Предавање на акредитивните писма од страна на новоименуваната амбасадорка на Федеративна Република Бразил за Република Северна Македонија

2 февруари 2021 | Соопштенија

Претседателот Стево Пендаровски денеска ги прими акредитивните писма на Мариjа Едилеуза Фонтенеле Реис, новоименувана вонредна и ополномоштена амбасадорка на Федеративна Република Бразил за Република Северна Македонија, со седиште во Софија.

Во рамки на активноста „Отворен Кабинет“ церемонијата на предавање на акредитивите, во живо преку видео платформа ја проследија студенти од мастер студиите по Меѓународно право и односи и право на ЕУ – правни науки, политички науки и односи со јавност од Правен факултет „Јустинијан Први“, Скопје.

Посакувајќи искрено добредојде во нашата земја на бразилската амбасадорка, претседателот Пендаровски во своето обраќање на церемонијата истакна дека и покрај географската оддалеченост на двете пријателски земји, постои заедничка желба и потенцијал за развивање на меѓусебните односи.

„Отворањето на нашата амбасада во Бразилија во 2016 година, јасно ги покажа искрената желба и сериозниот интерес на нашата држава за продлабочување на односите и за унапредување на севкупната соработка со Федеративна Република Бразил“, рече претседателот Пендаровски.

Претседателот Пендаровски, изразувајќи задоволство од соработката на двете држави во рамки на меѓународните организации, истакна дека Република Северна Македонија дава висок приоритет на работата на меѓународните организации и е строг поддржувач на ефективниот мултилатерализам, особено важен за актуелниот период кога сме соочени со ужасните последици од пандемијата со Ковид-19. Тој изрази очекување дека во претстојниот период ќе се интензивира билатералниот политички дијалог со фокус на неискористениот простор во доменот на економијата и на инвестициите.

„Иако, на надворешно политички план, Република Северна Македонија е силно посветена на исполнување на стратешките приоритети, на доследно спроведување на обврските во рамките на веќе реализираното членство во НАТО, како и на заложбите за идното членство во Европската Унија како одговорна членка на меѓународната заедница им придаваме значење на односите со сите држави, за доброто на нашите народи, обезбедување и зацврстување на мирот во светот, како и одржлив развој и економски просперитет“, порача Претседателот.

Во своето обраќање, новоименуватата бразилска амбасадорка Мариjа Едилеуза Фонтенеле Реис упати честитки за Северна Македонија за ефикасниот и соодветен одговор на пандемијата од Ковид-19 и подвлече дека Бразил и Северна Македонија остануваат обединети во борбата против здравствената криза. Честитајќи за влезот во НАТО, амбасадорката Мариjа Едилеуза Фонтенеле Реис рече дека Бразил, како стратешки партнер на ЕУ, очекува успешно заокружување на процесот што води кон полноправно членство во ЕУ. Таа истакна дека Бразил и Северна Македонија делат заеднички вредности, особено верата во дипломатијата, мирното решавање на споровите и почитувањето на владеењето на правото.

„Северна Македонија му докажа на светот дека дипломатијата е најдобрата алатка за решавање на споровите и дека дијалогот и меѓусебното разбирање можат да доведат до посакуваниот пат на просперитетот, мирот и човечкиот развој“, изјави бразилската амбасадорка на церемонијата.

Амбасадорката на Бразил подвлече дека е посветена на стимулирање на туристичките и културните односи меѓу Бразил и Северна Македонија.

„Мојата намера е да работам неуморно со локалните власти и различните сегменти на македонското општество за изнаоѓање на начини за зголемување на билатералната трговска размена и идентификација на можностите за инвестирање меѓу нашите земји“, изјави амбасадорката на Бразил.

Претседателот Пендаровски на новоименуваната амбасадорка на Бразил и посака успех во извршувањето на одговорната мисија и изрази уверување дека во вршењето на дипломатските должности ќе ја ужива нашата целосна соработка и помош.

Категории

Categories

Kategori

Последни вести

Latest news

Lajmet e fundit

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Сопругата на претседателот, Елизабета Ѓоргиевска учествуваше и се обрати на панел дискусијата „Здравјето не е само физичко -Ти ја имаш силата“ што се одржа во организација на НЕОКОРТЕКС - Центар за психотерапија, психодијагностика, тренинг и едукација. Во своето...

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

 Сопругата на претседателот, Елизабета Ѓоргиевска учествуваше на настанот „Едуцирај, ангажирај се, еманципирај: Панел-дискусија за превенција од адолесцентна бременост“ што се одржа во Eвропска куќа, Скопје. ...

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Во рамки на Отворен Кабинет, ученици од ООУ „Круме Кепески“ и ООУ „11 Октомври“ од Скопје, денеска го посетија Кабинетот на претседателот Пендаровски. За време на престојот, се сретнаа и...

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Претседателот Стево Пендаровски денеска се обрати на настанот со кој се одбележува 30-годишнината од основањето на Државниот завод за индустриска сопственост.  Почитуван директор на Државниот завод, Почитувани...

Претседателот Пендаровски се обрати на одбележувањето на 30-годишнината од воспоставувањето на дипломатските односи со Франција

Претседателот Пендаровски се обрати на одбележувањето на 30-годишнината од воспоставувањето на дипломатските односи со Франција

Претседателот Стево Пендаровски се обрати на приемот, што по повод 30-годишнината од воспоставувањето на дипломатските односи меѓу Република Северна Македонија и Француската Република, се одржа вчеравечер во Скопје. Претседателот Пендаровски оцени дека...