Порака од претседателот Стево Пендаровски по повод четири нови изданија за македонскиот јазик

7 јули 2020 | Обраќања

Со задоволство ја примив поканата да присуствувам на промоцијата на четирите изданија за македонскиот јазик. Поради претходно преземени обврски, за жал, не сум во можност да бидам со вас. Сепак, со оваа кратка порака би сакал да ве поздравам и со вас да споделам неколку согледувања.

Најпрво, сакам да им честитам на Македонската академија на науките и уметностите, на Институтот за македонски јазик „Крсте Мисирков“, на Филолошкиот факултет „Блаже Конески“ и на Советот за македонски јазик за овој голем заеднички потфат со кој се изразува почит кон нивните основоположници и патрони. Четирите тома за македонскиот јазик излегуваат во јубилејната 75. година од објавувањето на македонската азбука и македонскиот правопис со кои во 1945-та се заокружи процесот на кодификација на македонскиот стандарден јазик.

Овие четири тома потврдуваат дека македонскиот јазик е непобитен историски и културен факт што е верификуван од светската лингвистика и славистика. Како жив јазик со долга уснена и писмена традиција, македонскиот јазик ѝ претходи на државата што го стандардизирала и кодифицирала. Јазикот опстанал и во најнеповолни услови поради способноста да се приспособува кон промените, да еволуира и да се развива во бројни дијалекти. Но токму кодификацијата им овозможи на многу генерации македонски граѓани непречено да се образуваат и да творат на македонски јазик. Токму кодификацијата создаде услови за процут на македонската наука и уметност, но и отворање катедри и лекторати по македонски јазик на бројни универзитети во Европа и во светот. Токму кодификацијата овозможи македонскиот јазик денес да има уставно и законски загарантиран статус во Република Северна Македонија, а со тоа и во меѓународни рамки. Затоа беспредметни се сите обиди за негирање, ревизија и толкување на реалноста на македонскиот јазик надвор од научната сфера.

Една од спецификите на македонскиот јазик е неговата отвореност за размена со другите балкански јазици со коишто го споделувал времето и просторот. Богатството од различни јазици на територијата на Република Северна Македонија го збогатува и македонскиот јазик кој е плод на мултиетничкиот соживот. Затоа, како што државата има обврска да се грижи за унапредување на јазичните права на граѓаните од сите етнички заедници, така и институциите имаат обврска да се грижат за македонскиот јазик и за неговата интегративна функција.

Конечно, во дигиталната ера ќе продолжат да се развиваат оние јазици што навреме ќе успеат да се адаптираат на новата дигитална реалност. Оттука, имаме генерациска обврска кон младите, кон идните поколенија да продолжиме со дигитализацијата на македонскиот јазик, како на богатото културно и духовно јазично наследство, така и на најсовремените достигнувања, а со цел сето тоа да го направиме достапно во целиот свет.

Со таа мисла, на самиот крај, на сите вклучени институции и поединци им благодарам за четиритомното издание и посакувам уште поголеми креативни дострели во негувањето и во афирмацијата на македонскиот јазик кај нас и во светот.

Стево Пендаровски

Категории

Categories

Kategori

Последни вести

Latest news

Lajmet e fundit

Официјална посета на сојузниот претседател на Република Австрија, Александер Ван дер Белен, на Република Северна Македонија

Официјална посета на сојузниот претседател на Република Австрија, Александер Ван дер Белен, на Република Северна Македонија

Претседателот Стево Пендаровски, утре – 29 март 2023 година, среда, ќе биде домаќин на сојузниот претседател на Република Австрија, Александер Ван дер Белен кој престојува во официјална посета на Република Северна Македонија, во придружба на неговата сопруга, Дорис...

Конференција: Стратегија за Роми, тек и следни чекори

Конференција: Стратегија за Роми, тек и следни чекори

Кабинетот на претседателот на Република Северна Македонија, на 6 април 2023 година, 11:00 часот, во Double Tree by Hilton Skopje ќе организира конференција со наслов „Стратегија за Роми, тек и следни чекори“ ПРОГРАМА Воведно обраќање на претседател на Република...

Средба со претставници на Шаховска Федерација на Македонија

Средба со претставници на Шаховска Федерација на Македонија

Претседателот Стево Пендаровски денеска прими претставници на Шаховска Федерација на Македонија. На средбата беше разговарано за тековните активности на федерацијата, учеството на меѓународни натпревари, организирањето на европски...

Средба на претседателот Пендаровски со Ољта Џачка, министерка за Европа и за надворешни работи на Република Албанија

Средба на претседателот Пендаровски со Ољта Џачка, министерка за Европа и за надворешни работи на Република Албанија

Претседателот Стево Пендаровски денеска ја прими Ољта Џачка, министерка за Европа и за надворешни работи на Република Албанија, која престојува во официјална посета на Република Северна Македонија. На средбата беше изразено...

Делегација од Кабинетот на претседателот  положи цвеќе пред Споменикот на бранителите

Делегација од Кабинетот на претседателот положи цвеќе пред Споменикот на бранителите

Генералниот секретар при Кабинетот на претседателот на Република Северна Македонија Миле Бошњаковски, денеска, 26 март 2023 година, оддаде почит и положи свежо цвеќе пред Споменикот на Бранителите во паркот „Жена борец“ во Скопје, во чест на бранителите, кои...