Новости
Takovski
Претседателот Иванов го одликуваше г. Јован Таковски со „Медал за заслуги за Македонија"
Среда, 07 Декември 2016
Stip05122016_1
Претседателот Иванов во посета на Штип
Понеделник, 05 Декември 2016

Претседателот на Република Македонија, д-р Ѓорге Иванов, денеска престојуваше во посета на Штип.

Македонскиот претседател ја посети касарната „Јане Сандански", каде оствари средба со командантите на баталјоните лоцирани во касарната и беше информиран со актуелните состојби во нивното фунцкионирање. Претседателот Иванов изврши увид на дел од просториите и беше информиран со условите за работа и функционирањето на касарната „Јане Сандански".

За време на посетата на претседателот Иванов на штипската касарна, беше изведена тактичко-техничка вежба, што редовно се реализираат пред упатување на војниците и единиците за справување со мигрантската криза на јужната граница.

За време на посетата на Штип, претседателот Иванов присуствуваше на свечената академија по повод 1100 години од упокојувањето на Свети Климент Охридски, што се одржа во црквата „Свети Климент".

Stip05122016_2

konf1
Отворање на конференцијата за млади лидери „Предизвици и можности за младите денес“
Сабота, 03 Декември 2016

Среќата ги следи храбрите, затоа бидете храбри за да бидете среќни. Бидете храбри да бидете свои луѓе да имате самодоверба, да верувате во себе и да успевате. Успехот е тој што ќе ви донесе среќа. Бидете успешни и никогаш не потклекнувајте под кој и да е предизвик, бидете силни и храбри да го добиете тоа што го посакувате и да го сакате тоа што го имате. Ова денеска денеска од Струга го порача претседателот на Република Македонија д-р Ѓорге Иванов на учесниците на конференцијата за млади лидери „Предизвици и можности за младите денес".

Учесници на конференцијата се претставници од седумте генерации на Школата за млади лидери, што по иницијатива на претседателот Иванов, се одржува од 2010 година.

Подготвувајќи ги младите за иднината да бидат храбри, добри, да се почитуваат себеси и другите, претседателот Иванов истакна дека тие се милениумска генерација, родени во еден, а целиот живот ќе го поминат во нов, односно третиот милениум. Овој премин, посочи, многу го чуствуваат и прифаќаат негативно, бидејќи не се навикнати на толку брзи промени, на што укажувале сите предавачи на Школата за млади лидери. Ние, нагласи претседателот, уште ја применуваме традицијата и наследството од првиот милениум, на што не потсетува и славењето јубилеј 1.100 години од упокојувањето на Свети Климент Охридски, чии учења се вон временски, дека сепак на крајот добрината победува, а убавината и добрината се нешто што предизвикува позитивни чуства и енергија кај човекот.

- Учењата што ни ги оставил се дека мора да се образуваме и воспитуваме. Мораме да вложуваме во нашето образование и воспитување. Школата е дел од тоа воспитување бидејќи изминатите седум години не упатуваше во вештините на успешните луѓе, кои ви ги пренесуваа нивните сознанија. Несебично ви даваа се што имаат да го користите во вашиот живот, рече претседателот Иванов.

Суштината на новиот милениум, според него, е дека се раѓа нов свет и ние сме сведоци на тоа, а младите лидери треба да го прилагодат времето кон тој нов свет.

Најголемата тајна на среќниот и успешен човек била во една реченица : „сакајте го тоа што го имате".

- Секој кога ќе го почитува и сака тоа што го има еден ден ќе го има и тоа што го немал, но ако го сака тоа што го нема ќе го изгуби и тоа што го има. Суштината е во сакањето, сакајте ги своите ближни, семејства, деца, родители, соседи, пријатели, оние што ви помагаат во животот. Сакајте го вашиот град, држава... Сакајќи си ја државата и регионот, континентот и светот вие станувате свесни што значи да се сака, подвлече претседателот Иванов пред младите лидери.

Омразата, нагласи тој, никому не му донела корист, омразата создавала негативна енергија меѓу луѓето која доведувала до конфликти, војни, нешта што генерации ги носеле со себе како предрасуди и нвините деца неможеле да ги тргнат од тоа негативно наследство.

- Ние имаме позитивни искуства и позитивно наследство, кои ќе ни користат во третиот милениум, заклучи претседателот Иванов.

