Kabinetin e Presidentit të Republikës së Maqedonisë së Veriut, Vila Vodno, sot e vizituan qytetarët në suazat e aktivitetit “Kabineti i hapur”.
Vizitorët kishin rastin të takohen, personalisht të flasin me presidentin Pendarovski dhe drejtpërdrejtë prej tij të njoftohen për kompetencat e tij, t’i vizitojnë hapësirat ku realizohen takimet zyrtare dhe ato të punës, si dhe sallat për solemnitete, takime, ngjarje dhe konferenca shtypi.
Mysafirët u njoftuan me një pjesë të punonjësve të Kabinetit dhe u informuam për historinë e Vilës Vodno, për një pjesë të aktiviteteve që zhvillohen, si dhe për mënyrën e funksionimit të këtij institucioni.
Ngjarja e sotme u zhvillua në kornizat e projektit “Kabineti i hapur”, aktivitet që mundëson takime të drejtpërdrejta të qytetarëve me presidentin Stevo Pendarovski. Të gjithë qytetarët, institucionet dhe organizatat e interesuara, me paraqitje paraprake në faqen zyrtare të internetit të Presidentit, kanë mundësinë të realizojnë komunikim të drejtpërdrejtë me presidentin Pendarovski, t’i ndajnë idetë, propozimet dhe sugjerimet e tyre, si dhe të marrin pjesë në ngjarje me karakter publik, që realizohen në Kabinet.