Во Кабинетот на претседателот Стево Пендаровски, вечерва се одржа концерт на тема „Звуци на сегашноста – современа македонска музика“, на кој со свои композиторски дела и изведувачки настапи се претставија дел од домашните артисти што имаат важен придонес во афирмацијата на македонската музичка култура.
Претставувајќи ги различните правци во современата музика, на концертот настапија „Алембик“, чии членови се Ива Дамјановски и Виктор Танасковски, „Марија Каева трио“, во чиј состав се Марија Каева, Владан Дробицки и Дино Милосављевиќ, и „Galatheia“, зад чиј псевдоним стои Теа Шалдева.
„Звуците на сегашноста – современа македонска музика“ се реализира во насока на промоција и поттикнување на креативноста на современата уметничка и авторска сцена, како и во негувањето на урбаната култура.
Со вечерашниот концерт Кабинетот на претседателот го заокружува одбележувањето на месецот на независна македонска држава.