Во минатотот, додаде постоела почит, која е многу повозвишена од толеранцијата. Тоа го покажува и традицијата на почитување на меѓу различните етнички заедници, кои почитта ја издигнале во стил на живот.

Школата за млади лидери е позитивен пример кој почнаа да го применуваат и други политичари низ светот.

- Светска банка беше изненадена од некои млади луѓе од Македонија што и даваа насоки каде ќе се движи светот и со што да се занимаваат светските институции. Иако бевме на локално, почнуваме да делуваме и на глобално ниво. Ме радува што Школата ја почнавме заедно сите станува приемер која ја следат светски политичари, рече претседателот Иванов, порачувајќи им на младите лидери да бидат иновативни и креативни и да создаваат нови и корисни работи.

На отворањето на конференцијата се обрати и амбасадорот на САД во Република Македонија, г. Џес Бејли, кој се заблагодари за упорноста и посветеноста на проектот и на младите лидери им ги посочи петте клучни концепти по кои работи тој секојдневно. Неговите концепти се засновани врз чесност, доверба, комуникација, фокус со надворешното и да се гледа подалеку, односно како што рече да се излезе од сопственото стаклено ѕвоно.

- Има пет клучни концепти на кои јас лично работам и тоа секојдневно, бидејќи не се работи за нешто што ќе го научите и ќе добиете диплома, тоа е нешто што го живеете. Прво е да се биде чесен, потоа да се изгради доверба, односно да се внесе доверба и во себеси и во другите, да се фокусирате на надворешното, да комуницирате и особено голем предизвик за сите вас за што сум размилсувал послендите месеци е да излезете надвор од она стаклено ѕвоно. Сите имаме некое свое замислено стаклено ѕвони во кое функционираме, но мора да излеземе од него. Потребно е вежбање и не е секој добар во сите овие пет концепти, нагласи амбасадорот Бејли.

Посебно важно, додаде, е да се разберат сопствените слабости, бидејќи никој не е совршен, но и да се има голема самодоверба.

– Мора да ги разберете сопствените слабости исто како што ги разбирате и вашите силни страни. Тоа мора да го направите непристрасно и да сте свесни дека за одредена област не сте доволно добри како што е некој друг, рече американскиот амбасадор.

Во однос на фокусот тој ги посоветува учесниците на конференцијата дека мора да се фокусираат и на луѓе надвор од просторот кој им е познат, луѓе кои не се согласуваат со нив и светот го гледаат на различен начин.

На Школата за млади лидери која се организира на иницијатива на претседателот на Република Македонија д-р Ѓорге Иванов досега учествувале 280 млади и 167 предавачи од земјава и од странство. Идејата е да им се овозможи на младите, талентирани и иновативни луѓе од Македонија и наши иселеници да ги надградуваат и усовршуваат своите вештини, да ја развиваат својата креативност и способности, преку предавања и обуки од сферите на лидерството и менаџментот.

konf2

Poseta_Medjitlija_01
Посета на граничниот премин Меџитлија: Армијата ја контролира јужната граница и ги има предвид можните предизвици од илегалната миграција
Петок, 02 Декември 2016

Претседателот на Република Македонија, Ѓорге Иванов денеска ги посети припадниците на Армијата на Република Македонија и другите безбедносни служби задолжени за обезбедување на државната граница, на граничниот премин „Меџитлија".

Претседателот Иванов беше информиран за безбедносната состојба на јужната граница, која е прогласена за кризно подрачје.

- Како што е познато од јуни 2015 до јуни 2017 прогласивме кризна состојба заради заканите од илегална миграција која доаѓа од страна на нашиот јужен сосед. Нашите припадници на армијата го контролираат теренот и предвид ги имаат сите можни предизвици кои може ние да ги имаме како земја од илегалната миграција. Припадниците на армијата ме информираа за сите нивни досегашни зафати и се што е преземено да се превенира и спречува илегална миграција. Иако најголемиот удар го имаме на граничниот премин кај Гевгелија и Дојран, сепак и тука во текот на изминативе месеци имало околу 240 обиди за илегално преминување на нашата државна граница, истакна претседателот Иванов.

Шефот на државата изјави дека се следат состојбите и се обезбедуваат информации за превенирање на евентуалниот втор миграциски бран.

