Интервју на претседателот Пендаровски за германски „Билд“

20 февруари 2022 | Интервјуа

Претседателот Стево Пендаровски гостуваше во програмата на германски „Билд“ во врска со јавната поддршка која ја даде на Ембла Адеми, девојчето со Даунов синдром која беше жртва на дискриминација поради нејзината попреченост.

Во продолжение транскрипт од материјалот:

Трогателен гест против мобинг: Претседател лично придружува девојче до училиште

По мобинг заради Даунов синдром

ПРЕТСЕДАТЕЛ ЛИЧНО ПРИДРУЖУВА ДЕВОЈЧЕ ДО УЧИЛИШТЕ

Трогателен гест на претседателот на Северна Македонија, Стево Пендаровски. Заради мобинг во училиште врз дете со Даунов синдром, тој лично го придружува девојчето до училиште. И на тој начин ја подигнува свеста за борба против мобингот и свеста за инклузијата.

11-годишното девојче Ембла има Даунов синдром, заради што на училиште е шиканирана и задевана, и тоа не само од учениците. Дел од родителите бараат да биде исклучена од наставата.

Откако претседателот Пендаровски дознава за случајот, прави гест со цел да ги поддржи девојчето и нејзиното семејство. Имено, тој го посетува девојчето во нејзиниот роден град Гостивар кој се наоѓа на северозападниот дел од земјата и лично тој ја придружува до училиште.

Откако пристигна во училиштето, тој нагласи дека сите луѓе во Северна Македонија се еднакви. 

„Ние мора да ја подигнеме нашата свест дека лицата со попреченост се дел од нас и не смееме да ги отфрлиме.“ 

Во меѓувреме, Ембла веќе може да се врати во нејзиното одделение и да следи настава заедно со другите ученици. А со цел ова да биде обезбедено и во иднина, на девојчето ù е доделен личен асистент.

Водителка: „Стево Пендаровски, претседателот на Северна Македонија, кој го стори ова бидејќи сака да биде пример за оние луѓе кои ја отфрлија Ембла. А тој е сега ексклузивно кај нас и ќе разговараме за овој прекрасен гест. Милно ни е што се со нас“.

Водител: „Добар ден!“

Водителка: „Самиот Вие сте татко. Не сакам да Ве прашам само како политичар туку и како татко, како човек. Што Ви лежеше на срце откако слушнавте за Ембла?“

Претседателот Стево Пендаровски: „Добро утро! Искрено да Ви кажам, бев навистина запрепастен кога слушнав за овој случај. Прочитав за веста во локалните медиуми. И како што напоменав, бев навистина запрепастен. Сега говорам како татко, како човек, а пред сé, како најобичен човек. Знаете, не е моја уставна обврска тоа да го сторам, но тоа дефинитивно беше моја морална обврска како човек. Токму таа беше движечката сила за моето постапување“.

Водителка: „Што мислите, што можевте да постигнете со тоа? Вие секако покажавте дека можете да бидете пример. Но, што постигнавте особено кај родителите кои потпишаа петиција дека ова девојче не смее да оди во училиште. Дали забележавте дека го смениле своето размислување? Дали разговаравте со нив?“

Претседателот Стево Пендаровски: „Разговарав со многумина, видов многу реакции од целиот свет, а всушност тоа беше и најсилната порака. И токму таа порака можеме да ја испратиме до луѓето во светот, а не само во Северна Македонија. Овој вид на проблеми можеби можат да се решат на индивидуална основа, но генерално гледано, такви проблеми гледаме насекаде – не само во мојата земја, туку и во Вашата земја и насекаде во светот. И тука не можат проблемите да се решат со една акција. Навистина мора да се најде решение со тоа што сите ние заедно ќе бидеме активни – државните институции и соодветниот кадар, затоа што навистина има многу големи проблеми во оваа област, има уште толку многу стигми кои ги пратат овие луѓе“.

