Новости
Skola_2018_-_zatvoranje_2
Претседателот Иванов ги додели сертификатите на учесниците на деветтата Школа за млади лидери
Петок, 31 Август 2018

Претседателот на Република Македонија, д-р Ѓорге Иванов, вчеравечер во Струга ги додели сертификатите на учесниците на Школата за млади лидери, што на негова иницијатива се одржа во деветти пат, од 20 до 31 август.

Претседателот Иванов пред младите лидери порача дека школата има за цел да ја поттикне самодовербата кај младите луѓе, кои никој пат не треба да се откажуваат од тоа што го наумиле и никој пат не треба да се сомневаат во себе.

„Ова ви е можност да не повторувате туѓи грешки, туку да ги прескокнувате и секој пат во животот да наоѓате решенија, затоа што суштината на животот е секој пат, од секој предизвик да излегувате побогати со нови искуства, нови пријателства и нови начини на решавање на предизвиците кои постојат. Целиот ваш живот ќе биде исполнет со предизвици, со нови барања, потреби, но секој пат, за се има решение, ако постои желба да се дојде до решение", рече претседателот Иванов.

На деветттата по ред Школа за млади лидери на претседателот Иванов учествуваа 40 млади луѓе и триесетина предавачи од Македонија, Европа и светот.

Програмата на годинашната Школа за млади лидери беше фокусирана на најдобрите практики и знаења за развој на еко-системи за поттикнување на старт-ап, мали и средни претпријатија, како и деловното истражување и иновациите воопшто.

Меѓу предавачите на годинешната Школа за млади лидери беа г. Валдис Затлерс, поранешен претседател на Република Латвија, г. Дејвид Голдсмит, еден од водечките експерти за бизнис менаџмент и лидерство, г. Озгур Торт, главен извршен директор на MIGROS Group, г. Штефан Петер, Претседател на Извршниот Одбор на ЕВН Македонија, г-ѓа Пинар Ајваз Арикан, Генерален директор на Turkish Airlines во Скопје, г. Сани Шенер, Извршен директор на ТАВ аеродроми, г. Бајбарс Алтунташ, претседател на Инвестициониот форум за светски бизнис ангели, г. Дејвид Бекет, TEDx тренер, г-ѓа Снежана Зивчевска – Сталперс, Менаџер на проекти во IBM. Предавања одржаа и други истакнати поединци, лидери на успешни компании, и претставници на етаблирани институции од Македонија,Европа и светот.

Во изминатите девет години на школата учествуваа 360 млади луѓе и над 200 реномирани предавачи, меѓу кои поранешниот Генерален секретар на ОН, г. Бан Ки-мун, поранешните претседатели на Чешка и на Латвија, г. Вацлав Клаус и г-ѓа Ваира Вике - Фреиберга, поранешните претседатели на Србија, на Бугарија и на Албанија, г. Борис Тадиќ, г. Георги Прванов, г. Петар Стојанов, г. Бамир Топи и г. Реџеп Меидани, поранешниот потпретседател на Европската комисија и поранешен министер за надворешни работи на Италија, г. Франко Фратини, претседателите на Светската и на Европската академија на науките и уметностите, г. Иво Шлаус и г. Феликс Унгер, како и голем број амбасадори, функционери од Европската унија, директори на меѓународни институти и успешни бизнис компании и професори од реномирани светски универзитети.

Школата за млади лидери беше прогласена за најдобар социјално одговорен проект во Европа за 2017 година од страна на Светскиот форум на бизнис ангели.

Учесниците на досегашните школи се организирани во Алумни асоцијација – ИСЛАА, регистрирана како посебно здружение, коешто низ семинари, панел дискусии, предавања и учества во младински настани овозможува продолжување на развојот на нивните знаења и вештини.

Skola_2018_-_zatvoranje_4

marko
Претседателот Иванов го прими младиот Марко кој го преплива Охридското езеро
Четврток, 30 Август 2018

Претседателот на Република Македонија, д-р Ѓорге Иванов и неговата сопруга г-а Маја, денеска во Вила Билјана во Охрид, го примија Марко Пејчиноски кој го преплива Охридското езеро.

На средбата со младиот Марко претседателот Иванов рече дека овој негов херојски подвиг заслужува големо внимание и почит и претставува позитивен пример и мотив за сите млади и талентирани.

- На свои дванаесет години Марко е европски и светски шампион кој покажа извонредна храброст, пожртвуваност и упорност својствени за врвните спортисти. Ти си наша заедничка гордост. Ти посакувам уште многу идни спортски успеси со кои ќе се гордее Република Македонија, рече претседателот Иванов.

Марко се заблагодари за поддршката од македонскиот претседател и рече дека благодарејќи на вербата во Бога и поддршката од неговото семејството успеал да преплива 25 километри во лоши временски услови.

