Делегација на Кабинетот на претседателот на Република Северна Македонија денеска положи цвеќе на гробот на поранешниот претседател Киро Глигоров, во алејата на великаните на Градските гробишта Бутел во Скопје.

Делегацијата која му оддаде почит на поранешниот претседател беше во состав д-р Александар Спасов, советник на претседателот, полковник Билјана Блажеска, аѓутант на претседателот и државната советничка Сузана Костадинова која беше и дел од кабинетот на претседателот Глигоров.

Киро Глигоров беше првиот претседател на независна Република Македонија. Неговото лидерство и политичка мудрост беа од огромно значење за осамостојувањето на нашата држава по мирен пат, како и нејзиното меѓународно признавање.