Пендаровски-Зурабишвили: Соработка и солидарност и по надминување на кризата

4 мај 2020 | Соопштенија

Претседателот на Република Северна Македонија, Стево Пендаровски, денеска оствари видео разговор со претседателката на Грузија, Саломе Зурабишвили.

Двајцата соговорници разменија мислења за севкупните перспективи за развој на соработката на билатерално и мултилатерално ниво меѓу двете држави, кои воспоставија дипломатски односи во февруари 2019 година.

Претседателот Пендаровски се заблагодари на честитките од претседателката Зурабишвили по повод зачленувањето на Северна Македонија во НАТО и одлуката за почеток на преговорите за членство во ЕУ, како долгогодишни стратешки цели на кои земјата работеше. Во таа насока, претседателот додаде дека сме подготвени да го споделиме нашето искуство и да дадеме поддршка на сите земји кои се на тој пат. 

Соговорниците разменија мислења и информации за состојбите во двете држави, поврзано со справувањето со пандемијата на КОВИД-19. Претседателот Пендаровски ја информираше претседателката Зурабишвили за мерките што државните власти ги преземаат во борбата против вирусот.

Двајцата претседатели се согласија дека против пандемијата, како глобален проблем, треба да има и глобален одговор, преку меѓусебна соработка и солидарност.

Претседателот Пендаровски ја информираше претседателката Зурабишвили за дадената согласност за новата грузиска амбасадорка во Северна Македонија, резидентна во Софија, со надеж за отворање на нови можности за развивање на  билатералните односи. Во таа насока и двајцата претседатели разговараа за зајакнување на дијалогот на највисоко ниво, при што претседателот Пендаровски се заблагодари за упатената покана за посета на Грузија.

Категории

Categories

Kategori

Последни вести

Latest news

Lajmet e fundit

Обраќање на претседателот Пендаровски на вториот модул на Школата за политики

Обраќање на претседателот Пендаровски на вториот модул на Школата за политики

Претседателот Стево Пендаровски денеска се обрати на вториот модул на Школата за политики за 2023 година при Претседателскиот центар за политичко образование, што се одржа викендов во Охрид. Пред учесниците на годинешната Школа за политики, претседателот Пендаровски...

Отворен Кабинет за основци од 3 скопски училишта и ученици – членови на здружението „Несил“ од Скопје

Отворен Кабинет за основци од 3 скопски училишта и ученици – членови на здружението „Несил“ од Скопје

Кабинетот на претседателот Пендаровски, во рамки на Отворен Кабинет денеска го посетија основци од училиштата „Мустафа Кемал Ататурк“, „Тихомир Милошевски”, „Гоце Делчев“, како и ученици – членови на здружението „Несил“ од Скопје, посветено на едукативни активности за...

Сопругата на претседателот со најмладите во рамки на фестивалот „Литера“

Сопругата на претседателот со најмладите во рамки на фестивалот „Литера“

Сопругата на претседателот, Елизабета Ѓоргиевска учествуваше на Меѓународниот фестивал за литература и илустрација за деца „Литера 2023“ што се одржува во Музејот на град Скопје. Во рамки на настанот, г-ѓа...

Средба на претседателот Пендаровски со Ден Шехтман, добитник на Нобелова награда за хемија во 2011 година

Средба на претседателот Пендаровски со Ден Шехтман, добитник на Нобелова награда за хемија во 2011 година

Претседателот Стево Пендаровски денеска го прими Ден Шехтман, добитникот на Нобелова награда за хемија во 2011 година, кој престојува во посета на нашата држава во организација на Македонската академија на науките и уметностите и Сојузот на хемичари и технолози на...

Средба на претседателот Пендаровски со американскиот сенатор Крис Марфи

Средба на претседателот Пендаровски со американскиот сенатор Крис Марфи

Претседателот Стево Пендаровски денеска го прими американскиот сенатор Крис Марфи. На средбата се разговараше за севкупните билатерални односи меѓу двете држави, за состојбите во поширокиот регион во контекст на руската агресија врз Украина, како и за аспирациите на...