- Дневно ги следиме сите настани што се случуваат околу договорот меѓу ЕУ и Турција, ја следиме состојбата и во соседните држави, но исто така нашите служби информираат за настаните на боиштата од каде доаѓа најголем дел од илегалната миграција. Може да се каже дека досега превениравме и презедовме се што е наша улога, како држава покажавме дека го чуваме коридорот кој беше еден од најфрекфентните на илегалната миграција за мигрантите да стигнат до европските земји и благодарни сме на меѓународните полициски сили што се присутни на граничниот премин „Меџитлија". Очекуваме дека може да се случи, а за тоа има најави и сознанија, дека е можен втор миграциски бран и во таа функција е и оваа посета, да ги превенираме и видиме нашите капацитети за да можат сите субјекти на кризниот менаџмент да преземаат мерки кои се предвидени во услови на кризна состојба, изјави претседателот Иванов.

На новинарско прашање за коментар на претстојните парламентарни избори и текот на изборната кампања, македонскиот претседател подвлече дека е неопходно одговорно однесување од сите вклучени во изборниот процес, бидејќи граѓаните на Република Македонија заслужуваат достоинствени избори.

- Граѓаните на Република Македонија заслужуваат достоинствени избори како што доликува на земја која 25 години е во демократија и спроведувала неколку изборни циклуси. Очекувам сите во натамошниот период од кампањата да се однесуваат достоинствено и како што налагаат нашиот Устав и нашите закони. Тие што излегуваат од овие рамки, не е лошо да го препрочитаат Уставот и да ги видат сите одредби што се однесуваат на државното уредување и да го имаат предвид државниот интерес, порача македонскиот претседател.

Претседателот Иванов истакна дека сите кои ќе се обидат да го нарушат изборниот процес, треба да бидат санкционирани.

-  За сите оние што се обидуваат било што да попречат во изборниот процес, надлежните институции не треба да имаат никаква милост, ниту толеранција. Посакувам сево ова да заврши и конечно, Македонија да го преброди овој тежок период низ кој поминува веќе две години и граѓаните да почувствуваат стабилност и просперитет, изјави претседателот Иванов.

Спроведувањето фер и демократски избори е неопходно, додаде претседателот Иванов, за Европската Унија да преземе поинаков пристап кон Република Македонија и да го сврти вниманието кон македонските евроинтеграции. - Македонија го заслужува тоа, и со осумте извештаи сме покажале дека ги исполнуваме условите да добиеме датум за почеток на преговори, изјави македонскиот претседател.
Poseta_Medjitlija_02 

NSIOM
Прием на претставници од Националниот совет на инвалидските организации на Република Македонија
Среда, 30 Ноември 2016

Претседателот на Република Македонија, д-р Ѓорге Иванов, во пресрет на Меѓународниот ден на лицата со инвалидност – 3 Декември, денеска прими претставници од Националниот совет на инвалидските организации на Република Македонија.

Претставниците на Националниот совет на инвалидските организации на Република Македонија го информираа претседателот Иванов за положбата на лицата со инвалидност, за предизвиците со кои тие се соочуваат, како и за постигнатите резултати во однос на имплементирањето на меѓународните норми и стандарди од Конвенцијата за правата на лицата со инвалидност, којашто оваа година одбележа 10 години од усвојувањето во Обединетите Нации.

Соговорниците го запознаа претседателот Иванов со тековните активности по повод Меѓународниот ден на лицата со инвалидност, додавајќи дека одбележувањето на „3-ти Декември" како и секоја година, има цел да го промовира разбирањето на предизвиците на инвалидноста, како и да се повика на поддршка од општествената заедница за достоинството, правата и благосостојбата на лицата со инвалидност.

Македонскиот претседател изрази поддршка за активностите на инвалидските организации и порача дека, како досега така и во иднина, ќе се залага за понатамошно унапредување на правата на лицата со инвалидност, преку подобрувањето на законската легислатива, но и преку нејзиното доследно спроведување.

На средбата присуствуваа претставници на Националниот Сојуз на глуви и наглуви на Република Македонија, Националниот сојуз на слепи на Република Македонија, Националниот сојуз на лица со телесен инвалидитет на Македонија – „Мобилност Македонија", Републичкиот центар за поддршка на лицата со интелектуална попреченост – „Порака", Националниот сојуз на цивилни инвалиди од војната на Македонија, Националната федерација за спорт и рекреација на инвалидите на Македонија - Македонски параолимписки комитет и на Националниот сојуз на инвалидите на трудот на Република Македонија.

