News
izb1
Гласање на првиот круг на претседателските избори 2019
Sunday, 21 April 2019 21:24
There are no translations available.

Претседателот на Република Македонија, д-р Ѓорге Иванов, на првиот круг на претседателските избори 2019 година гласаше во изборното место во средното училиште „Јосип Броз Тито" во Скопје.

„Очекувам денес денот да помине во најдобар ред, како што и доликува на земја која е веќе три децении во демократија. Изминатите денови граѓаните имаа можност да го слушнат сето она што го нудат кандидатите и денес да ја донесат својата одлука. Она што ќе биде одлука на следниот круг на претседателските избори, тоа ќе биде волјата на народот и нивна одлука ќе биде кој да ја претставува државата во следните пет години. Така што, им посакувам се најдобро на кандидатите и на победникот му посакувам многу помирен и поуспешен мандат", рече претседателот Иванов.

Прашан за очекувањата од неговиот наследник и каква порака ќе му прати, претседателот Иванов рече: „Ние веќе имаме континуитет како држава да ги оствариме нашите стратешки цели. Република Македонија заслужува да и припадне она за кое се изборила, но кое ни е ускратено досега. Очекувам многу помирен мандат, да нема толку кризи, затоа што во изминатиот период се соочувавме со многу политички кризи и предизвици, како во земјата, така и во регионот. Очекувам во наредниот период сето она што го имаат ветено на граѓаните да го исполнат и да ги оствариме нашите стратешки цели."

izb2

Povelba_na_Republika_Makedonija_041
Претседателот Иванов додели „Повелба на Република Македонија“ на Турската агенција за соработка и координација – ТИКА
Wednesday, 27 March 2019 13:56
There are no translations available.

Претседателот на Република Македонија, д-р Ѓорге Иванов, денеска го додели признанието „Повелба на Република Македонија" на Турската агенција за соработка и координација – ТИКА.

Признанието се доделува за значаен придонес на ТИКА во унапредувањето на добросостојбата на македонските граѓани и развој на капацитетите на институциите на Република Македонија, како и за унапредувањето на пријателските односи и соработката меѓу Република Македонија и Република Турција.

Претседателот Иванов на церемонијата на доделување на признанието, потенцираше дека ТИКА во Република Македонија има инвестирано над 60 милиони евра во 900-тини проекти во областа на здравството, образованието, животната средина, инфраструктурата и во други области. Како едни од најзначајните проекти финансирани од Турската агенција за соработка и координација, македонскиот претседател ги истакна проектите за изградбата на Детскиот ургентен центар и за обновувањето на Povelba_na_Republika_Makedonija_02Одделот за интензивна нега при Клиниката за детски болести, кои беа на иницијатива на сопругата на претседателот, г-а Маја Иванова. Оваа „Повелба на Република Македонија" е едно големо благодарам од родителите и децата, од наставниците и учениците, од сите оние кои ја почувствувале солидарноста на пријателскиот турски народ, преку Турската агенција за соработка и развој. Ова, воедно, е и поттик не само за ТИКА, туку и за многу други организации, институции и поединци, да се вклучат во она што го нарекувам натпревар во добрина", рече претседателот Иванов.

Претседателот на Турската агенција за соработка и координација, д-р Сердар Чам, изрази благодарност од името на целата агенција и ја истакна честа за доделеното признание. Чувствувам многу блискост кон Македонија, кон македонскиот народ и целото население коешто живее тука, и морам да признаaм дека со уште поголема одговорност ќе работам после добивањето на ова значајно признание" рече д-р Сердар Чам.

s25032019_1
Доделени сертификатите на учесниците во проектот „Ден со македонските водечки извршни директори"
Monday, 25 March 2019 14:50
There are no translations available.

Претседателот на Република Македонија, д-р Ѓорге Иванов и претседателот на Советот на странски инвеститори во Македонија, г. Штефан Петер, денеска ги доделија сертификатите на учесниците во проектот „Ден со македонските водечки извршни директори".

Десетте студенти од додипломски и постдипломски студии кои учествуваа во проектот имаа можност непосредно да се запознаат со работниот ден на менаџерите, да навлезат во процесите на водењето на една компанија и да се стекнат со знаења, практични искуства и вештини во насока на развој на нивниот претприемачкиот дух.

Македонскиот претседател изрази задоволство од спроведувањето на овој проект, што се реализираше под негово покровителство, а во организација на Советот на странски инвеститори од Стопанската комора на Македонија и посочи дека оваа иницијатива е дел од поголемиот проект „Школа за млади лидери", која на овој начин се разгранува.

