Presidenti i Republikës së Maqedonisë së Veriut, me rastin e festës së madhe të krishterë Theofania- Ujët e Bekuar, i dërgoi urim Kryepeshkopit të Kishës Ortodokse Maqedonase – Kryepeshkopata e Ohrit, Kryepeshkopi i Ohrit dhe maqedonas, fortlumturisë së tij z.z. Stefan.
I nderuar z.z. Stefan,
Kam kënaqësinë dhe nderin e veçantë Juve personalisht dhe anëtarëve të Sinodit të Shenjtë të Peshkopëve, murgjve dhe priftërisë së nderuar, si dhe të gjithë besimtarëve ortodoksë, t’jua uroj festën e madhe ortodoksie Theofania – Ujët e Bekuar, dhe t’ju uroj ta kaloni në paqe, gëzim dhe lumturi.
Theofania na kujton rëndësinë e sekretit të shenjtë të pagëzimit si një nga shtyllat e fesë së krishterë. Nëpërmjet këtij akti, lindjes shpirtërore dëshmohet kuptimi i ekzistencës së çdo besimtare. Të mos lejojmë që në luftën e vazhdueshme me sfidat materiale fijet tona jetësor të mbeten pa fortesë morale dhe ideore dhe të vazhdojmë të synojmë ruajtjen e vlerave shpirtërore.
Ditën e Ujit të Bekuar kur bekohen ujërat, dëshiroj me sinqeritetin më të madh në zemrat e të gjithë besimtarëve të hyjë paqja, harmonia, dashuria dhe bamirësia të cilat do t’i ndajmë me të gjithë bashkëqytetarët tanë duke kontribuar për mirëqenien tonë personale dhe të të gjithë bashkësisë.