Соопштенија
alt
Писмо до Претседателот на САД, Барак Обама
Вторник, 03 Мај 2011

Претседателот на Република Македонија д-р Ѓорге Иванов испрати писмо до Претседателот на Соединетите Американски Држави г-дин Барак Обама. Интегралниот текст на писмото следува во продолжение:
 
Почитуван господин Претседател,
 
Со големо олеснување ја примив веста за акцијата на Соединетите Американски Држави која резултираше со отстранување на заканата која сееше страв во светот, олицетворена во Осама бин Ладен. Не само Соединетите Држави, туку и целиот свет, ќе биде посигурен и побезбеден како резултат на Вашите акции.
          
Целиот свет се сеќава на подмолниот напад од 11 септември 2001 година, но и многу други напади насочени кон недолжни цивили, вклучувајќи и жени и деца. Овие напади нè потсетија дека злото, за кое нема никакви оправдувања и објаснувања, сè уште постои на овој свет и дека должност на целото човештво е ова зло да се искорени.
 
Затоа, особено важно е да ги победиме повиците кон верска омраза и нетрпеливост – со аргументи кога е можно, со сила кога е неопходно. Оттаму, Република Македонија ќе продолжи да дејствува како посветен член на коалицијата на слободољубиви држави, предводена од Соединетите Американски Држави, во напорите за ширење на слободата и демократијата во светот и за отстранување на заканите кои произлегуваат од тероризмот.
          
Соединетите Американски Држави, како и многупати во минатото, остануваат водечка инспирација и заштитник на слободољубивите народи низ светот, независно од верата, расата и етничката припадност. Во ваквата Ваша улога, Ве уверувам дека ја имате поддршката и партнерството на Република Македонија.
          
Ве молам, примете ги изразите на мојата највисока почит.

д-р Ѓорге Иванов
 

alt
Новите амбасадори на Замбија и на Куба ги предадоа акредитивните писма на Претседателот Иванов
Петок, 29 Април 2011

Претседателот на Република Македонија д-р Ѓорге Иванов денеска ги прими акредитивните писма на новоименуваниот амбасадор на Република Замбија во Република Македонија, со седиште во Берлин, Н.Е. г-дин Џонстон Фанвел Чицинга и на новоименуваниот амбасадор на Република Куба во Република Македонија, со седиште во Софија, Н.Е. г-ѓа Тересита де Хесус Капоте Камачо.

На средбата со новоименуваниот амбасадор на Република Замбија г-дин Чицинга, Претседателот Иванов изразувајќи благодарност за принципиелниот став и употребата на уставното име на Република Македонија, посочи на потребата за понатамошно altинтензивирање и унапредување на односите и соработката со Република Замбија во сите сфери од заеднички интерес како на билатерален така и на мултилатерален план. На средбата беше нагласена потребата од унапредување на правната рамка, и подготвеност за соработка и контакти во рамките на мултилатералните организации и форуми.

Во разговорот со новоименуваниот амбасадор на Република Куба г-ѓа Камачо, Претседателот Иванов ја поздрави подготвеноста за интензивирање на економската соработка и јакнење на трговската размена, како и интересот на двете земји за развој на односите во областа на културата, образованието и медицината. Амбасадорот Камачо, истакна дека Република Куба придава особено значење на развојот на односите и соработката со Република Македонија, и во тој контекст дека за време на својот мандат ќе направи се за унапредување на односите и соработката со Република Македонија.
 

alt
Новите амбасадори на Замбија и на Куба ги предадоа акредитивните писма на Претседателот Иванов
Петок, 29 Април 2011

Претседателот на Република Македонија д-р Ѓорге Иванов денеска ги прими акредитивните писма на новоименуваниот амбасадор на Република Замбија во Република Македонија, со седиште во Берлин, Н.Е. г-дин Џонстон Фанвел Чицинга и на новоименуваниот амбасадор на Република Куба во Република Македонија, со седиште во Софија, Н.Е. г-ѓа Тересита де Хесус Капоте Камачо.

На средбата со новоименуваниот амбасадор на Република Замбија г-дин Чицинга, Претседателот Иванов изразувајќи благодарност за принципиелниот став и употребата на уставното име на Република Македонија, посочи на потребата за понатамошно интензивирање и унапредување на односите и соработката со Република Замбија во сите сфери од заеднички интерес како на билатерален така и на мултилатерален план. На средбата беше нагласена потребата од унапредување на правната рамка, и подготвеност за соработка и контакти во рамките на мултилатералните организации и форуми.

Во разговорот со новоименуваниот амбасадор на Република Куба г-ѓа Камачо, Претседателот Иванов ја поздрави подготвеноста за интензивирање на економската соработка и јакнење на трговската размена, како и интересот на двете земји за развој на односите во областа на културата, образованието и медицината. Амбасадорот Камачо, истакна дека Република Куба придава особено значење на развојот на односите и соработката со Република Македонија, и во тој контекст дека за време на својот мандат ќе направи се за унапредување на односите и соработката со Република Македонија.

