Обраќање на претседателот Пендаровски на одбележувањето на 14 ноември – Светски ден на дијабетесот

13 ноември 2021 | Соопштенија

Претседателот Стево Пендаровски вечерва се обрати на одбележувањето на 14 ноември – Светски ден на дијабетесот. Настанот е во организација на Асоцијацијата за детски дијабетес на Македонија – Баланс МК и се одбележува под покровителство на претседателот Пендаровски.

Дијабетесот зазема сè поголеми размери и сè повеќе ги напаѓа децата и затоа, посочи претседателот Пендаровски,  зголемувањето на свеста и актуелизирањето на проблематиката не е доволно.

„Потребно е како општество да ги употребиме и да ги ангажираме  сите потребни ресурси и потенцијали во справувањето и соочувањето со дијабетесот. Притоа, како и многу други состојби и болести, начелото на превенција  е од суштинска важност. Зборувам за превенција која нема да биде стихијна, туку издржана и базирана врз стручна анализа на севкупната проблематика што ќе гарантира ефикасност и успех во борбата против дијабетесот“, истакна претседателот Пендаровски.

Претседателот Пендаровски нагласи дека загрижува растот на заболени деца од дијабетес во земјава. На децата, освен одржувањето на гликемиската контрола, потребен им е и квалитетен начин на живеење, социјализираност, образование, но и примена на современи и иновативни терапии.

„Императив за секое општество, меѓу другото, треба да бидат следењето и примената на сè што е технички напредно, сè што е иновативно, сè што во тој поглед им помага на луѓето во нормалното живеење и функционирање“, рече претседателот Пендаровски и додаде дека не смееме да доцниме зад светот, а особено да си дозволиме нашите деца да заостануваат во примената и во употребата на современи и иновативни терапии кои веќе се присутни во нашата земја, како и медицинско-технички системи како што се системите за континуирано следење на нивото на шеќер во крвта, што како можност им е понудено на децата во Европа, вклучително и во сите земји од регионот.

На настанот којшто се одржа во мултимедијалниот центар „Мала Станица“, свои обраќања имаа и министерот за здравство, Венко Филипче, раководителот на Одделот за еднокринологија при Универзитетската Клиника за Детски болести, Скопје, проф д-р Зоран Гучев, вонредниот професор на Факултетот за фармација при Универзитетот „Св. Кирил и Методиј” во Скопје, доц. д-р Зорица Наумовска,  претседателот на Сојузот на здруженијата на дијабетичари на Македонија, Диме Велев и Наташа Деспотовска Димитриевска, претседател на Асоцијацијата за детски дијабетес на Македонија – Баланс МК. На одбележувањето на Светскиот ден на дијабетесот беше отворена изложба посветена на откривањето и развојот на инсулинот и помошните помагала за негово користење, а беше прикажан и едукативниот видео-материјал “Живот со дијабетес во училишна доба”.

Светскиот ден на дијабетесот којшто годинава е посветен на јубилејот – 100 години од пронаоѓањето на инсулинот како значаен механизам во борбата против дијабетесот,  претставува континуитет на глобалните напори за подигнување на јавната свест и едуцирање на населението за неопходноста од натамошен институционален, но и индивидуален активизам во насока на унапредување на севкупните фактори за справување со ова заболување.

Категории

Categories

Kategori

Последни вести

Latest news

Lajmet e fundit

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Стево Пендаровски денеска присуствуваше на одбележувањето на 25-годишнината од отворањето на Делегацијата на Европската Унија во Скопје. Честитајќи ја годишнината, претседателот Пендаровски изрази задоволство од досегашниот развој на односите меѓу...

Претседателот Пендаровски се обрати на Годишниот форум на „Виенската иницијатива“

Претседателот Пендаровски се обрати на Годишниот форум на „Виенската иницијатива“

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија. Во поздравното обраќање претседателот Пендаровски посочи дека овој форум на Иницијативата за...

Средба на претседателот Пендаровски со Аналена Баербок, сојузна министерка за надворешни работи на СР Германија

Средба на претседателот Пендаровски со Аналена Баербок, сојузна министерка за надворешни работи на СР Германија

Претседателот Стево Пендаровски денеска ја прими Аналена Баербок, сојузна министерка за надворешни работи на Сојузна Република Германија, која престојува во официјална посета на Република Северна Македонија. На средбата се...

Претседателот Пендаровски го потпиша Указот за новиот Закон за амнестија

Претседателот Пендаровски го потпиша Указот за новиот Закон за амнестија

Претседателот Стево Пендаровски денеска го потпиша Указот на усвоениот Закон за амнестија, со кој се предвидува лицата осудени за кривичните дела од член 205 „Пренесување на заразна болест“ и член 206 „Непостапување според здравствените прописи за време на епидемија“...

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...