Обраќање на претседателот Пендаровски на отворањето на 40. издание на Макинова и 17. издание на Еконова

8 ноември 2019 | Обраќања

Почитувани пронаоѓачи,
Почитувани организатори на Макинова и на Еконова,
Драги гости,

Ми претставува особена чест да бидам покровител на јубилејното 40. издание на Макинова и на 17. издание на Еконова. Пред сè, би сакал да ја искажам својата благодарност до пронаоѓачите кои изложуваат на Макинова и на Еконова и чии дела сведочат за нивната креативност, знаење, вештини и макотрпна и креативна работа. Верувам дека треба систематски да се работи за нивниот број да биде сè поголем и поголем. Особено сме почестени што и годинава традиционално имаме и гости изложувачи од странство, што на манифестацијата и дава меѓународен карактер и несомнено придонесува за нејзиниот квалитет. Секако не може, а да не се одбележи и бројното присуство на млади пронаоѓачи. Несомнено, тие се иднината на нашето иноваторство и во нив мораме да вложуваме и да им помогнеме да се надградуваат и да се усовршуваат. Влогот во нив, всушност претставува влог во нашата иднина.

Веќе 17 години паралелно со Макинова егзистира и Еконова. Периодов кога се соочуваме со зголемено аерозагадување нè потсетува дека треба посебно внимание да се посвети токму на пронајдоци и идеи чија цел е подобрување и заштита на животната средина. Инвестирањето во овие пронајдоци може да придонесе за поздрава животна средина и подобар живот за сите нас.

Почитувани,

Секое одговорно општество ги стимулира пронаоѓачите и ја цени нивната улога во научниот, техничкиот и економскиот развој. Човечкиот потенцијал може да биде пресуден за нашиот развој имајќи ги предвид лимитираните ресурси и географската местоположба. Она што е битно е сите оние кои имаат потенцијал и креативност да дојдат до услови за понатамошно усовршување и развој.

Од интерес на нашата држава е македонските пронаоѓачи да го најдат своето место во нашите научни и образовни институции, во стопанските субјекти и активно да придонесуваат за добросостојбата на својата татковина.

На крајот, на ова кратко обраќање, би сакал да се заблагодарам на организаторите, Сојузот на пронаоѓачите и автори на технички унапредувања на Македонија ‒ СПАТУМ и Народна техника на Македонија и да посакам успешно одвивање на Макинова и Еконова 2019.

Ви благодарам.

Категории

Categories

Kategori

Последни вести

Latest news

Lajmet e fundit

Претседателот Пендаровски се обрати на Светскиот самит за климатски активности во рамки на COP28

Претседателот Пендаровски се обрати на Светскиот самит за климатски активности во рамки на COP28

Претседателот Стево Пендаровски, во рамки на учеството на Конференцијата на Обединетите нации за климатски промени - COP28 која се одржува во Дубаи, Обединетите Арапски Емирати, денеска се обрати на Сегментот на високо ниво на Светскиот самит за климатски активности....

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Претседателот Стево Пендаровски денеска во Дубаи, за време на неговото учество на Конференцијата на Обединетите нации за климатски промени - COP28, оствари средба со претседателката на Европската банка за обнова и развој, Одил Рено-Басо. ...

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Претседателот Стево Пендаровски во рамки на учеството на Конференцијата на Обединетите нации за климатски промени – COP28 во Дубаи оствари кратки средби со британскиот крал Чарлс Трети, со кралот на Јордан Абдула Втори, со претседателката на Република Словенија Наташа...

Средба на генералниот секретар на Кабинетот на претседателот со заменик – министерот за надворешни работи на Јапонија

Средба на генералниот секретар на Кабинетот на претседателот со заменик – министерот за надворешни работи на Јапонија

Генералниот секретар на Кабинетот на претседателот Миле Бошњаковски, денеска прими делегација предводена од заменик – министерот за надворешни работи на Јапонија, Јоичи Фуказава, којашто престојува во земјава по повод учеството на Министерски совет на ОБСЕ. [gallery...

Претседателот Пендаровски присуствуваше на отворањето на Светскиот самит за климатски активности во рамки на COP28

Претседателот Пендаровски присуствуваше на отворањето на Светскиот самит за климатски активности во рамки на COP28

Претседателот Стево Пендаровски денеска во Дубаи, Обединетите Арапски Емирати, присуствуваше на отворањето на Светскиот самит за климатски активности, што се одржува во рамки на Конференцијата на Обединетите нации за климатски промени - COP28. [gallery...