Пендаровски на прес конференција со Пахор: Споделуваме заедничка сегашност како сојузници во НАТО, а ќе имаме и заедничка иднина како дел од ЕУ

25 септември 2020 | Соопштенија

Денеска во претседателскиот кабинет во „Вила Водно“, претседателот на Република Северна Македонија Стево Пендаровски на церемонија со највисоки државни и воени почести го пречека претседателот на Република Словенија, Борут Пахор, со што започна неговата официјална дводневна посета на Република Северна Македонија.

Во рамки на посетата, покрај тет-а-тет средбата меѓу претседателот Пендаровски и претседателот Пахор, се одржа и пленарен состанок на македонската и словенечката официјална делегација, како и заедничка прес конференција.

Во продолжение e интегралниот текст од изјавата на претседателот Пендаровски, а во прилог превод на текстот на албански и на англиски јазик.

Почитуван претседателе Пахор,
Почитувани членови на државната делегација на Република Словенија,
Почитувани претставници на медиумите,

Ми претставува особена чест и задоволство што денеска сум домаќин на мојот почитуван колега, претседателот на Република Словенија Борут Пахор.

Посетата е значајна од повеќе аспекти. Претседателот на Словенија е прв државник кој ја посетува нашата држава во време на пандемија со корона-вирусот со што се докажува стратешкото пријателство и традиционалната блискост меѓу двете држави.

Во составот на државната делегација на пријателска Словенија се и двајцата заменици претседатели на владата и истовремено министри за одбрана и за економија. Со тоа се зајакнува билатералниот дијалог и се отвораат можности за нови форми на соработка во овие две важни, клучни области.

Словенија е наша сојузничка во НАТО, а помошта во спроведувањето на реформите во одбраната, како и соработката меѓу нашите две армии беше, и е, се разбира сеуште, од исклучително значење.

Во делот на економијата, Словенија е наш значаен трговски партнер и инвеститор со години. И покрај намалената трговска размена оваа година поради здравствената криза, трговијата се одликува со стабилен раст. Наша задача е да го зголемиме нашиот извоз во Словенија и да го надоместиме трговскиот дефицит.

Словенечката поддршка ја добивме и во справување со ширењето на корона-вирусот. Исто така, веќе подолг временски период словенечките полицајци работат заедно со нашите полициски службеници на јужната граница, во справување со повеќегодишната мигрантска и бегалска криза.

Нашите билатерални релации ги збогатуваат и нашите научници и уметници кои ги изучуваат и предаваат нашите јазици и култура и остваруваат интензивна културна размена, како и нашите граѓани, словенечките во Северна Македонија и македонските во Словенија, кои и тука и таму го градат своето образование, својата кариера, создаваат семејства и на тој начин формираат нераскинливи врски меѓу нашите две општества и култури.

Имаме позитивно минато како дел од поранешната држава, споделуваме заедничка сегашност како сојузници во НАТО, а јас сум длабоко уверен дека ќе имаме и заедничка иднина како дел од Европската Унија. Словенија безрезервно ја поддржа одлуката на Европскиот совет во март оваа година за почеток на преговорите за нашето членство во ЕУ, а сега не поддржува во намерата да ја одржиме првата меѓувладина конференција до крајот на оваа година.

Со претседателот Пахор разговаравме и за регионалната безбедност и соработка, како и за тековниот развој на политичките прилики во регионот. Заклучивме дека иднината на регионот е во целосна интеграција во Европската Унија и дека за таа стратешка ориентација не постои кредибилна алтернатива.

Почитуван колега, драг пријателе Борут,

Се надевам и очекувам успешната соработка меѓу нашите две држави да продолжи, а македонско-словенечкото пријателство да станува се поцврсто.

Ви благодарам уште еднаш што ни направивте чест со Вашата посета во време на пандемијата со КОВИД-19.

Ви благодарам.

Категории

Categories

Kategori

Последни вести

Latest news

Lajmet e fundit

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...

Претседателите Пендаровски и Ван дер Белен се обратија на Македонско-австрискиот економски форум

Претседателите Пендаровски и Ван дер Белен се обратија на Македонско-австрискиот економски форум

Претседателот Стево Пендаровски и претседателот Александер Ван дер Белен, во рамки на официјалната посета на австрискиот претседател на Република Северна Македонија, денеска се обратија на Македонско-австрискиот економски форум „Зајакнување на деловните односи меѓу...

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Во рамки на официјалната посета на сојузниот претседател на Република Австрија на Република Северна Македонија, претседателот Стево Пендаровски и претседателот Александер Ван дер Белен положија венци на гробот на македонскиот револуционер Гоце Делчев во црквата „Св....