„Во нашиот заеднички свет“- предновогодишна прослава за поддршка на децата со аутизам, АДХД и Аспергеров синдром
Сабота, 17 Декември 2016   

paketcinja1

Сопругата на претседателот на Република Македонија, г-ѓа Маја Иванова, денеска присуствуваше на предновогодишната прослава во организација на здружението на граѓани за третман на лицата со Аутизам, АДХД и Аспергеров синдром  - „Мојот Свет“ и Германскиот културен центар.
 

Целта на настанот, подржан од г-ѓа Маја Иванова,  е да се подигне свеста на јавноста за поддршка на децата со аутизам, АДХД и Аспергеров синдром, како и можностите за нивна инклузија во нормалниот образовен процес.  Воедно, со заедничкиот настап на децата,  целта е уште од најмала возраст да се поттикне чувството за меѓусебна грижа и радувањесо најблиските.
 

Во рамки на настанот насловен „Во нашиот заеднички свет“,  беше одржана креативна работилница и приредена културно-уметнички и забавна програма во која учествуваа стотина деца преку изведба на рецитали, глума и песни на македонски и германски јазик. 
 

г-ѓа Маја Иванова во континуитет ги поддржува активностите и иницијативите на здружението „Во мојот свет“ и е покровител на Меѓународниот ден на аутизмот. Во рамки на прославата, г-ѓа Иванова на децата им подели новогодишни пакетчиња, посакувајќи им среќни новогодишни и божиќни празници.

paketcinja 

 

Биографија

Првата дама на Република Македонија, госпоѓа Маја Иванова, е дипломиран правник кој во слободното време пишува поезија. 

Повеќе

 

Фото галерија

Maja_fotogal