Select Page

Изјава на претседателот на Република Северна Македонија, Стево Пендаровски на заедничката прес-конференција со претседателот на Црна Гора, Мило Ѓукановиќ

2 октомври 2019 | Соопштенија, Средби

Почитувани претставници на медиумите,

На мое големо задоволство денеска му посакав срдечно добредојде на претседателот на Црна Гора, Мило Ѓукановиќ кој престојува во официјална посета на Северна Македонија, што воедно претставува и прва посета на странски претседател на нашата земја во мојот мандат.

Оттука, посебно ми причинува задоволство што ја имам честа да бидам домаќин на претседател на една наша блиска и пријателска држава, како што е Црна Гора.

На денешните средби констатиравме дека односите меѓу Северна Македонија и Црна Гора продолжуваат да се развиваат во духот на пријателството и соработката, без отворени спорни прашања. Со мојот пријател Мило се согласивме дека двете земји негуваат одлични политички односи и споделуваат исти надворешно-политички приоритети и цели.

Разговараме и за регионалната соработка, којашто колку што содржи предизвици, нуди и шанса и надеж за натамошно подобрување на односите меѓу нашите две држави. Како две земји кои се активно вклучени во регионалните односи, во насока на подобрување на стабилноста, пријателството и меѓусебното разбирање, ги разгледавме и другите прашања од регионот во контекст на евро-атлантските интеграции.

Нашите две држави ги поврзува заедничкото минато, но уште повеќе заедничката иднина – водењето на нашите држави на патот кон мирот и просперитетот кон обединета Европа.

Како земја особено ја цениме јасната и недвосмислена поддршка од Црна Гора во остварувањето на нашите врвни стратешки цели – членството во НАТО и во ЕУ. Сакам посебно тука да нагласам дека Црна Гора е меѓу првите земји којашто го ратификуваше пристапниот протокол за нашето членство во Алијансата.

Добив уверување од претседателот Ѓукановиќ дека поддршката од Црна Гора ќе продолжи и во иднина, а заеднички констатиравме дека е неопходно Европската унија да го препознае моментот и Северна Македонија овој месец конечно да добие датум за отпочнување на претпристапните преговори.

Се согласивме дека нема поголема движечка и трансформативна сила во нашите општества од евро-интегративните процеси, кои не упатуваат на соработка и градење на општества со највисоки европски стандарди и принципи. Во оваа насока, Северна Македонија и Црна Гора соработуваат и преку понудената помош во техничко-оперативните и методолошките аспекти на водење на процесот на ЕУ приклучувањето, во кои Црна Гора е во многу понапредна фаза од нас.

Пример за одлично воспоставените односи меѓу Северна Македонија и Црна Гора е соработката во областа на одбраната. Имено, питомци од Црна Гора се школуваат на нашата Воена Академија, додека наш интерес е нашите пилоти да се обучуваат на курсот за наставници за летање во Црна Гора.

 

Можам слободно за заклучам дека Северна Македонија и Црна Гора се цврсто определени за целосно европско и евроатлантско интегрирање, за исполнување на агендата на Берлинскиот процес и на другите формати на регионална соработка.

Интеграциите, стабилноста, добрите односи меѓу двете држави на различни нивоа, ги гледаме како неопходни услови и за економскиот развој на нашите држави и за подобрувањето на животниот стандард на нашите граѓани. Во интерес на граѓаните треба да вложиме напори за унапредување на меѓусебната економска соработка, каде што постои многу поголем потенцијал за далеку подобар резултат од досегашниот.

На крајот, уште еднаш сакам да потенцирам дека Северна Македонија и Црна Гора се две пријателски и блиски земји кои имаат меѓусебно разбирање, кои се конструктивни и активни во регионалната соработка и верувам дека во интерес на двата народа, односите меѓу нашите две земји уште повеќе ќе зајакнуваат.

 Ви благодарам.

Делегација од Кабинетот на Претседателот оддаде почит на 8 армиски резервисти загинати кај Љуботенски бачила

Делегација од Кабинетот на Претседателот оддаде почит на 8 армиски резервисти загинати кај Љуботенски бачила

Делегација од Кабинетот на Претседателот на Република Северна Македонија, по повод 19-годишнината од загинувањето на осум армиски резервисти кај месноста Љуботенски бачила, скопско, денеска положи цвеќе пред спомен-обележјата во општина Ѓорче Петров, пред...

Претседателот Пендаровски во Охрид го посети армискиот нуркачки тим од Баталјонот на специјалните сили

Претседателот Пендаровски во Охрид го посети армискиот нуркачки тим од Баталјонот на специјалните сили

Претседателот на Република Северна Македонија и Врховен командант на Вооружените сили, Стево Пендаровски, денеска го посети нуркачкиот тим од Баталјонот на специјалните сили на Армијата, што изведува обука во летни услови во Центарот за обука на вода во Охрид....

Делегација од Кабинетот на Претседателот оддаде почит на 10 армиски резервисти загинати кај Карпалак

Делегација од Кабинетот на Претседателот оддаде почит на 10 армиски резервисти загинати кај Карпалак

Делегација од Кабинетот на Претседателот на Република Северна Македонија, по повод 19-годишнината од загинувањето на 10 армиски резервисти кај месноста Карпалак, денеска положи цвеќе пред спомен-плочата кај месноста Карпалак на автопатот Тетово – Скопје и пред...

Обраќање на претседателот Пендаровски на свеченото отворање на „Охридско лето“

Обраќање на претседателот Пендаровски на свеченото отворање на „Охридско лето“

Претседателот на Република Северна Македонија, Стево Пендаровски, присуствуваше и се обрати на свеченото отворање на јубилејното 60-то издание на „Охридско лето“, во Античкиот театар во Охрид. Реномираниот меѓународен фестивал традиционално се одржува под...

Pin It on Pinterest