Новости
medal_18
Одликување со „Медал за заслуги за Македонија“ за извршниот директор на „ТАВ Аеродроми“ г. Сани Шенер
Понеделник, 04 Февруари 2019

Претседателот на Република Македонија, д-р Ѓорге Иванов, денеска со „Медал за заслуги за Македонија" го одликуваше г. Мустафа Сани Шенер, главен извршен директор и претседател на бордот на директори на „ТАВ аеродроми".

Медалот за заслуги се доделува на г. Шенер за исклучителната посветеност и ангажираност во своето работење и дејствување со што даде значаен придонес за развојот на македонската економија, како и за афирмација на Република Македонија во светот и унапредување на пријателските односи и соработката со Република Турција.

Претседателот Иванов на церемонијата на доделување на медалот рече дека благодарение на компанијата „ТАВ" и г. Шенер кој во екот на светската економска криза имаше храброст да инвестира во Република Македонија, скопскиот аеродром прерасна во регионален аеродром преку привлекувањето на повеќе патници, не само од нашата држава, туку и од соседните земји. „За да стигнат до многу светски дестинации, нашите граѓани мораа да полетуваат од соседните држави. Ваквата состојба се одрази и на инвестициската клима. Колку повеќе промени на летови за да се стигне до државата, толку е помала веројатноста на потенцијалните инвеститори да инвестираат во таа држава. И многу од тие нешта се сменија на 8 септември 2011 година. На денот кога Република Македонија ја празнуваше 20 годишнината од независноста, турската компанија „ТАВ" го отвори меѓународниот аеродром во Скопје. Заедно со Охридскиот аеродром „Св. Апостол Павле", скопскиот аеродром стана наша воздушна порта со Република Турција, со Европа и светот," истакна македонскиот претседател.

Г. Шенер се заблагодари за доделеното признание од страна на претседателот Иванов, додавајќи дека овој пример на странска инвестиција ги отвори вратите за можности за други инвеститори во Република Македонија.

„Добрите односи меѓу Турција и Македонија се навистина за восхит. Особено по нашата инвестиција, многу турски компании дојдоа и инвестираа во Македонија. Ова не прави толку многу среќни. Се чувствувам многу привилегиран и почестен што стојам тука пред вас и ја примам оваа награда", истакна во говорот пред присутните извршниот директор и претседател на бордот на директори на „ТАВ Аеродроми".

Компанијата „ТАВ Аеродроми" започна да управува со аеродромите во Скопје и во Охрид во 2010 година. Бројот на патници од 600 000 годишно во 2010 година, достигна 2.3 милиони патници годишно, додека бројот на директни летови до странски дестинации од 15 се искачи на 38. Скопскиот аеродром 3 години по ред добива награда за најдобар аеродром со најдобри услуги во категорија на аеродроми до 2 милиона патници на годишно ниво и е избран меѓу 10-те најдобри аеродроми во Европа од страна на престижните Скајтракс награди.

Tetovo1
Претседателот Иванов на одбележувањето на христијанскиот празник Св. Атанасиј Велики во Тетово
Четврток, 31 Јануари 2019
Prodi
Средба со г. Романо Проди, поранешен претседател на Европската Комисија
Четврток, 17 Јануари 2019
PRM_Bozik_soborna_01
Претседателот Иванов: Да си ја чуваме, почитуваме и сакаме Република Македонија
Понеделник, 07 Јануари 2019

Претседателот на Република Македонија д-р Ѓорге Иванов, заедно со сопругата, г-ѓа Маја Иванова и синот Иван, денеска присуствуваа на централното одбележување на Рождеството Христово - Божик во Соборниот храм „Св. Климент Охридски", во Скопје, каде поглаварот на Македонската православна црква - Охридска архиепископија, г.г. Стефан чиноначалствуваше Архиерејска Златоустова литургија.

По завршувањето на литургијата претседателот Иванов на граѓаните со православна вероисповед им го честита големиот христијански празник Божиќ, посакувајќи им многу здравје, радост, среќа, но и сплотеност, како за празниците така во текот на целата година.

„Празниците не се само за празување туку и за потсетување, да не потсетат на сето она што ни овозможило да опстојуваме низ вековите. Да не потсетуваат дека треба да го сакаме, почитуваме и чуваме, тоа што го имаме, а не тоа што го немаме. Затоа, да си ја чуваме, почитуваме и сакаме Република Македонија, бидејќи неа ја имаме", рече претседателот Иванов.

