Обраќање на сопругата на претседателот на настанот „Телесната автономија – основа на човековите права“

10 јуни 2021 | Соопштенија

Сопругата на претседателот на државата, Елизабета Ѓоргиевска денеска се обрати на настанот „Телесна автономија – основа на човековите права“ во организација на Фондот за население на Обединетите нации – УНФПА.

Говорејќи пред присутните учесници и гости на тема „Телесната автономија и сексуалното и репродуктивно здравје од аспект на човековите права“, Ѓоргиевска истакна дека е примарно обезбедувањето пристап до квалитетна и сеопфатна примарна здравствена заштита за сите, а како резултат на нарушувањето на сексуалните и репродуктивните права, женската популација е особено на удар и затоа има потреба од соодветна здравствена заштита.

„ Сепак, не може сè да се сведе на институционалните решенија. Особено значајно е да ја сензибилизираме нашата поширока јавност за значењето на телесната автономија и на човековите права воопшто“, рече Ѓоргиевска и додаде дека покрај законските решенија мораме интензивно да работиме на промената на менталитетот, на промена на свеста на граѓаните.

Според Ѓоргиевска, пандемијата со Ковид-19, за жал, ги влоши состојбите во сите сегменти на нашето живеење и предизвика фокусот на институциите, особено на здравствениот сектор да биде свртено кон борбата со вирусот и ублажувањето на последиците.

„Меѓутоа во целиот овој негативен контекст би сакала да ја издвојам улогата на Фондот за население на Обединетите Нации како еден позитивен пример бидејќи тие ја интензивираа својата работа во смисла на обезбедување помош на ранливите категории, т.е. повозрасните граѓани, бремените жени, лицата со попреченост и секако, влијанието на свеста за проблемите со зголемување на родово-базираното насилство за време на кризната состојба и притоа континуирано ја имаше и сéуште ја има поддршката и од Кабинетот на претседателот. Се надевам дека пандемијата наскоро ќе заврши и тогаш ќе можеме вниманието, ресурсите и енергијата да ја насочиме кон секојдневните потреби, кон секојдневните приоритети“, порача Ѓоргиевска.

На хибридниот настан учествуваа и: Јагода Шахпаска, министерка за труд и социјална политика, министерот за здравство, Венко Филипче, Алана Армитаж, регионална директорка на УНФПА за Источна Европа и Централна Азија, Росана Дуџак, постојан координатор на Обединетите Нации во Северна Македонија, директорот на УНФПА за Северна Македонија, Џон Кенеди Мосоти, аташето за соработка на амбасадата на Франција во Северна Македонија, Жули Маравал и Елизабета Божиноска, програмска директорка на ХЕРА.

УНФПА е копредводник на една од акциските коалиции на Форумот за генерациска еднаквост – Коалицијата за телесна автономија и сексуално и репродуктивно здравје и права, којашто претставува ново партнерство на владите, чијшто дел е и Владата на Република Северна Македонија, граѓанското општество, Обединетите нации и приватниот сектор, со цел промовирање на правата на жените и девојките.

Категории

Categories

Kategori

Последни вести

Latest news

Lajmet e fundit

Претседателот Пендаровски се обрати на затворањето на Летната школа за партиципативно управување и граѓанско – јавно партнерство

Претседателот Пендаровски се обрати на затворањето на Летната школа за партиципативно управување и граѓанско – јавно партнерство

Претседателот Стево Пендаровски денеска во Охрид се обрати на затворањето на Летната школа за партиципативно управување и граѓанско - јавно партнерство: „Liquid Frameworks, Solid Institutions — building participation from the bottom up” во организација на Кооператива...

Претседателот Пендаровски ја посети „Костал Македонија“ во Охрид

Претседателот Пендаровски ја посети „Костал Македонија“ во Охрид

Претседателот Стево Пендаровски денеска во Охрид ја посети фабриката „Костал Македонија“, дел од германската групација „КОСТАЛ“ за производство на делови и компoненти за автомобилската индустрија. За време на...

Обраќање на претседателот Пендаровски на јавна дебата: „Дискриминирачки говор на дигитални медиуми – состојба и предизвици“

Обраќање на претседателот Пендаровски на јавна дебата: „Дискриминирачки говор на дигитални медиуми – состојба и предизвици“

Претседателот Стево Пендаровски денеска се обрати на јавната дебата на тема „Дискриминирачки говор на дигитални медиуми – состојба и предизвици”, во организација на Комисијата за спречување и заштита од дискриминација (КСЗД) и Институтот за добро управување и...

Средба на претседателот Пендаровски со пратеници од Европскиот Парламент

Средба на претседателот Пендаровски со пратеници од Европскиот Парламент

Претседателот Стево Пендаровски денеска ги прими европратениците, Тинеке Стрик и Рајнхард Бутикофер, претставници од Зелените/Групата на Европска Слободна Алијанса, од Европскиот Парламент. На средбата беше разговарано за текот на евроинтеграциите на Северна...

Интервју на претседателот Пендаровски за Клан Дебата на ТВ Клан

Интервју на претседателот Пендаровски за Клан Дебата на ТВ Клан

Претседателот Стево Пендаровски во интервјуто за Клан Дебата ги искажува неговите видувања за последниот развој на настаните во Русија и Украина и повикот за мобилизација од страна на рускиот претседател. Претседателот ги коментираше и другите актуелни случувања во...