Plevneliev
Средби со претседателот на Република Бугарија, г. Росен Плевнелиев и со новоизбраниот претседател на Република Бугарија, г. Румен Радев
Вторник, 22 Ноември 2016

Претседателот на Република Македонија, д-р Ѓорге Иванов, во Софија оствари средби со претседателот на Република Бугарија, г. Росен Плевнелиев и со новоизбраниот претседател на Република Бугарија, г. Румен Радев.

На средбите беше заклучено дека договорот за добрососедство меѓу Македонија и Бугарија не треба да биде пречка за развојот на билатералните односи, бидејќи сме две пријателски и соседни држави кои ги поврзуваат многу нешта од минатото и кои имаат заедничка иднина.

-Договорот меѓу нашите две земји се уште не е завршена работа. Веќе поминаа многу години да се изедначи текстот, бидејќи се настојува да постои симетричност во него и двете страни на некој начин да бидат задоволени, изјави претседателот Иванов по средбите.

Изрази надеж дека со изборот на новата влада и од бугарска страна, конечно ќе се решат некои ситни дилеми кои се состојат во зборови и нијанси на формулации со што ќе се заврши овој долг процес на усогласување и ќе го имаме договорот.

- Бугарија е петти трговски партнер на Македонија. Без изградена инфраструктура, без автопатишта, без изградена пруга сме постигнале така висока трговска размена и тоа влијае на нашите две стопанства, на нашите граѓани и за блиските односи меѓу институциите, истакна претседателот Иванов.

Посочи дека со своите бугарски колеги бил и останува отворен и голем пријател за сите прашања.

- Кога ќе имате разговор и дијалог можете да доаѓате до решение. И сепак, личниот однос, повторувам, е секојпат оној што ги отвора сите врати, нагласи претседателот Иванов.

RadevНа средбата претседателот Иванов му посака успешен мандат на новоизбраниот претседател Радев и го покани во официјална посета на Македонија.

- Се надевам дека посетата ќе се оствари и дека тоа дополнително ќе ги поттикне и ќе ги зацврсти односите што веќе ги имаме, рече претседателот Иванов.

Македонскиот претседател ја оцени работната посета на Бугарија како успешна.

- Имав конструктивни и корисни разговори за прашањата кои се во интерес на двете земји и за сите предизвици со кои сме соочени како соседи. Во контекст на тоа го посочи искуството на другите земји во Европа каде има добра регионална соработка.

-Многу корисно ни беше искуството што го имавме со бегалската криза и размената на информации меѓу двете земји, која истакна доверба на нашите институции. Тоа се надевам со новиот претседател ќе продолжи, рече претседателот Иванов.

На средбите станало збор и за претстојните избори во Македонија и во Бугарија.

-Не очекуваат избори, треба да избереме ново собрание, нова влада, веројатно веќе напролет и во Бугарија се очекуваат избори, ќе треба и тие да изберат ново собрание и се надеваме дека новите влади и новите министри ќе ги продолжат сите овие работи што досега сме ги имале и многу прашања ќе бидат затворени, нагласи претседателот Иванов.

Во изјавата претседателот Иванов посочи дека БАН и МАНУ се пример како две институции кои се во науката треба да пристапат за сите прашања кои ги оптоваруват односите меѓу нашите две земји.

- Ние имаме многу работи од минатото кои се уште ни натежнуваат и не оптоваруваат во многу односи, но академиите покажаа зрелост да разговараат за сите прашања. Кога ќе се соочите со аргументи, факти и научни пристапи можете за секое прашање да најдете одговор. Тоа е позитивен пример што го истакнав и сметам дека треба да го следат и другите институции, рече претседателот Иванов.

Прогласувањето за „Почесен доктор на науки" од страна на Бугарската академија, како што рече Иванов, е плод на таа соработка, но и на стекнатата доверба во работењето на двете академии.

– Јас сум добивал многу признанија, но кога тоа доаѓа од сосед има особена тежина и значење, нагласи македонскиот претседател.

 
Почеток < Пред 1 2 3 4 5 6 7 8 9 10 Следно > Крај
Страница 6 од 165