Presidenti i Republikës së Maqedonisë së Veriut, Stevo Pendarovski sot priti delegacionin e forcave të armatosura të Republikës së Italisë, në krye me gjeneralin Enco Veçiareli, kryeshef i Shtatmadhorisë.
Presidenti Pendarovski theksoi që e vlerëson bashkëpunimin e deritanishëm mes armatës së Maqedonisë dhe Italisë. Në takim, presidenti Pendarovski theksoi që pret bashkëpunimi në planin e mbrojtjes mes të dy shteteve edhe më shumë të intensifikohet me anëtarësinë e plotë të Maqedonisë së Veriut në Aleancën e NATO-s. Njëkohësisht, presidenti Pendarovski nënvizoi se për pjesëtarët e Armatës së Maqedonisë është me rëndësi të veçantë që të vazhdoj edukimi i tyre dhe pjesëmarrja në trajnime për përsosje të teknikave në suazat e institucioneve arsimore në Itali.
Duke theksuar që edhe shteti dhe Armata jonë mund të ofrojnë mundësi përkatëse për ushtarët italian, presidenti Pendarovski shprehu bindjen se bashkëpunimi mes dy armatave do të jetë po aq i suksesshëm sikurse bashkëpunimit të Maqedonisë së Veriut dhe Italisë në nivelin politik dhe ekonomik.