Претседателот Иванов на доделувањето на сертификатите истакна дека преку оваа иницијатива, младите на кои им се овозможува да поминат време со извршни директори на успешни компании, имаат можност да видат како се носат одлуки и како се одлучува за крупни прашања во доменот на компаниите, додавајќи дека преку проектот, исто така и странските инвеститори гледаат дека во Македонија има млади и способни луѓе со кои може да соработуваат.

Оваа програма се реализираше по втор пат во Република Македонија во периодот од декември 2018 година до март 2019 година, а меѓу успешните менаџери коишто ја спроведуваа обуката беа Штефан Петер од ЕВН Македонија, Ирена Јакимовска од „Комфи ангел", Волфганг Марингер од „Арчелор митал", Ајхан Узун, од „Рамстор" и Алпер Ерсој од „ТАВ Македонија".

s25032019_2

Medal_za_zaslugi_za_Makedonija_1
Медал за заслуги за Македонија за Акан Сувер и Исмаил Серагелдин и Повелба на Република Македонија за „Македонија 2025“
Wednesday, 20 March 2019 15:53
There are no translations available.

Претседателот на Република Македонија, д-р Ѓорге Иванов, денеска со Медал за заслуги за Македонија ги одликуваше професорите Акан Сувер и Исмаил Серагелдин и го додели признанието Повелба на Република Македонија на Организацијата „Македонија 2025".

Д-р Акан Сувер е одликуван со Медал за заслуги за Македонија, за исклучителната посветеност и ангажираност во своето работење и дејствување со што даде значаен придонес за промовирање на македонските вредности и позиции во Република Турција и поширокиот европски и азиски простор, со личен ангажман како основач и претседател на Фондацијата Мармара.

Д-р Исмаил Серагелдин е одликуван со Медал за заслуги за Македонија за исклучителната посветеност и ангажираност во своето работење и дејствување со што даде значаен придонес за промовирање на меѓурелигискиот и меѓуцивилизацискиот дијалог и разбирање, за промовирање на македонскиот модел на соживот, со личен ангажман како основачки директор на новата Александриска библиотека во Александрија.

На Организацијата „Македонија 2025" се доделува признанието Повелба на Република Македонија за значаен придонес во економскиот развој и развојот на капацитетите на институциите на Република Македонија, унапредување на бизнис секторот и промовирање на Република Македонија во странство.

Претседателот Иванов, говорејќи за значењето на Евроазискиот економски самит и нејзиниот основач, д-р Акан Сувер, ја потенцираше важноста на идеите кои се опфаќаат на овој самит, а се земаат предвид во поширокиот евроазиски регион. „Преку овој форум македонската економија и македонските компании имаат ширум отворена врата за соработка во целиот евроазиски простор. Тоа е и врска меѓу Република Македонија и Република Турција", рече претседателот Иванов.

Medal_za_zaslugi_za_Makedonija_2Македонскиот претседател истакна дека д-р Исмаил Серагелдин, долгогодишниот директор на новата Александриска библиотека, е вистински глобален мислител кој се залага за економски праведен систем, адаптација кон климатските промени, искоренување на сиромаштијата и гладот. „Како ко-претседател на Меѓународниот центар Низами Ганџави тој е страсен поборник за слободата на мислата, совеста и верата и слободата на изразување. Д-р Исмаил Серагелдин го промовира македонскиот модел на соживот и почитување на различноста", рече претседателот Иванов.

Претседателот Иванов при доделувањето Повелба на Република Македонија на организацијата „Македонија 2025", рече дека оваа организација придонесува за создавање просперитетна иднина за младите во Република Македонија. „Македонија 2025" напорно работи на внесување на меритократијата, прагматизмот и чесноста во македонското општество и држава, во македонската бизнис заедница, меѓу младите професионалци. Со тоа придонесува кон градење на посилна нација", изјави македонскиот претседател.

Професорите Акан Сувер и Исмаил Серагелдин, како и г-а Вера Ставроф, која го прими признанието во име на организацијата „Македонија 2025", во своите обраќања изразија благодарност и ја истакнаа честа за доделените признанија, кои за нив претставуваат потврда и препознавање за нивната работа.
Medal_za_zaslugi_za_Makedonija_04

 
Start < Prev 1 2 3 4 5 6 7 8 9 10 Next > End
Page 1 of 197