Честитајќи за извонредното достигнување на Марко, македонскиот претседател порача дека треба сите безрезервно да го поддржиме и да помогнеме во неговиот натамошен спортски развој.

marko_1

Skrebatno4x3
Претседателот Иванов во Скребатно по повод празникот Успение на Пресвета Богородица
Вторник, 28 Август 2018
maraton_14
Претседателот Иванов им честиташе на победниците на Охридскиот пливачки маратон
Сабота, 25 Август 2018
SVP2018
Претседателот Иванов ги прими учесниците на 57. издание на Струшките вечери на поезијата
Сабота, 25 Август 2018

Претседателот на Република Македонија, д-р Ѓорге Иванов, денеска во „Вила Билјана" во Охрид ги прими годинешниот лауреат на наградата „Златен венец" на Струшките вечери на поезијата, полскиот поет Адам Загајевски, добитникот на наградата „Мостови на Струга" на СВП и УНЕСКО, финскиот поет Паули Тапио, и организаторите на 57. издание на Струшките вечери на поезијата.

Претседателот Иванов им честиташе на наградените поети, оценувајќи дека добиените награди се признание за нивната целокупна поетска дејност.

„Струшките вечери секоја година се вистински празник како за градот Струга, така и за сите вљубеници на поезијата. Манифестацијата е значаен културен настан во светот на литературата, манифестација низ која, како низ отворен прозорец, може да се види и чуе што се случува во поезијата на светско ниво", рече претседателот Иванов на средбата.

На приемот, претседателот Иванов оддаде признание за целокупната организација на Струшките вечери на поезијата, и изрази очекување дека и во иднина ќе продолжи успешното организирање на оваа врвна меѓународна културна манифестација, која е од особено значење за презентација на македонското и светското поетско творештво и афирмацијата на Република Македонија во светот.

На годинашните 57. Струшки вечери на поезијата учествуваат 30 поети од 29 земји од светот, како и 50-тина поети од Македонија.

Во 2011 година, претседателот Иванов ја одликуваше манифестација „Струшки вечери на поезијата" со Орден за заслуги за Македонија.

Shkola1
Иванов: Школата за млади лидери стана препознатлив бренд
Понеделник, 20 Август 2018

Школата за млади лидери стана препознатлив бренд, рече претседателот на Република Македонија, д-р Ѓорге Иванов, на отворањето на деветтата по ред Школа за млади лидери, што од 20 до 31 август се одржува во Струга.

- Во овие девет години станавме препознатлив бренд. Сите овие години создаваме иднина за младите, но и млади за иднината. Секоја генерација учеше од претходната, а учевме и ние од нив и затоа секоја генерација ја иновиравме и дававме теми што ги преокупираат младите, нагласи Иванов.

Годинава нагласи тој, ќе се говори за лидерство во сите сфери од секојдневниот живот кои се менуваат толку брзо што не можеме да ги следиме индивидуално.

- Посветени сме се што се случува на глобално ниво да го пренесеме на младите кои имаат желба и потреба од знаење. Вие сте дојдени тука да учите и да се усовршувате. Знаењата многу брзо застаруваат, но мудроста е вечна, оние што учат од мудрите ќе знаат секогаш да се снајдат што и да се случи, рече Иванов.

На отворањето на школата се обрати и поранешниот претседател на Латвија, г. Валдис Затлерс, кој на учесниците им порача дека лидерството се заснова врз знаење, искуство, мудрост и креативност. - Сите млади луѓе, според него, во нашето современо општество мора да бидат подготвени да станат кога ќе паднат и да ги надминат неуспесите.

Според него, најважна е креативноста. Таа, како што нагласи е од суштинска важност за еден лидер.

- Може да копирате се што ќе ви се најде, но нема да направите нешто ново. Креативноста кај еден лидер е од суштинска важност, информацијата е знаење без искуство. Искуство е она што го добивате кога не го добивате она што го сакате. Тоа значи дека искусен станувате кога нема да успеете, рече Затлерс.

Школата за млади лидери, како што нагласи, е одлична можност за споделување искуства и вештини за новите лидери. - Ние кои имаме искуство со помалку знаење од вас, треба да го споделиме нашето искуство со вас за да може вие да го примите, истакна Затлерс.

На годинешната Школа за млади лидери, што е лична иницијатива на претседателот Иванов, ќе учествуваат триесетина реномирани предавачи од врвни образовни и професионални институции од Република Македонија, Европа и светот кои ќе ги пренесат своите знаења, искуства и видувања за лидерството на вкупно 40 учесници на школата.

Меѓу предавачите на годинешната Школа за млади лидери се г. Дејвид Голдсмит, еден од водечките експерти за бизнис менаџмент и лидерство, г. Озгур Торт, главен извршен директор на MIGROS Group, г. Штефан Петер, Претседател на Извршниот Одбор на ЕВН Македонија, г-ѓа Пинар Ајваз Арикан, Генерален директор на Turkish Airlines во Скопје, г. Есер Џевахир, директор на Џевахир холдинг, г. Сани Шенер, Извршен директор на ТАВ аеродроми, г. Бајбарс Алтунташ, претседател на Инвестициониот форум за светски бизнис ангели, г. Дејвид Бекет, TEDx тренер, г-ѓа Снежана Зивчевска – Сталперс, Менаџер на проекти во IBM.

Предавања на школата ќе одржат и други истакнати поединци, лидери на успешни компании, и претставници на етаблирани институции од Македонија,Европа и светот.

Оваа година програмата на школата ќе биде фокусирана на најдобрите практики и знаења за развој на еко-системи за поттикнување на старт-ап, мали и средни претпријатија, како и деловното истражување и иновациите воопшто.

Shkola2

 
Почеток < Пред 1 2 3 4 5 6 7 8 9 10 Следно > Крај
Страница 8 од 195