Водителка: „Вие и долго време разговаравте со Ембла. Што вели таа, што доживеала? Како се чувствува таа? Како таа сето ова го доживеа и што мисли таа за сето ова?“

Претседателот Стево Пендаровски: „Тоа за неа е многу тешка ситуација. Ова младо девојче има малку тешкотии при говорење и за неа е тешко да разбере што ù се вели. Така што, тој вид на емоции можете на пример преку гестикулации да ù ги појасните. А најважното за мене и за сите во нејзиното опкружување беше тоа што таа навистина повторно имаше насмевка на лицето.“

Водител: „Таа има повторно насмевка на лицето, Ембла. Тоа Ви успеа. Можам да претпоставам дека во оној момент кога претседателот доаѓа во придружба, тогаш сé е во ред на училиште, но по некое време претседателот си оди. Дали потоа мобингот повторно ќе се случи? Доколку да, дали родителите смеат повторно да Ви се обратат Вам?“

Претседателот Стево Пендаровски: „Досега не стигнале такви информации до мене или до лицата кои работат во мојот кабинет. Но, верувам дека проблемот засега е решен. Доколку не, секако дека повторно ќе отидам во градот Гостивар и повторно ќе разговарам со сите лица кои се во нејзиното опкружување – почнувајќи од училиштето, па сè до нејзините соседи. Вакво нешто не смее уште еднаш да се повтори, и тоа не само спрема неа, туку и спрема сите луѓе во нашата земја.“

Водителка: „Вели Стево Пендаровски, претседателот на Северна Македонија, кој ја придружуваше малата Ембла до училиште, откако таа беше под мобинг и беше отфрлена, па следствено на тоа, таа не можеше повеќе да посетува настава. Срдечно Ви благодарам што разговаравте на оваа тема со нас!“

Претседателот Стево Пендаровски: „Ви благодарам и Вам!“

 

 

 

 

Категории

Categories

Kategori

Последни вести

Latest news

Lajmet e fundit

Средба со учесници на 13-от конгрес на стоматолошки комори од регионот

Средба со учесници на 13-от конгрес на стоматолошки комори од регионот

Претседателот Стево Пендаровски денеска прими делегација на Стоматолошката комора на Република Северна Македонија, како и партнерските комори, по повод 13-от конгрес на нови технологии. Делегацијата предводена од претседателот на Комората, д-р Маријан Денковски го...

Посета на ученици од СУГС Гимназија „Јосип Броз – Тито“ во рамки на Отворен Кабинет

Посета на ученици од СУГС Гимназија „Јосип Броз – Тито“ во рамки на Отворен Кабинет

Во рамки на активноста Отворен кабинет, денеска Кабинетот на претседателот го посетија ученици од скопската гимназија „Јосип Броз-Тито“. Посетителите имаа можност да се сретнат и да разговараат со претседателот Пендаровски за неговата работа и надлежностите, за...

Обраќање на Елизабета Ѓоргиевска на конференцијата за здравство „Подобрување на пристапот до лекови за сите“

Обраќање на Елизабета Ѓоргиевска на конференцијата за здравство „Подобрување на пристапот до лекови за сите“

  Сопругата на претседателот, Елизабета Ѓоргиевска присуствуваше и се обрати на првата конференција за здравство „Подобрување на пристапот до лекови за сите“, во организација на Американската стопанска комора на Северна Македонија. Еднодневната конференција...

Претседателот Пендаровски го додели признанието „Успешни млади“ за 2021 година

Претседателот Пендаровски го додели признанието „Успешни млади“ за 2021 година

Претседателот Стево Пендаровски, на церемонија во Кабинетот на претседателот, денеска го додели признанието „Успешни млади“ за 2021 година. Признанието се доделува како поттик на научноистражувачката мисла и уметничката работа на младите во нашата држава. [gallery...

Ѓоргиевска: Наша заедничка должност е да креираме патоказ по кој без страв и чувство на помала вредност за себеси ќе чекорат нашите деца и млади

Ѓоргиевска: Наша заедничка должност е да креираме патоказ по кој без страв и чувство на помала вредност за себеси ќе чекорат нашите деца и млади

Сопругата на претседателот, Елизабета Ѓоргиевска се обрати на настан по повод 20 години од меѓународната студија „Однесувања поврзани со здравјето на децата од училишна возраст (11, 13 и 15 години) во Република Северна Македонија“ што се одржа под нејзино...