Обраќање на претседателот Пендаровски на отворањето на меѓународниот инклузивен драмски фестивал „Игри без маска“

27 ноември 2019 | Обраќања

„Драга Јана, драга Марија.

Ви благодарам за прекрасната најава. Јас не сум вашиот татко, јас сум вашиот другар.

Драги пријатели ви благодарам што сме денес заедно во Македонскиот Народен Театар, без маски.

Навистина сум пријатно изненаден од љубовта, од оптимизмот и позитивната енергија која денес зрачи и на сцената и во публиката.

Инаку, моите раце, кои го споменувате, се исти како вашите, отворени за ракување и за дружење, тоа се раце подготвени да им служат на сите луѓе на светот. Без вашите подадени раце моите би биле осамени. Сакам да ви кажам дека иако нечии раце се помали, некои се поголеми, иако различни – сите се раце. Без разлика на разликите што ги имаме сите ние сме еднакви и рамноправни. Токму меѓународниот инклузивен драмски фестивал „Игри без маска“ тоа и го покажува и го потврдува. Преку овој фестивал, но и воопшто во нашето секојдневие ве повикувам да го градиме духот на солидарноста, на почитувањето и прифаќањето на различноста.

Почитувани,

Кога говориме за едно општество за сите не смееме да заборавиме дека тоа не смее да биде само парола, туку во него навистина мора да има место за секого. Инклузијата на лицата со попреченост е показател за развојот на една држава, огледало на свеста и совеста на едно општество и на сите негови граѓани. Да не останеме само на желби и соништа, да ги направиме нашите животи театарска претстава без крај, исполнета со разбирање, со помагање еден на друг и со безусловна љубов.

Уште еднаш ви благодарам на честа да бидам покровител на овој прекрасен фестивал. Ви посакувам незаборавни мигови исполнети со дружење, заедништво и уживање во магијата на Талија.“

Категории

Categories

Kategori

Последни вести

Latest news

Lajmet e fundit

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...

Претседателите Пендаровски и Ван дер Белен се обратија на Македонско-австрискиот економски форум

Претседателите Пендаровски и Ван дер Белен се обратија на Македонско-австрискиот економски форум

Претседателот Стево Пендаровски и претседателот Александер Ван дер Белен, во рамки на официјалната посета на австрискиот претседател на Република Северна Македонија, денеска се обратија на Македонско-австрискиот економски форум „Зајакнување на деловните односи меѓу...

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Во рамки на официјалната посета на сојузниот претседател на Република Австрија на Република Северна Македонија, претседателот Стево Пендаровски и претседателот Александер Ван дер Белен положија венци на гробот на македонскиот револуционер Гоце Делчев во црквата „Св....