Порака од претседателот Пендаровски по повод Меѓународниот ден за сеќавање на холокаустот

27 јануари 2021 | Соопштенија

Претседателот Стево Пендаровски упати порака по повод Меѓународниот ден за сеќавање на холокаустот во која истакна дека во време кога светот се соочува со пандемијата на Ковид-19, ние се потсетуваме на една друга пандемија, предизвикана од еден различен вирус, а тоа е антисемитизмот.

„ Антисемитизмот ја негира вистината дека сите ние сме луѓе со еднакво, неотуѓиво и вродено човечко достоинство, дека човечкиот живот е бесценет бидејќи е уникатен и неповторлив. Наместо тоа, антисемитизмот, расизмот и нацизмот ги делеа луѓето и народите на повеќе и помалку вредни, и со тоа го отворија патот за нивна дехуманизација и уништување. Овој вирус што низ вековите предизвикуваше прогони и погроми против Евриете, на крајот кулминираше со холокаустот како пандемија на злото. “, се вели во пораката на претседателот Пендаровски.

Претседателот Пендаровски истакна дека Евреите како жртви на системска неправда и дискриминација биле најпрво лишувани од нивните граѓански и политички права, а потоа и од нивната сопственост и слобода, по што биле депортирани во нацистичките логори каде личните имиња им биле заменувани со безлични броеви и каде биле целосно обесчовечени.

„Над шест милиони мажи, жени и деца биле систематски убиени во логорите на смртта само затоа што биле Евреи. Меѓу нив биле и 7.144 македонски Евреи кои претставуваа дури 98% од нашата севкупна еврејска популација. Но, целта на нацистите не била само физички да ги уништат Евреите, туку и целосно да го избришат споменот за нивното постоење“, истакна претседателот Пендаровски.

Антисемитизмот продолжи да мутира како негација на холокаустот, рече претседателот Пендаровски порачувајќи дека морална обврска на нашата генерација е да го почитуваме достоинството на секој човек, да бидеме солидарни кон ранливите и обесправените и да се сеќаваме на холокаустот, за никогаш да не се повтори.

„Истовремено, на овој ден сме благодарни за преживеаните кои обновија многу еврејски заедници во Европа, вклучително и Еврејската заедница во Република Северна Македонија. На овој ден го негуваме и споменот за праведниците меѓу народите, за оние храбри мажи и жени кои ги ризикувале своите животи за да ги спасат прогонетите Евреи, а со тоа и нашата надеж во човечноста, солидарноста и добрината “, се вели во пораката на претседателот Пендаровски по повод Меѓународниот ден за сеќавање на холокаустот.

Категории

Categories

Kategori

Последни вести

Latest news

Lajmet e fundit

Обраќање на претседателот Пендаровски на 55. Летна школа на Меѓународниот семинар за македонски јазик, литература и култура

Обраќање на претседателот Пендаровски на 55. Летна школа на Меѓународниот семинар за македонски јазик, литература и култура

Претседателот Стево Пендаровски денеска се обрати на 55. Летна школа на Меѓународниот семинар за македонски јазик, литература и култура, којашто се одржува во Охрид од 17 август до 2 септември 2022 година. Посакувајќи успешна работа на годинашната школа, претседателот...

Положување цвеќе по повод 18 Август – Денот на Армијата

Положување цвеќе по повод 18 Август – Денот на Армијата

Делегациja од Кабинетот на Претседателот на Република Северна Македонија, во состав полковник Билјана Блажеска, аѓутант на претседателот и Валентин Диневски, посебен советник за безбедност, по повод 18 Август – Денот на Армијата на Република Северна Македонија, на...

Обраќање на претседателот Пендаровски и одликувања по повод 18 Август – Денот на Армијата и јубилејот „30 години Армија“

Обраќање на претседателот Пендаровски и одликувања по повод 18 Август – Денот на Армијата и јубилејот „30 години Армија“

Претседателот и Врховен командант на вооружените сили, Стево Пендаровски, денеска се обрати на централната свеченост, што по повод 18 Август – Денот на Армијата на Република Северна Македонија и јубилејот „30 години Армија“, се одржа во касарната „Илинден“ во Скопје....

Средба на претседателот Пендаровски со Горан Стојановски, претседателот на Националната пливачка федерација

Средба на претседателот Пендаровски со Горан Стојановски, претседателот на Националната пливачка федерација

Претседателот Стево Пендаровски денеска го прими Горан Стојановски, претседателот на Националната пливачка федерација. На средбата се разговараше за реализираните активности на Националната пливачка федерација, за организациските проблеми...

Средба на претседателот Пендаровски со командантот на Националната Гарда на Вермонт, генерал-мајор Грегори Најт

Средба на претседателот Пендаровски со командантот на Националната Гарда на Вермонт, генерал-мајор Грегори Најт

Претседателот Стево Пендаровски денеска го прими командантот на Националната Гарда на Вермонт, генерал-мајор Грегори Најт. На средбата се разговараше за соработката меѓу Армијата на Република Северна Македонија и Националната гарда на Вермонт, која се остварува преку...