PRM_Bozik_soborna_02

Badnik1
Бадник во домот на семејството Иванови
Недела, 06 Јануари 2019


На Бадник, во пресрет на големиот христијански празник Божиќ, денеска домот на претседателот на Република Македонија, д-р Ѓорге Иванов, го посетија децата од Центарот за едукација на македонски фолклор „МИТЕВИ" од Скопје, кои ја донесоа Божиќната литија и со песната „Вечниот Бог" го најавија Христовото раѓање

Сопругата на македонскиот претседател, г-ѓа Маја Иванова, од името на семејството Иванови на сите православни христијани им посака да имаат благословена, тивка и света бадникова вечер.

„Една голема мудрост вели дека секој од нас има лице од кое што треба да дава насмевки. Има усна од која што треба да изговори добри зборови, да прави добри дела и очи да ги види добрите работи кај луѓето околу нас. Или, како што рекол Св. Климент, веќе не само за овие празници, туку и секој ден треба да шириме насмевки, да кажуваме добри зборови, да правиме добри дела. Да се натпреваруваме во добрина" истакна г-ѓа Иванова и додаде дека честитајќи го Божиќ посакува Христовата светлина да влезе во секој христијански дом и да го осветлува патот на слогата, на радоста, на љубовта и на успесите.

Badnik2Сопругата на претседател на Република Македонија, г-ѓа Иванова, изјави дека семејните вредности и традиции и оваа година традиционално ги отвориле вратите на нивниот дом.

„Среќа, радост, песна, насмевки од нашите денешни гости, денешните бадникари, кои со песната „Вечниот бог" ни го навестија Христовото раѓање, ни го навестија раѓањето на Богомладенецот", рече г-ѓа Маја Иванова.

Децата учесници во бадникарските поворки ја пеат песната „Вечниот Бог" и носат пригодно изработени пештери на кои е претставено Рождеството Христово и ѕвезди што ја симболизираат ѕвездата која ги водела тројцата мудреци до местото каде што бил роден Исус. Со божиќната каланда (песна) „Вечниот Бог" се објавува доаѓањето на Спасителот во тело. Песната е древна, води корени уште од некогашното Римско царство, што културолошки продолжи да живее кај православните народи кои се негово духовно и цивилизациско наследство. Иницијативата за возобновувањето на старата православна традиција да се слави Бадник со пеење на „Вечниот Бог" потекна од свештенството на МПЦ-ОА. Според Црквата, радува будењето на оваа стара православна традиција, која од година во година зафаќа се поголем број градови и повторно навлегува во нашето секојдневие.Badnik4

PRM_NG_Kicevo_01
Посета на припадниците на АРМ во касарната „Чеде Филиповски-Даме“ во Кичево
Вторник, 01 Јануари 2019

Претседателот на Република Македонија и Врховен командант на вооружените сили, д-р Ѓорге Иванов, денеска, на првиот ден од Новата година, ги посети припадниците на АРМ во касарната „Чеде Филиповски-Даме" во Кичево.

Претседателот Иванов на припадниците на АРМ кои извршуваат должност за време на новогодишните празници им ја честита Новата 2019 година, посакувајќи им многу здравје, среќа и радост, како и исполнување на сите нивни очекувања.

„Очекуваме оваа година да биде успешна за Армијата, односно Армијата да го добие тоа што и припаѓа, конечно да станеме членка на НАТО, да ја добиеме поканата и Македонија конечно да биде членка на НАТО", истакна претседателот Иванов.

Македонскиот претседател имаше заеднички ручек со припадниците на АРМ во касарната „Чеде Филиповски-Даме", а новогодишните празници, преку видео-конференциска врска, им ги честиташе и на припадниците распоредени на јужната граница како и на учесниците во мисиите во Авганистан, во Либан и во Босна и Херцеговина, на кои им посака успешно завршување на мисиите и враќање во своите домови.

Претседателот Иванов по повод новогодишните празници упати честитки и до сите граѓани на Република Македонија, посакувајќи им како што се сплотени, радосни и среќни за време на празниците, така да бидат и во текот на целата година.

„Живееме во време кога се случуваат огромни промени, како кај нас така и во регионот и во светот, и во овој период на големи промени, пред се треба да останеме луѓе, да се почитуваме меѓусебе, да си веруваме и да се насочиме кон иднината, да обезбедиме посигурна иднина за сите наши поколенија", рече македонскиот претседател.

PRM_NG_Kicevo_02

 
Почеток < Пред 1 2 3 4 5 6 7 8 9 10 Следно > Крај
Страница 4 од 197