Надворешната политика на Република Северна Македонија, европерспективите на земјава и очекувањата за надминување на блокадата од Бугарија, беа дел од темите на кои претседателот Пендаровски одговараше во интервјуто за Дневникот на телевизија Сител.
„Доколку Бугарија продолжи да ја блокира земјава на патот кон ЕУ, не е лошо соработката со САД да се издигне на повисоко ниво од потпишаната Декларација со САД од 2008 година. Не се работи за алтернатива на нашата стратешка цел – членството во ЕУ, туку поголема поддршка од држава која има што да понуди во однос на владеењето на правото и безбедносните закани“, порача претседателот Пендаровски.
Во интервјуто за Сител, претседателот Пендаровски зборуваше и за црковниот спор, последната средба со Вселенскиот Патријарх Вартоломеј, како и за актуелните состојби во внатрешната политика на земјава.
