Обраќање на отворањето на постановката насловена „Дали сум јас тоа име или таа слика?“ во Музејот на современа уметност

27 септември 2019 | Обраќања

Претседателот на Република Северна Македонија, Стево Пендаровски, вечерва во Музејот на современа уметност – Скопје, присуствуваше и се обрати на отворањето на постановката насловена „Дали сум јас тоа име или таа слика?“ на Музејот на современа уметност „МОМус“ од Солун, Република Грција.

Дами и господа,
Вљубеници во уметноста,
Драги пријатели,

Уметноста не препознава граници и поделби, а нејзината суштинска улога, барем според моето скромно мислење, е да биде поддршка на соживотот и заедничката иднина меѓу народите. Токму затоа, уметниците освен што биле и се, главните градители на мостови кои не поврзуваат, тие се и првите гласници на мирот и разбирањето меѓу нас.

Имам несекојдневна чест да се обратам на отворањето на оваа постановка, која е историски, прво претставување на солунскиот Музеј на современа уметност пред македонската публика со дела од нивната колекција.

Ова што вечерва се случува тука, би требало да го трасира патот по кој треба да се движат и другите институции и организации кај нас. Патот, по кој, не ќе е лошо, да одат и граѓаните во двете држави. Музејот на современа уметност во Скопје како најкомпетентна и најзначајна институција во откривањето, негувањето и ширењето на вистинските вредности што се создаваат во уметноста и културата на нашето време, ја почнува новата ера на соработка во сферата на културата помеѓу Северна Македонија и Грција. Најискрени честитки до тимот на Музејот кој го насочува својот поглед кон ова ново поглавје во соработката, што несомнено ќе донесе вредности какви што доликуваат на две соседни, пријателски, европски држави.

Овој настан вечерва почитувани пријатели, коинцидира со уште еден значаен настан, не би сакал да го наречам историски, затоа што на Балканот сите сме презаситени од историја, што се случи претпладнево во мојот Кабинет. Имено, предавањето на акредитивите на првиот грчки амбасадор, со што го подигнавме нивото на дипломатско претставување на Република Грција кај нас.

Денешниве настани се еден очекуван, логичен, би рекол природен тек на процесите по потпишувањето на Преспанскиот договор. Во оваа прилика сакам да им оддадам признание на сите оние и политичари и уметници кои во изминативе години и децении трпеливо ги подотвораа портите што овозможи, денес, а се надевам и во иднина, низ нив слободно да поминуваат и луѓето и идеите.

Почитувани,

Уметноста од памтивек била предвесник на иднината во која ќе живееме. Ако по утрото денот се познава, како што вели нашиот народ, тогаш нескромно можеме да кажеме дека нашата генерација, ја постави основата за ставање крај на предрасудите и поделбите. Се надевам се согласуваме, дека сите ние конечно, заслужуваме да живееме во посреќни времиња, уживајќи во убавините на животот, онака како што само уметноста знае да ги претстави.

Со оваа мисла, дозволете ми да ја прогласам изложбата за отворена.

Ви благодарам.

Категории

Categories

Kategori

Последни вести

Latest news

Lajmet e fundit

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Стево Пендаровски денеска во Париз се обрати на отворањето на меѓународниот симпозиум во рамки на чествувањето на јубилејот „Сто години од раѓањето на Ацо Шопов (1923 – 1982)“, што се одржува под негово покровителство во соработка со УНЕСКО. Воедно,...

Средба на претседателот Пендаровски со генералната директорка на УНЕСКО, Одре Азуле

Средба на претседателот Пендаровски со генералната директорка на УНЕСКО, Одре Азуле

Претседателот Стево Пендаровски денеска во Париз оствари средба со генералната директорка на УНЕСКО, Одре Азуле. На средбата се разговараше за севкупната соработка на Република Северна Македонија со УНЕСКО, во контекст на 30-годишнината од нашето членство во...

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Стево Пендаровски денеска во Париз го посети Националниот институт за ориентални јазици и цивилизации – ИНАЛКО, каде што оствари средба со Жан-Франсоа Хуше, претседател на ИНАЛКО и средба со Фроса Пејоска-Бушеро, шеф на Катедрата за македонски студии при...

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Во организација на Претседателскиот центар за политичко образование денеска во Скопје се одржа конференција на тема „30 години македонско-германски дипломатски односи: Билатерална соработка и развојна поддршка со Северна Рајна - Вестфалија“. На отворањето на...