Одговор од претседателот Пендаровски на отвореното писмо од Здружени граѓански организации и иницијативи

8 ноември 2019 | Соопштенија

Почитувани,

Со особено внимание го прочитав вашето отворено писмо, анализирајќи ги предлозите за надминување на загадувањето од запалени депонии, пожари и оган на отворено. Несомнено за сузбивање на овие појави, но и, воопшто,напроблемот со прекумерното загадување, потребна е координација и максимално инволвирање на сите надлежни органи. За таа цел, јас планирам проблемот со загадувањето на животната околина да се стави како точка на наредната седница на Советот за безбедност. Следствено на ова ќе следи и интензивирање на комуникацијата и координација токму со вас, граѓанските организации, кои дејствувате во сферата на екологијата. Верувам дека сите заедно може да придонесеме за надминувањето на овој проблем. Јас, како претседател на Република Северна Македонија, се ставам на располагање за да помогнам во активностите, да бидам гласен поддржувач на граѓанските иницијативи и своевиден мост за побрза и поефективна комуникација помеѓу надлежните институции и граѓанските организации.

Што се однесува до предлогот за ангажман на Армијата на Република Северна Македонија, чиј врховен командант сум, би сакал да го подвлечам следново:

Во член 122 од Уставот на Република Северна Македонија се вели дека вооружените сили на Република Северна Македонија го штитат територијалниот интегритет и независноста на Републиката.

Во согласност согоренаведеното, Армијата не би можела да биде вклучена во активностите како што се наведени во барањето (патроли, ноќни дежурства во национални паркови и слично) од причина што грижата за внатрешниот ред е мисија на полицијата. Секако,армијата во рамките на своите надлежности придонесува за заштита и за унапредување на животната средина преку низа активности кои ги презема: засадување нови садници на дрвја на опожарените места, расчистување на опожарените места, пошумување, расчистување на отпад од речни корита, селекција на отпад на локациите каде што армијата ги извршува своите секојдневни активности (касарни, логорски простории и слично) со користење наменски контејнери, селекција на отпад ина отпадни води при изведување на вежбовни активности, активна обука и едукација на персоналот за грижа за животната средина итн.

Почитувани,

Како што веќе подвлеков, потребно е интензивирање на меѓусебната комуникација и координација и тоа што поскоро. За таа цел поканувам претставници од потписниците на отвореното писмо на средба во мојот кабинет на 14.11.2019 во 13.30 часот.

Во оваа прилика би сакал да апелирам до сите надлежни институции максимално да придонесат за надминување на загадувањето на животната средина. Секако е потребно зголемување на нивните капацитети како и постојана координација и заеднички активности. Апелирам и на совесно однесување на граѓаните без чиј активен придонес не би можеле да дојдеме до посакуваните резултати.

Со почит,
Стево Пендаровски

Категории

Categories

Kategori

Последни вести

Latest news

Lajmet e fundit

Отворен Кабинет за основци од училиштето „Мирче Ацев“ и за  лица од Заводот за рехабилитација на деца и младинци

Отворен Кабинет за основци од училиштето „Мирче Ацев“ и за лица од Заводот за рехабилитација на деца и младинци

Кабинетот на претседателот, во рамки на Отворен кабинет, денеска го посетија ученици од ООУ „Мирче Ацев“ и лица од Заводот за рехабилитација на деца и младинци од Скопје. [gallery...

Средба на претседателот Пендаровски со писателката Оља Петрушевска Томева

Средба на претседателот Пендаровски со писателката Оља Петрушевска Томева

Претседателот Стево Пендаровски денеска во книжарницата „Сакам книги“ оствари средба со писателката Оља Петрушевска Томева. Истакнувајќи дека речиси и да нема сличност меѓу пишувањето и нејзината примарна професија...

Средба на претседателот Пендаровски со претседателот на Црна Гора, Милатовиќ

Средба на претседателот Пендаровски со претседателот на Црна Гора, Милатовиќ

Претседателот Стево Пендаровски на маргините на 60. Минхенска безбедносна конференција, вчеравечер оствари средба со претседателот на Црна Гора, Јаков Милатовиќ. На средбата, двајцата соговорници разменија мислења за севкупните билатерални односи, изразувајќи...

Учество на претседателот Пендаровски на панел-дискусијата „Фокус на Балканот“ на Минхенската безбедносна конференција

Учество на претседателот Пендаровски на панел-дискусијата „Фокус на Балканот“ на Минхенската безбедносна конференција

Претседателот Стево Пендаровски, во рамки на учеството на 60. Минхенска безбедносна конференција денеска говореше на панел-дискусијата „Фокус на Балканот“, на која учествуваа и претседателот на Црна Гора, Јаков Милатовиќ, премиерот на Република Албанија, Еди Рама и...

Учество на претседателот Пендаровски на дебатата „Дали Западен Балкан е дел од големата слика? Мапирање на новата европска безбедносна архитектура“

Учество на претседателот Пендаровски на дебатата „Дали Западен Балкан е дел од големата слика? Мапирање на новата европска безбедносна архитектура“

Претседателот Стево Пендаровски во рамки на 60. Минхенска безбедносна конференција, вчеравечер учествуваше на дебатата насловена „Дали Западен Балкан е дел од големата слика? Мапирање на новата европска безбедносна архитектура“, во организација на Центарот за...