Обраќање на сопругата на претседателот на настанот „ Зачувување и унапредување на менталното здравје во услови на криза и мирнодопски услови“

9 јули 2021 | Aктивности, Соопштенија

Сопругата на претседателот, Елизабета Ѓоргиевска денеска се обрати на настанот ,,Зачувување и унапредување на менталното здравје во услови на криза и мирнодопски услови“ во организација на Црвениот Крст на Република Северна Македонија.

На настанот беше претставен системски модел за пружање на прва психолошка помош во услови на криза и мирнодопски услови со цел унапредување на активностите за поддршка и помош на граѓаните и институциите во државата.

Говорејќи за последиците од пандемијата со Ковид-19, сопругата на претседателот истакна дека социјалната дистанца, загубата на членови на семејството, економските штети и, воопшто, неизвесноста за личната и за колективната иднина, драстично ги зголеми проблемите со менталното здравје кај луѓето во повеќето држави во светот, а во нашата држава бројни здравствени установи веќе ја забележаа зголемената потреба за психосоцијална поддршка на македонските граѓани.

Ѓоргиевска истакна и дека како волонтер на Црвениот крст на Република Северна Македонија, за време на карантинот, заедно со психолог и волонтери на Црвениот крст, секој четврток во неделата одговараа преку СОС телефонската линија за помош на различни ранливи категории, при што се јавуваа возрасни и изнемоштени лица на кои им е потребна психосоцијална поддршка за полесно справување со стресот предизвикан од актуелната состојба.

„За мене, ова беше бесценето волонтерско искуство бидејќи можев да поразговарам со наши сограѓани и да се обидам да им помогнам. Со мојот личен ангажман сакам да охрабрам што повеќе хумани луѓе да волонтираат за солидарно македонско општество. Треба да бидеме свесни дека некогаш вистинскиот збор изговорен во вистинското време може да спаси нечиј живот“, рече Ѓоргиевска.

Изразувајќи ја својата поддршка на иницијативата на Црвен крст која преку отворање на Центарот за прва психолошка помош и психосоцијална прераснува во системски модел за давање прва психолошка помош во услови на криза и во мирнодопски услови, Ѓоргиевска  изрази надеж дека овој проект на Црвениот крст ќе помогне и во надминување на социјалната стигматизација во македонското општество поради барање психолошка помош и со тоа ќе помогне во справувањето со негативните ефекти од пандемијата.

На настанот се обратија и генералниот секретар на Црвениот крст на Република Северна Македонија, Саит Саити, министерот за здравство, Венко Филипче, заменик министерот за труд и социјална политика, Енвер Хусејин и советникот во Министерството за образование и наука, Душан Томшиќ.

Во Центарот за прва психолошка помош и психосоцијална работа којшто се отвора во Црвениот крст на Република Северна Македонија ќе се спроведуваат одржливи активности за градење на граѓанските и националните капацитети за обезбедување на прва психолошка помош и психосоцијална поддршка.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...