Средба на претседателот Пендаровски со претставници на „Полио Плус“

5 февруари 2021 | Соопштенија

Претседателот Стево Пендаровски денеска прими претставници на граѓанската организација „Полио Плус – движење против хендикеп“.

Соговорниците на средбата разговараа за можните заеднички проекти во рамки на Меморандумот за соработка којшто Кабинетот на претседателот го потпиша со здружението. Претседателот Пендаровски истакна дека меморандумот ќе ја унапреди заштитата и промоцијата на нивните права.

„За реална вклученост на лицата со попреченост во општествениот живот, треба постојано да се подигнува јавната свест на заедницата. Вие сте рамноправни граѓани и наша обврска е да направиме се што е во наша моќ за да овозможиме еднакви услови и целосна социјална интеграција“, порача претседателот Пендаровски на средбата со претставниците на „Полио Плус“.

Претставниците на „Полио Плус“ од своја страна истакнаа дека иако нашата држава ја ратификуваше Конвенцијата на Обединетите Нации за правата на лицата со попреченост во 2011-та година, одредбите од тој документ во пракса речиси и да не се имплементираат.

Еден од најголемите предизвици, како што потенцираа, и натаму останува пристапноста и достапноста до објектите. Сметаат дека е потребна и вклученост на лицата со хендикеп при носење на стратешки документи и закони, како и поголема институционална поддршка.

Во оваа насока, како што рече претседателот Пендаровски потребен е поголем придонес за мерките и препораките предвидени со Конвенцијата да се спроведат со посакуваната динамика.

Категории

Categories

Kategori

Последни вести

Latest news

Lajmet e fundit

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Сопругата на претседателот, Елизабета Ѓоргиевска учествуваше и се обрати на панел дискусијата „Здравјето не е само физичко -Ти ја имаш силата“ што се одржа во организација на НЕОКОРТЕКС - Центар за психотерапија, психодијагностика, тренинг и едукација. Во своето...

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

 Сопругата на претседателот, Елизабета Ѓоргиевска учествуваше на настанот „Едуцирај, ангажирај се, еманципирај: Панел-дискусија за превенција од адолесцентна бременост“ што се одржа во Eвропска куќа, Скопје. ...

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Во рамки на Отворен Кабинет, ученици од ООУ „Круме Кепески“ и ООУ „11 Октомври“ од Скопје, денеска го посетија Кабинетот на претседателот Пендаровски. За време на престојот, се сретнаа и...

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Претседателот Стево Пендаровски денеска се обрати на настанот со кој се одбележува 30-годишнината од основањето на Државниот завод за индустриска сопственост.  Почитуван директор на Државниот завод, Почитувани...

Претседателот Пендаровски се обрати на одбележувањето на 30-годишнината од воспоставувањето на дипломатските односи со Франција

Претседателот Пендаровски се обрати на одбележувањето на 30-годишнината од воспоставувањето на дипломатските односи со Франција

Претседателот Стево Пендаровски се обрати на приемот, што по повод 30-годишнината од воспоставувањето на дипломатските односи меѓу Република Северна Македонија и Француската Република, се одржа вчеравечер во Скопје. Претседателот Пендаровски оцени дека...