Обраќање на претседателот Пендаровски на церемонијата на откривање на биста на Мајка Тереза

11 септември 2023 | Соопштенија

Претседателот Стево Пендаровски денеска присуствуваше и се обрати на церемонијата на откривање на бистата на Мајка Тереза, настан организиран во косовската амбасада во Скопје, а на кој присуствуваа и Вјоса Османи Садриу, претседателката на Република Косово и Бајрам Бегај, претседател на Република Албанија.

Во продолжение е интегралниот текст на обраќањето на претседателот Пендаровски.

Почитувана Вјоса Османи, претседателка на Република Косово,

Почитуван пријателе Бегај, претседател на Република Албанија,

Почитуван спикер на Парламентот,

Почитувани министри, дипломатски кор, драги пријатели,

Имам особена чест да сум дел од церемонијата на откривање на бистата на Мајка Тереза, светски позната хуманитарка, добитничка на Нобелова награда за мир, без дилеми, една од најзначајните личности на 20-от век. Иако целиот свет ја знаеше како Мајка Тереза, за нас, нејзините сограѓани таа беше и остана скопјанката Гонџа Бојаџиу.

Токму во нејзиниот роден град каде што ги помина првите 18 години од својот живот и којшто четири пати подоцна го посети дарувајќи љубов и ширејќи милосрдие, имаме можност да откриеме уште една нејзина биста. И овде, во просторот на косовската амбасада, ликот на Мајка Тереза ќе не потсетува на нејзината морална чистота, грижа за беспомошните, болните и сиромашните. Ќе не потсетува на една маркантна фигура која треба да ни биде инспирација да подаруваме, да се грижиме еден за друг како најблиски соседи и искрени пријатели.

Мултиетничката, мултикултурна и мултирелигиозна македонска средина во која порасна Гонџа Агнес Бојаџиу се уште е пример за соживот и взаемна почит меѓу луѓето. Од секогаш сме биле дел од еден ист, заеднички простор и ќе продолжиме да бидеме дел од него. Затоа треба да ги надминеме поделбите, омразите од минатото,  да си простиме за старите гревови и да продолжиме понатаму. На Балканот, имаме видено доволно беда, сиромаштија, војни, омраза, гнев, меѓутоа, во име на подобрата сегашност и иднина ни треба соработка и разбирање, не како форма, туку суштински.

Драги пријатели,

За својата хуманитарна дејност, посветеност и пожртвуваност, Мајка Тереза има добиено стотици награди, со што е веројатно една од најнаградуваните личности во историјата на човековата цивилизација. Сепак, и покрај тоа, таа беше скромна и понизна, свесна за минливоста на човечкиот живот и нашите лимитирани капацитети како индивидуи.

Дозволете ми, на крајот од моево обраќање, да споделам една мисла која за мајка Тереза ја изрече папата Јован Павле Втори, за време на чинот на нејзина беатификација пред 20 години, која е парадигматска во контекст на нејзината животна филозофија. Во таа прилика, Светиот Отец рече дека таа била олицетворение на библискиот стих “Кој меѓу вас сака да биде прв, мора да ви биде слуга”.

Или, на нејзиниот мајчин, албански јазик: “kushdo nga ju që do të dojë të jetë i madh, le të jetë shërbëtori juaj”.

Faleminderit!

Ви благодарам!

Категории

Categories

Kategori

Последни вести

Latest news

Lajmet e fundit

Отворен Кабинет со ученици од ООУ „Григор Прличев“ од Скопје

Отворен Кабинет со ученици од ООУ „Григор Прличев“ од Скопје

Денеска Кабинетот на Претседателот, во рамки на активноста Отворен Кабинет, го посетија ученици од шесто одделение при ООУ „Григор Прличев“ од Скопје. За време на посетата, учениците беа запознаeни со историјатот на објектот во...

Обраќање на сопругата на претседателот на конференцијата „Родова еднаквост на работното место“

Обраќање на сопругата на претседателот на конференцијата „Родова еднаквост на работното место“

Сопругата на претседателот, Елизабета Ѓоргиевска присуствуваше и се обрати на конференцијата „Родова еднаквост на работното место“ организирана по повод Меѓународниот ден за еднакви плати. Говорејќи за значајноста на зајакнувањето на економската сигурност на жените во...

Трет модул на Школата за политики за 2023 година при Претседателскиот центар за политичко образование

Трет модул на Школата за политики за 2023 година при Претседателскиот центар за политичко образование

Викендов во Кавадарци се одржа третиот модул на Школата за политики за 2023 година, при Претседателскиот центар за политичко образование. Третиот модул на Школата го отворија д-р Александар Љ. Спасов, претседател на Програмскиот совет на Претседателскиот центар за...

Обраќање на претседателот Пендаровски на затворањето на 44. издание на фестивалот „Браќа Манаки“

Обраќање на претседателот Пендаровски на затворањето на 44. издание на фестивалот „Браќа Манаки“

Претседателот Стево Пендаровски присуствуваше и се обрати на затворањето на 44. издание на интернационалниот фестивал на филмска камера „Браќа Манаки“ во Битола. Во своето обраќање, претседателот Пендаровски кој е...

Претседателот Пендаровски се сретна со мешовитиот стручен тим за конзервација и реставрација во црквата „Св.Ѓорѓија“ во с. Курбиново

Претседателот Пендаровски се сретна со мешовитиот стручен тим за конзервација и реставрација во црквата „Св.Ѓорѓија“ во с. Курбиново

Претседателот Стево Пендаровски денеска ја посети црквата „Св. Ѓорѓија“ во с.Курбиново кадешто се одвива првата фаза од проектот за конзервација и реставрација на ѕидното сликарство во ентериерот на црквата којашто е ставена под заштита како културно-историски...