 

 

alt
Честитика по повод празникот Воскресение Христово - Велигден
Сабота, 23 Април 2011

Претседателот на Република Македонија д-р Ѓорге Иванов упати честитка до христијанските верници по повод празникот Воскресение Христово - Велигден:

Во овие празнични денови ми претставува особено задоволство на сите христијани да им го честитам претстојниот голем празник, празникот над сите празници - Воскресението Христово-Велигден.

Ви посакувам Велигден да го поминете во добро здравје, благосостојба и среќа, споделувајќи љубов и топлина со вашите најблиски и исполнети со мир и спокојство.

Нека и овој Велигден биде инспирација да ги сакаме ближните повеќе од самите себеси и не штедејќи се да го следиме патот на вистината и светлината. Сплотени и вдахновени од жртвата на Христа искрено да им проштеваме на сите што ни погрешиле подавајќи им рака и милосрдие и да не заборавиме да ја негуваме љубовта кон нашите сограѓани и нашата татковина и заедно да работиме за поубава и посветла иднина.

Нека ни е честито Воскресението Христово и нека Господ не благослови и поткрепи со праведност и чесност да го сочуваме тоа што ни го оставил во наследство.

Христос воскресна, навистина воскресна!
 

alt
Средба со Рускиот министер за надворешни работи Сергеј Лавров
Среда, 20 Април 2011

Претседателот на Република Македонија д-р Ѓорге Иванов денес оствари средба со Министерот за надворешни работи на Руската Федерација, Н.Е. Сергеј Лавров.

На средбата во Вила Билјана во Охрид, Претседателот Иванов и Министерот Лавров разменија мислења за нивото на односите на двете држави. Заедничка оценка на двајцата соговорници беше дека Република Македонија и Руската Федерација негуваат исклучително блиски и пријателски односи, кои се основа за понатамошно продлабочување на соработката во областите на економијата, енергетиката, културната и научната размена, туризмот.

Особено значаен дел од средбата беше посветен на перспективите кои се отвораат меѓу двете држави во поглед на планираното поврзување на Република Македонија на проектираниот гасовод Јужен Поток. Претседателот Иванов изрази уверување дека реализирањето на овој проект ќе овозможи значителен економски подем на Република Македонија, обезбедувајќи достапен и сигурен извор на енергенси. Претседателот Иванов и Министерот Лавров разговараа за досегашните успешни руски инвестиции во Република Македонија и за можностите за натамошно инвестирање, како и за пристапот на македонските производители до рускиот пазар.

Претседателот Иванов упати поздрави и ја афирмираше поканата до Претседателот на Руската Федерација Дмитри Медведев да ја посети Република Македонија, при што ќе може на највисоко ниво да се потпише Договорот за пријателство и соработка меѓу двете држави.

Претседателот Иванов искажа голема благодарност за принципиелниот став на Руската Федерација во однос на почитувањето на уставното име на Република Македонија, чин кој особено се цени и од граѓаните на Република Македонија. Притоа, Претседателот Иванов го запозна Министерот Лавров со актуелностите во процесот на разговори со Република Грција и за позициите на Република Македонија.
 

Средба со Претседателот на Европската комисија Жозе Мануел Баросо во Охрид
Сабота, 09 Април 2011


Претседателот на Република Македонија д-р Ѓорге Иванов денеска оствари средба со Претседателот на Европската Комисија, Жозе Мануел Баросо.

Теми на средбата беа актуелните политички состојби во Република Македонија, европските перспективи на земјата, како и тековните настани во процесот за надминување на разликата околу името со нашиот јужен сосед.

Претседателот Иванов ја поздрави посветеноста на ЕК и нејзиниот партнерски однос во приближувањето на земјата кон европските стандарди и процесите што водат кон остварувањето на стратегиската цел на РМ, полноправно членство во ЕУ.

Претседателот Баросо истакна дека високо ја цени ангажираноста и поддршката на Претседателот Иванов за постигнување консензус околу стратегиските прашања за Република Македонија.

На средбата се разменија мислења и информации за тековните настани во процесот за надминување на разликата околу името со нашиот јужен сосед, што претставува единствената пречка за продолжување на интегративните процеси.

Претседателот Иванов го информираше Претседателот нa ЕК, Баросо за своите активности преземени на политички план, нагласувајќи дека Република Македонија е на стадиум на демократски развој кога политичкиот дијалог треба да се води во рамките на демократските институции, дека владеењето на дијалогот надвор од институциите не помага и не го јакне демокрaтскиот капацитет на институциите и дека е тоа надвор од европските стандарди.

Претседателот Баросо високо ја цени улогата на Претседателот Иванов на регионален план, поздравувајќи ја и претстојната средба на претседателите на Македонија, Црна Гора, Албанија и на Косово што ќе се одржи во јули во Охрид и во тој контекст изрази задоволство што на агендата на таа средба ќе биде соработката во конкретни инфраструктурни проекти кои Европската Комисија е подготвена да ги разгледа и поддржи.

 
Почеток < Пред 151 152 153 154 155 156 157 158 159 160 Следно > Крај
Страница 155 од 168