Në Kabinetin e Presidentit të Republikës së Maqedonisë së Veriut, sot u mbajt mbledhja e rregullt e Këshillit të Sigurisë.
Në pjesën e parë të mbledhjes shqyrtohen çështjet vijuese me interes për sigurinë e shtetit. Përveç anëtarëve të Këshillit të Sigurisë, në pjesën e parë mori pjesë Viktor Dimovski, drejtor i Agjencisë së Sigurisë Kombëtare, Erolld Musliu, drejtor i Agjencisë së Kundërzbulimit, Zoran Anegllovski, drejtor i Agjencisë Teknike Operative dhe gjenerali nënkolonel Vasko Gjuçinovski, shefi Shtabit të Përgjithshëm të Armatës së Republikës së Maqedonisë së Veriut.
Në pjesën e dytë të mbledhjes së Këshillit të Sigurisë, e cila në fokus do të ketë problemin me ndotjen e ajrit, përveç anëtarëve të Këshillit, do të marrin pjesë edhe përfaqësues të shoqatave dhe nismave qytetare, të cilat në periudhën e kaluar kishin takim me presidentin Pendarovski, në raport me mbrojtjen e mjedisit jetësor nga deponitë e djegura dhe zjarreve në ambiente të hapura. Në pjesën e dytë të mbledhjes do të marrin pjesë edhe Naser Nuredini, ministër i mjedisit jetësor dhe planifikimit hapësinor, Jani Makraduli, zëvendësministër i mjedisit jetësor dhe planifikimit hapësinor dhe Fejzulla Spahija, drejtor i Inspektoratit të Mjedisit Jetësor.
