Новости
Krivolak1
Неопходни се современи услови и средства за АРМ за предизвиците во 21 век – претседателот Иванов присуствуваше на вежбата „Засилен механизиран пешадиски баталјон во напад“
Понеделник, 09 Октомври 2017

Како Врховен командант секојпат сум настојувал да го добиете она што ви припаѓа. Вам ви е неопходно современи услови и современи средства за војување и спротивставување со предизвици кои се доминантни во 21 век, порача Претседателот на Република Македонија, д-р Ѓорге Иванов, кој денеска присуствуваше на тактичката вежба со боево гаѓање „Засилен механизиран пешадиски баталјон во напад", што на армискиот полигон „Криволак" ја изведоа припадните на Армијата на Република Македонија.

„Вежбата беше импресивна не само со тоа што беше користена боева муниција, туку на оваа вежба покажавте подготвеност за соочување со најсериозни предизвици. Ова ги потврдува оценките што ги добивате кога учествувате во мировните мисии, но и оценките кога учествувате во вежбите со нашите партнери. Уште еднаш сакам да ви честитам за вашата подготвеност, за сето ваше знаење, за сите ваши вештини и вашата пожртвуваност", рече претседателот Иванов.

„Како Врховен командант секојпат сум настојувал да го добиете она што ви припаѓа. Вам ви е неопходно современи услови и современи средства за војување и спротивставување со предизвици кои се доминантни во 21 век. Посакувам и во иднина сето ова знаење и сите овие вештини да ги користите за да ја оправдате довербата која во вас ја имаат македонските граѓани, кои немаат можност ова да го видат, но ве гледаат кога помагате и се соочувате со елементарни непогоди, кога им помагате при поплави и пожари. Затоа, таа доверба кон вас е толку голема", порача македонскиот претседател.

Тактичката вежба со боево гаѓање „Засилен механизиран пешадиски баталјон во напад" ја изведоа околу 800 припадници на АРМ во јачина на механизиран пешадиски баталјон од првата механизирана пешадиска бригада, засилен со единици од бригадата, полкот за специјални операции и воздухопловната бригада и демонстрираа постапки, мерки и процедури и извршување на офанзивни операции со боево гаѓање на вакви поголеми состави. Овие единици беа во составот на средната пешадиска баталјонска група, која на 6 октомври по вторпат го заврши оценувањето согласно концептот на оперативни способности на НАТО-ниво 2.

Krivolak2

ZlatnaPetorka
Средба со екипата на филмот „Златна петорка“
Среда, 04 Октомври 2017

Претседателот на Република Македонија, д-р Ѓорге Иванов, денеска оствари средба со дел од екипата на македонскиот игран филм „Златна петорка", предводена од режисерот Горан Тренчовски, по последниот успех на филмскиот фестивал во Индија.

На средбата соговорниците го информираа претседателот Иванов за досегашното меѓународно прикажување на филмот и учеството на дваесетина светски филмски фестивали на различни континенти, како и позитивниот прием, постигнатиот успех и освоените награди. Соговорниците изразија и незадоволство од одлуката на Друштвото на филмските работници на Македонија годинава да не се номинира македонски филм во трката за Оскар во категоријата филм од неанглиско говорно подрачје.

Претседателот Иванов им честиташе на постигнатиот успех, истакнувајќи дека успешната презентација на филмот е од особено значење во промоција на македонската уметност и култура.

„Македонските уметници со своите постигнувања ја заслужуваат целосната поткрепа од институциите и севкупната јавноста", рече претседателот Иванов, кој изрази поддршка за понатамошно прикажување на филмот и им посака понатамошен успех.

SvetskiFestivalzaMladiiStudenti
Средба со македонските претставници на 19. Светски фестивал за млади и студенти во Сочи
Вторник, 03 Октомври 2017

Претседателот на Република Македонија, д-р Ѓорге Иванов, денеска прими претставници на македонската делегација што ќе учествува на 19. Светскиот фестивал за млади и студенти во Сочи, Русија, од 14 до 22 октомври.

На собирот е предвидено учество на над 20.000 учесници од околу 150 држави, а Република Македонија ќе ја претставуваат околу 40 млади луѓе, на возраст од 18 до 35 години.

На средбата претставниците на македонската делегација го запознаа претседателот Иванов со подготовките за учество на Светскиот фестивал за млади и студенти, се заблагодарија за можноста за средба и посочија на важноста што претседателот Иванов ја дава на младинските активности.

Претседателот Иванов им посака успех на македонските претставници на 19. Светски фестивал за млади и студенти и лично им врачи знаме на Република Македонија што ќе биде развиорено на отворањето на овој настан.

Фестивалот за млади и студенти претставува платформа за дијалог, глобална форма на комуникација преку дебати, презентација на културни програми и спортски активности и ги обединува младите околу идејата за мир и пријателство. Станува збор за еден од најголемите светски настани на полето на младинската соработка. Ова е прво учество на претставници од Република Македонија на овој собир.

SvetskiFestivalzaMladiiStudenti2

SvetskiFestivalzaMladiiStudenti3

MPC_avtokefalnost_01
Претседателот Иванов на Духовна академија по повод 50-годишнината од автокефалноста на МПЦ
Сабота, 30 Септември 2017
Bosnjaci
Претседателот Иванов прими претставници од Бошњачката културна заедница
Четврток, 28 Септември 2017

Претседателот на Република Македонија, д-р Ѓорге Иванов, по повод 28 септември - Меѓународниот ден на Бошњаците, денеска прими претставници од Бошњачката културна заедница во Република Македонија.

На средбата беа разменети мислења за севкупната положба на Бошњаците во Република Македонија, како и можностите за унапредување и афирмирање на јазикот и културата на бошњачката традиција.

Претседателот Иванов истакна дека Република Македонија ги штити интересите на сите свои граѓани и претставува пример за почитување и прифаќање на сите етнички заедници. Воедно, Претседателот ги потенцираше заедничката одговорност за градење на лојалност кон Република Македонија и придонесот кон градење на меѓусебна доверба во општеството.

- Во оваа пригода сакам да го поздравам исклучителниот придонес на припадниците на Бошњачката заедница во економскиот, културниот и општествениот живот во земјава. Ве уверувам дека и во иднина сите државни институции, но и секој поединец ќе остане посветен на натамошна промоција на бошњачката култура и традиција и во создавањето услови за поквалитетен и попросперитетен живот на сите наши граѓани, порача на средбата претседателот Иванов.

Претседателот Иванов го честиташе Меѓународниот ден на Бошњаците како израз на длабоката и реална почит што Република Македонија ја има за своите граѓани кои се дел од бошњачката заедница

Kanonizacija_Rakotinski_001
Претседателот Иванов на церемонија на канонизација на архимандритот Јоаникиј Ракотински
Недела, 24 Септември 2017
 
Почеток < Пред 1 2 3 4 5 6 7 8 9 10 Следно > Крај
Страница 4 од 176