Обраќање на г-а Ѓоргиевска на финалната конференција од проектот „Мерки за зајакнување на женски бизниси по Ковид-19“

17 јули 2022 | Aктивности, Соопштенија

Сопругата на претседателот, Елизабета Ѓоргиевска се обрати на финалната конференција од проектот „Мерки за зајакнување на женски бизниси по Ковид-19“ што се одржа во Охрид под нејзино покровителство. Во своето обраќање пред присутните, сопругата на претседателот истакна дека верува дека со овој настан ќе се постигнат две цели: придонес кон поголема препознатливост и вмрежување на женските бизниси и пренесување на пораката дека родовата еднаквост и економското учество на жените се еден од клучните предуслови за одржлив и инклузивен развој на македонското општество и економија.

„Економското зајакнување на жената е истовремено индикатор за нивото на демократизација на општеството, но и патоказ кон поправеден економски развој во кој ќе има место за секого. Економското зајакнување на жената е зајакнување на општеството во целост и претставува инвестиција во иднината и гаранција за просперитетот на државата“, нагласи Ѓоргиевска.

Говорејќи дека жените во Северна Македонија во континуитет се посветени кон позитивните општествени промени за што сведочат успесите на жените претприемачки, Ѓоргиевска истакна дека останува уште многу да се направи за што е потребен заеднички ангажман за  отстранување на бариерите што го попречуваат целосното и праведно вклучување на жените во секоја сфера од развојот на државата, како нераскинлив дел од економската стабилност, социјалниот напредок и демократските вредности.

„Во оваа насока, неопходни се мерки и активности за поттикнување на женското претприемништво и создавање на поволна деловна клима за економско зајакнување на бизнисите предводени од жени“, истакна Ѓоргиевска и додаде дека од особена важност во насока на поттик и развој на женското претприемништво е организирањето на ваков вид на настани кои овозможуваат промовирање на позитивни бизнис приказни и практики на жените, развивање на професионален пристап на жените кои сакаат да отворат свои бизниси, да се мотивираат и да се поттикнат жените да влезат во бизнис светот и да ги остварат своите потенцијали.

На конференцијата се обратија и Неда Малеска-Сачмароска, извршна директорка на Центарот за управување со промени, Џејмс Стајн, претставник на канцеларијата на УСАИД во земјава и Кирил Пецаков, градоначалник на Општина Охрид. Настанот е во организација на Центарот за управување со промени поддржан од БТД и УСАИД.

Категории

Categories

Kategori

Последни вести

Latest news

Lajmet e fundit

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Стево Пендаровски денеска во Париз се обрати на отворањето на меѓународниот симпозиум во рамки на чествувањето на јубилејот „Сто години од раѓањето на Ацо Шопов (1923 – 1982)“, што се одржува под негово покровителство во соработка со УНЕСКО. Воедно,...

Средба на претседателот Пендаровски со генералната директорка на УНЕСКО, Одре Азуле

Средба на претседателот Пендаровски со генералната директорка на УНЕСКО, Одре Азуле

Претседателот Стево Пендаровски денеска во Париз оствари средба со генералната директорка на УНЕСКО, Одре Азуле. На средбата се разговараше за севкупната соработка на Република Северна Македонија со УНЕСКО, во контекст на 30-годишнината од нашето членство во...

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Стево Пендаровски денеска во Париз го посети Националниот институт за ориентални јазици и цивилизации – ИНАЛКО, каде што оствари средба со Жан-Франсоа Хуше, претседател на ИНАЛКО и средба со Фроса Пејоска-Бушеро, шеф на Катедрата за македонски студии при...

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Во организација на Претседателскиот центар за политичко образование денеска во Скопје се одржа конференција на тема „30 години македонско-германски дипломатски односи: Билатерална соработка и развојна поддршка со Северна Рајна - Вестфалија“. На отворањето на...