Соопштенија
PRMportret
Честитка од претседателот Иванов по повод одбележувањето на 8 април – Меѓународниот ден на Ромите
Сабота, 08 Април 2017

Претседателот на Република Македонија, д-р Ѓорге Иванов, упати честитка до припадниците на ромската заедница по повод одбележувањето на 8 април – Меѓународниот ден на Ромите.

Почитувани сограѓани,

По повод одбележувањето на Меѓународниот ден на Ромите, дозволете ми на сите припадници на ромската заедница во земјава да ви го честитам празникот.

Република Македонија, години наназад, активно работи на подобрување на севкупната положба на Ромите во сите сфери на општественото живеење. Но, подобрувањето на поширокиот екoномски и социјален статус на Ромите е незамислив надвор од образовниот контекст.

Секојдневните искуства и истражувања покажуваат дека токму образованието претставува основен предуслов за решавање на проблемите од современото живеење. Низ ангажман на надлежните институции и потенцирање на неопходноста од едукација на лицата кои живеат во недоволно развиените подрачја ќе се подобрат условите за живот. Затоа повикувам да се погрижиме и на секому да му дадеме можност да биде дел од овој процес. Реалното интегрирање во општеството на припадниците на одредени етнички заедници придонесува за решавање на постоечките предизвици.

Честитајќи ви го празникот, сакам да ве уверам дека и понатаму ќе се вклучувам во сите предизвици за заеднички и посветено да ги надминеме  предрасудите. Подобрувањето на севкупната положба на Ромите значи и ангажман за промовирање на недискриминацијата преку почитување на традиционалните вредности и длабокото разбирање на културните особености со цел меѓусебно разбирање.

Нека ви е честит празникот!

д-р Ѓорге Иванов

PRMportret
Честитка од претседателот Иванов по повод одбележувањето на 8 април – Меѓународниот ден на Ромите
Сабота, 08 Април 2017

Претседателот на Република Македонија, д-р Ѓорге Иванов, упати честитка до припадниците на ромската заедница по повод одбележувањето на 8 април – Меѓународниот ден на Ромите.

Почитувани сограѓани,

По повод одбележувањето на Меѓународниот ден на Ромите, дозволете ми на сите припадници на ромската заедница во земјава да ви го честитам празникот.

Република Македонија, години наназад, активно работи на подобрување на севкупната положба на Ромите во сите сфери на општественото живеење. Но, подобрувањето на поширокиот екoномски и социјален статус на Ромите е незамислив надвор од образовниот контекст.

Секојдневните искуства и истражувања покажуваат дека токму образованието претставува основен предуслов за решавање на проблемите од современото живеење. Низ ангажман на надлежните институции и потенцирање на неопходноста од едукација на лицата кои живеат во недоволно развиените подрачја ќе се подобрат условите за живот. Затоа повикувам да се погрижиме и на секому да му дадеме можност да биде дел од овој процес. Реалното интегрирање во општеството на припадниците на одредени етнички заедници придонесува за решавање на постоечките предизвици.

Честитајќи ви го празникот, сакам да ве уверам дека и понатаму ќе се вклучувам во сите предизвици за заеднички и посветено да ги надминеме  предрасудите. Подобрувањето на севкупната положба на Ромите значи и ангажман за промовирање на недискриминацијата преку почитување на традиционалните вредности и длабокото разбирање на културните особености со цел меѓусебно разбирање.

Нека ви е честит празникот!

д-р Ѓорге Иванов

PRMsocustvo
Претседателот Иванов упати сочувство до Претседателот на Руската Федерација, г. Владимир Путин
Вторник, 04 Април 2017

Претседателот на Република Македонија, д-р Ѓорге Иванов, упати писмо со сочувство до Претседателот на Руската Федерација, г. Владимир Путин, по повод терористичкиот акт во Санкт Петерсбург.

Почитуван господине Претседателе,

Со длабока тага и чувство на огорченост ја примив веста за експлозијата во метро во Санкт Петерсбург, Руската Федерација, и искрено жалам за загубените животи од овој злосторнички акт.

Во овие тажни моменти за Вас, за граѓаните на Вашата земја и семејствата на настраданите, дозволете ми, од името на граѓаните на Република Македонија и од мое лично име да Ви упатам изрази на длабоко сочувство, а на повредените да им посакам брзо закрепнување. Сакам да Ве уверам дека мислите на македонските граѓани се со Вас и со пријателскиот руски народ.

Силно го осудувам ова насилство кое се случи во Санкт Петерсбург и искрено се надевам дека додека Руската Федерација поминува низ овие тешки моменти, целата меѓународна заедница ќе работи заедно во борбата против злото и во насока на интензивирање на постоечката соработка против тероризмот.

Ве молам, господине Претседателе, изразите на сочувство да ги пренесете до семејствата на трагично настраданите.

д-р Ѓорге Иванов

PRMportret
Честитка до г. Александар Вучиќ, по повод изборот за Претседател на Република Србија
Понеделник, 03 Април 2017

Претседателот на Република Македонија, д-р Ѓорге Иванов, упати честитка до г. Александар Вучиќ, по повод изборот за Претседател на Република Србија.

Почитуван господине Вучиќ,

Ми претставува особена чест и големо задоволство, во името на граѓаните на Република Македонија и во мое лично име,  да Ви упатам искрени честитки по повод Вашиот избор за Претседател на Република Србија, како и да Ви посакам многу успех во извршувањето на оваа одговорна функција.

