Presidenti i Republikës së Maqedonisë së Veriut, Stevo Pendarovski, në kuadër të pjesëmarrjes në Forumin e Liderëve, në Izrael me rastin e e Ditës Ndërkombëtare për Përkujtimin e Viktimave të Holokaustit, realizoi takim me shefat e shteteve pjesëmarrëse në Forum.
Në takim presidenti i Republikës së Finlandës, Sauli Ninisto, presidenti Pendarovski ju falënderua për përkrahjen parimore të perspektiveve tona evropiane gjatë kryesimit gjashtë mujor me BE-në dhe theksoi se të dy shtet ndërtojnë marrëdhënie fqinjësore.
Presidenti Pendarosvki, me takimin me Nikos Anastasijadis, president i Republikës së Qipros, shprehu kënaqësinë e marrëdhënieve të vendosura diplomatike dhe theksoi se Maqedonia e Veriut është krejtësisht e përgatitur për zhvillim të përbashkët të marrëdhënieve miqësore me Qipron, në fushën e interesit të përbashkët, sidomos atë të kulturës, tregtisë dhe turizmit.
Me presidenten e Gjeorgjisë, Salome Zurabishvili, u këmbyen ide për marrëdhëniet bilaterale ndërmjet dy shteteve dhe mundësive për avancimin e tyre, me çka u theksua nevoja për vendosjen e kornizës ligjore në të gjitha fushat me interes të përbashkët, si bazë për thellimin e mëtutjeshëm të bashkëpunimit, sidomos në fushën e ekonomisë.
Presidenti Pendarovski më 22 dhe 23 janar 2020, në Jerusalem, Izrael merr pjesë në Forumin e Liderëve me rastin e Ditës Ndërkombëtare për Përkujtimin e Viktimave të Holokaustit dhe 75 vjetorin e çlirimit nga kampi nazist i vdekjes Aushvic- Birkenau.