Порака на претседателот Пендаровски по повод 50-годишниот јубилеј на фестивалот „Тетовски хорски одзиви“

25 јуни 2023 | Соопштенија

Претседателот Стево Пендаровски во пресрет на фестивалот „Тетовски хорски одзиви“  на којшто е покровител, оствари средба со неговите организатори на коишто им го честиташе 50-годишниот јубилеј. По повод јубилејот на овој фестивал  претседателот Пендаровски ја упати следната порака.

Почитувани вљубеници во хорската музика,

Фестивалите со долга традиција и континуитет се референтна точка што ѝ овозможува на секоја идна генерација критички да ја преиспитува наследената култура и на тој начин да ги разликува трајните вредности од минливите.

Денес прославуваме педесет години од фестивалот „Тетовски хорски одзиви”. Воспоставен во далечната 1973 година со цел да ја возобнови долгата традиција на хорско пеење кај нас, фестивалот прерасна во значајна манифестација не само за градот Тетово, туку и за македонската култура воопшто. Во изминатите пет децении, на „ТЕХО“ настапиле 400 хорски ансамбли со над 18 000 хористи кои испеале над 2 400 композиции, од кои многу ја доживеале својата праизведба токму на овој фестивал.

Низ годините, фестивалот стана автентична платформа за меѓународна промоција на македонските композитори, диригенти и хорови од кои многумина ја започнале својата кариера токму на „ТЕХО“.

Овој фестивал го промовира и македонскиот мултикултурен мозаик. Со помош на универзалниот јазик на музиката, „ТЕХО“ ги поврзува луѓето од различна етничка, јазична и верска припадност. Долгогодишната истрајност на организаторите во негувањето на световната и духовната хорска музика од различни културни традиции е навистина подвиг достоен за почит.

Фестивалот „ТЕХО“ не само што го издржа тестот на времето, туку и ја оправда целта на своето постоење и затоа ја заслужува нашата безрезервна поддршка.

Како покровител на овој голем јубилеј им благодарам на фестивалските организатори, предводени од проф. д-р Иван Зориќ, за нивната долгогодишна посветеност. Воедно, посакувам фестивалот да ве мотивира да продолжите да создавате култура што ќе ги отсликува  богатите слоеви на нашето македонско општество. Нека со секоја наредна деценија се пренесува и збогатува хорскиот одзив на генерациите.

Ви благодарам.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...