Select Page

Продолжува проектот „Волонтираме за солидарно општество“

13 ноември 2020 | Соопштенија

По неколкумесечна пауза поради пандемијата на Ковид -19, од денеска продолжи проектот „Волонтираме за солидарно општество“.

Во активноста, денеска во Млади Хаб – Канцеларија на Претседателот се вклучи и претседателот Стево Пендаровски, заедно со семејството.

Заедно со волонтери од партнерските организации, тие подготвија хуманитарни пакети со прехранбени производи, средства за лична хигиена и за одржување на домаќинствата. Пакетите, во соработка со здружението на граѓани за помош на бездомници, социјално загрозени семејства и поединци „Љубезност“ и со здружението за хумано-општествен развој – Проект „Среќа“, ќе бидат распределени на семејства во социјален ризик, чијашто состојба дополнително е отежната поради кризата предизвикана од пандемијата на вирусот Ковид 19.

За оваа хуманитарна акција, овој пат донираа неколку компании, односно Пекабеско АД, Даути Комерц, Рудник Саса, ЕВН Македонија, Тинекс и Винчини.

Кабинетот на претседателот на Република Северна  Македонија ги повикува и останатите општествено одговорни компании да се вклучат со свој придонес, со цел во овие тешки денови да им помогнеме на ранливите категории на граѓани, на оние на коишто најмногу им треба поддршка.

Мотото на оваа иницијатива е „Тука сме, ѝ служиме на заедницата, си помагаме едни на други!“ #ТукаСме #ЕдниЗаДруги.

Претседателот Пендаровски до волонтерите: Вие сте пример како треба да бидеме солидарни и да помагаме

Претседателот Пендаровски до волонтерите: Вие сте пример како треба да бидеме солидарни и да помагаме

Претседателот Стево Пендаровски по повод одбележувањето на 5 Декември-Меѓународниот ден на волонтерството, денеска разговараше со волонтери од различни региони и организации од Република Северна Македонија. Во разговорот учествуваа волонтери од Црвениот крст, УНИЦЕФ,...

Претседателот Пендаровски до волонтерите на Црвен крст: Благодарност за вашата пожртвуваност, одговорност и посветеност

Претседателот Пендаровски до волонтерите на Црвен крст: Благодарност за вашата пожртвуваност, одговорност и посветеност

Претседателот Стево Пендаровски во пресрет на одбележувањето на 5 Декември – Меѓународниот ден на волонтерите, учествуваше на  онлајн вебинар настан организиран од Црвениот крст на Република Северна Македонија под мотото „За сите наши волонтери”. Претседателот...

Обраќање на претседателот Пендаровски на специјалната сесија на Генералното собрание на Обединетите нации, посветена на пандемијата на Ковид-19

Обраќање на претседателот Пендаровски на специјалната сесија на Генералното собрание на Обединетите нации, посветена на пандемијата на Ковид-19

Дами и господа, ваши екселенции, Пандемијата на КОВИД-19 и натаму претставува најголем ризик за човештвото. Голем број семејства изгубија свои членови, а многу заедници се сериозно погодени. Оваа здравствена криза ги зафати и другите сектори на нашите општества, а...

Претседателот Пендаровски на Самитот „Македонија 2025“: Најисплатлива инвестиција е инвестицијата во образованието

Претседателот Пендаровски на Самитот „Македонија 2025“: Најисплатлива инвестиција е инвестицијата во образованието

Претседателот Стево Пендаровски денеска учествуваше на Самитот „Македонија 2025“ којшто за прв пат се одржува во хибриден формат и е посветен на состојбите во светот за време, и после глобалната здравствена и економска криза. [gallery...

Pin It on Pinterest