMV Pendarovski: Kam punuar me dy presidentë dhe tendenca çdoherë është kur je në një pozitë, dëshiron të kesh më shumë autorizime, kur je jashtë, thua ka shumë, duhet t’i merren. Pasi jam president aktual nuk do të kisha marrë pozicion për këtë çështje, përveç që do të thosha, çfarë më takon me Kushtetutë dhe ligj, nuk kërkoj të më japin më shumë e as të më marrin. Pas mbarimit të mandatit, do t’ju them çfarë mendoj për rolin e presidentit në sistemin tonë politik.

Ndërsa lidhur me përzgjedhjen, mendoj që është bërë një baraspeshë e mirë. Presidenti i zgjedhur në zgjedhje të drejtpërdrejta ka mundësi, se a do ta shfrytëzoj varet prej tij, të jetë shumë më i pavarur në raport me të gjithë faktorët tjerë politik në shtet. Nëse e zgjedhin presidentin në Parlament me marrëveshjes mes- partiake, në të njëjtën mënyrë munden pasditen e njëjtë të të ndërrojnë nëse nuk e luan lojën e tyre. Pohoj, çdo përvojë krahasuese do të tregojë edhe në Ballkan edhe në Evropë, por edhe në botë, se presidentët që kanë marrë mandat direkt nga populli, kanë mundësi të jenë më të pavarur dhe të vazhdojnë me politikën e pavarur si president nga ata që janë zgjedhur me marrëveshjes ndër- partiake nëpër parlamente. 

Gazetar: Zhana P. Bozhinovska

Foto: Robert Atanasovski

 

Сподели: