Одбележување на Ханука – споделуваме светлина во спомен на 7.144 македонски Евреи, жртви на Холокаустот

17 декември 2020 | Соопштенија

 Претседателот Стево Пендаровски, по повод одбележувањето на еврејскиот празник Ханука, заедно со учениците од ПОУ„Иднина“и ПОУ „Златен Сремац“ од Скопје, коишто се дел од проектот „1000 Менори“, ги запалија осумте свеќи на менорите, во спомен на 7144 македонски Евреи, жртви на Холокаустот.

„Сакаме да ја потврдиме нашата цврста верба дека животот на секој човек е бесценет и дека етничката и верска различност го прави животот на македонското општество побогат“, порача претседателот Пендаровски честитајќи го празникот Ханука.

Претседателот Пендаровски денеска ја запали и последната свеќа на ханукијата, специјално изработен свеќник од бронза од страна на Мети Грунберг, светски познат уметник од Израел роден во Скопје за време на војната.

Учениците и претседателот Пендаровски, преку заедничка онлајн платформа се вклучија и во глобалното одбележување на Ханука, каде во спомен на жртвите од Холокаустот запали свеќа и генералниот директор на Еврејската заедница, Исак Херцог.

„Една од важните поуки од Ханука е дека надежта победува сè. Така е и со надежта во тешките времиња. Кога мислиме дека немаме доволно, ќе бидеме изненадени од солидарната помош. Затоа, во тешки економски услови предизвикани од пандемијата на КОВИД-19, ние сме благодарни за поддршката којашто Државата Израел ја дава на три училишта. Ова е влог во нашите напори да создадеме праведно и инклузивно општество во коешто ќе има место за секого“, додаде претседателот Пендаровски во својата порака.

На одбележувањето на овој празник на светлината денеска присуствуваа и почесниот конзул на Израел, Градимир Шумковски, претставници на здружението „Акта Нон Верба“, а преку видео врска се вклучи и британската амбасадорка Рејчел Галовеј.

Целта на проектот „1000 Менори“ е да даде поддршка на училиштата за деца со попреченост и одбележување на празникот Ханука преку сеќавање на Евреите од нашата земја, кои што беа депортирани во логорот Треблинка.

Во проектот, којшто е поддржан од Министерството за надворешни работи на Израел и нивната организација за меѓународна соработка МАШАВ, учествуваат три училишта од земјава коишто го негуваат образованието на децата со попреченост.

Минатиот четврток, на првиот ден на празникот Ханука, претседателот Пендаровски ги прими учениците од ПОУ „Маца Овчарова“од Велес, со коишто исто така заеднички ги запалија свеќите на менората. Во спомен на македонските Евреи, жртви на Холокаустот беа запалени 1000 менори во повеќе градови во земјава.

 

 

Категории

Categories

Kategori

Последни вести

Latest news

Lajmet e fundit

Потпишан меморандум за соработка помеѓу Кабинетот на претседателот и Филозофскиот факултет при УКИМ

Потпишан меморандум за соработка помеѓу Кабинетот на претседателот и Филозофскиот факултет при УКИМ

Во Кабинетот на претседателот денеска беше потпишан Меморандум за соработка помеѓу генералниот секретар на Кабинетот на претседателот, Mиле Бошњаковски и деканот на Филозофскиот факултет при Универзитетот „Св. Кирил и Методиj“, проф. д-р Ратко Дуев. Соработката помеѓу...

Порака од претседателот Пендаровски по повод 21 година од потпишувањето на Охридскиот рамковен договор

Порака од претседателот Пендаровски по повод 21 година од потпишувањето на Охридскиот рамковен договор

Претседателот Стево Пендаровски, по повод одбележувањето 21 година од потпишувањето на Охридскиот рамковен договор ја упати следната порака: „Пред 21 година, во Охрид, претседателите на четирите тогашни најголеми политички партии заедно со претседателот Борис...

Претседателот Пендаровски се обрати на доделувањето на Наградата за младинско учество по повод Меѓународниот ден на младите

Претседателот Пендаровски се обрати на доделувањето на Наградата за младинско учество по повод Меѓународниот ден на младите

Претседателот Стево Пендаровски, вчеравечер се обрати на свечената церемонија на доделување на Наградата за младинско учество, што по повод Меѓународниот ден на младите, се одржа во Кабинетот на претседателот. Годинешни носители на наградата се актерката Изабела...

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот на Република Северна Македонија, во состав полковник Билјана Блажеска, аѓутант на претседателот и Валентин Диневски, посебен советник за безбедност, по повод 21-годишнината од загинувањето на осум армиски резервисти кај...

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот на Република Северна Македонија, по повод 21-годишнината од загинувањето на 10-те армиски резервисти кај месноста Карпалак, денеска положија цвеќе пред спомен-плочата кај месноста Карпалак на автопатот Тетово – Скопје и пред...