Дозволете ми, во оваа свечена пригода, да го изразам моето задоволство од континуираниот развој на билатералните односи и уверувањето дека, во време на вашиот мандат како Претседател на Република Србија, заеднички ќе придонесеме за уште поуспешна и поплодна соработка на сите полиња од заеднички интерес.

Градењето на добрососедските односи, регионалната стабилност и соработката, интегрирањето во Европската унија се областите кои претставуваат приоритет за Република Македонија. Верувам во заемната подготвеност за блиска соработка со Вас на овој план, за доброто на двете држави и народи. Традиционалното пријателство, историските и особено меѓучовечките врски се огромен потенцијал што треба со заеднички напори да го ставиме во функција на зајакнување на меѓусебната доверба и  интензивирање на севкупната соработка.

Дозволете ми, господине Вучиќ, да Ви ги упатам изразите на моето највисоко почитување.

д-р Ѓорге Иванов

PRMportret
Претседателот Иванов именува нов директор на Агенцијата за разузнавање
Понеделник, 27 Март 2017

Претседателот на Република Македонија, д-р Ѓорге Иванов, денеска – 27 март 2017 година, по завршувањето на мандатот на г. Наќе Чулев на функцијата директор на Агенцијата за разузнавање, донесе одлука со која го именуваше д-р Зоран Иванов за нов директор на Агенцијата за разузнавање.

Д-р Зоран Иванов досега ја извршуваше функцијата началник на военото разузнавање во рамки на службата за воена безбедност и разузнавање. Тој е професионален кадар на Министерството за одбрана и активен воен персонал со борбено искуство во извршување на операции во земјата и меѓународните одбранбени мисии во странство. По завршување на воената академија во Скопје е поставен на должност во батаљонот за специјални операции и е учесник во конфликтот во 2001 година. Одликуван е со медал бронзена ѕвезда за храброст од департментот за одбрана на САД за извршување на должност командир на воениот контингент и вршење на специјални операции и поддршка во Ирак во 2006 година. Има завршено и магистрирано на колеџот за команда и генералштаб во Форт Левернворт, САД, а докторирано на Институтот за националната историја на Република Македонија. Од 2009 година е началник на военото разузнавање. Покрај борбеното искуство, специјалист е за специјални операции и психолошко војување.

Досегашниот директор, г. Наќе Чулев продолжува да биде дел од професионалниот состав на Агенцијата за разузнавање и во соработка со новоименуваниот директор ќе ги продолжат отпочнатите процеси за трансформација на Агенцијата за разузнавање, чија мисија е собирање на податоци за информирање во одбрана на државата, заштита на националната безбедност и остварување на интересите во странство на Република Македонија.

undp
Средба на претседателот Иванов со г-ѓа Хелен Кларк, Генерален потсекретар на Обединетите нации и Администратор на Програмата за развој на Обединетите нации (УНДП)
Петок, 24 Март 2017

Претседателот на Република Македонија, д-р Ѓорге Иванов, денеска ја прими г-ѓа Хелен Кларк, Генерален потсекретар на Обединетите нации и Администратор на Програмата за развој на Обединетите нации (УНДП).

На средбата беше разговарано за севкупната соработка меѓу Република Македонија и УНДП и за реализацијата на тековните и идните проекти и иницијативи.

Претседателот Иванов изрази очекување дека со потпишувањето на новата рамка за развојна соработка на Обединетите нации „Партнерство за одржлив развој: Стратегија на ОН за Република Македонија 2016-2020", ќе се овозможи поголема кохерентност во работата на агенциите на Обединетите нации во земјата и поефикасно користење на нивните екпертизи, искуства и ресурси.

„Очекуваме зголемена транспарентност и отчетност околу планирањето на идните активности на Обединетите нации во Република Македонија, како и јакнење на партнерството со националните институции, истакна на средбата претседателот Иванов, посочувајќи дека е потребен поголем ангажман на нашите претставници во заедничките работни групи за следење и известување за резултатите од имплементација на проектите и активностите поддржани од УНДП и Обединетите Нации.

Г-ѓа Хелен Кларк одаде признание за начинот на кој Република Македонија се справува со бегласката и мигрантската криза и исткана дека поддршката и соработката со Република Македонија ќе продолжи и ќе се продлабочи со нови проекти.
На средбата беше поздравено активното учество на Република Македонија во усвојувањето на Целите за одржлив развој на ООН согласно Агендата 2030, и активностите кои се преземаат за нивна имплементација.

Македонскиот претседател изрази задоволство што приоритетните активности за работата на УНДП во Република Македонија за периодот 2016-2020 произлегуваат од приоритетите на Владата на Република Македонија и претставуваат продолжување на активностите со цел обезбедување поддршка за вработување, јакнење на услугите на локално ниво, социјална инклузија и одржливост на животната средина.

Претседателот Иванов се заблагодари за ангажманот и иницијативите на УНДП во Република Македонија, како и за успешната имплементација на проектот за заштита на Преспанското езеро.

Двајцата соговорници изразија очекување за продолжување на соработката во однос на заедничко дефинирање на стратешките приоритети, тековните активности, како и имплементација на постоечките проекти.

 
Почеток < Пред 1 2 3 4 5 6 7 8 9 10 Следно > Крај
Страница 6 од 148