Претседателот Пендаровски: Во моментов нема потреба од прогласување вонредна или кризна состојба на целата територија

16 март 2020 | Соопштенија

Во Кабинетот на Претседателот се одржa седница на Советот за безбедност на Република Северна Македонија на која покрај постојаните членови на Советот, присуствуваа и министерот за здравство, Венко Филипче и началникот на Генералштабот на Армијата, генерал-потполковник Васко Ѓурчиновски.

Едногласен заклучок на сите членови на Советот е дека посебно признание треба да им се оддаде на граѓаните на општините Дебар и Центар Жупа, каде што е прогласена кризна состојба, кои максимално доследно, коректно, без остаток, ги применуваат сите препораки, сите мерки кои се на сила во тие две општини поради прогласената кризна состојба. Постои максимална и целосна мобилизација на целокупниот здравствен кадар.

Советот за безбедност, рече претседателот Стево Пендаровски, проценил дека во моментов нема потреба да се прогласува вонредна или кризна состојба на целата територија на државата, заради справување со коронавирусот.

„Заклучокот на Советот за безбедност во однос на целокупната ситуација и во однос на она што министерот за здравство го изнесе како можна проценка за евентуално ширење на болеста понатаму на наша  територија, е дека поставеноста на државата во овој момент е соодветна, адекватна на ризиците на коишто сме изложени, за што впрочем зборуваат проценките, оценките и коментарите на Светската здравствена организација, кои до ден денешен тврдат дека ние сме сигурно државата во целиот поширок регион која најдобро, најдоследно ги имплементира мерките кои се наложени од Светската здравствена организација.

Заклучокот на Советот е, ако има потреба, а според вечерашните проценки за тоа нема потреба, можеме да препорачаме како Совет за безбедност, на Владата да прогласи кризна состојба и во други општини, освен во овие две. Општ беше заклучокот дека не е потребно да избрзуваме со голо декларирање на евентуално повисоко ниво на некои состојби, како што е на пример вонредната состојба или кризната состојба на целата територија, затоа што, реков, во овој момент, според сите проценки на надлежниот ресор и министер, опасност дека такво нешто може да се случи не постои или ако поинаку се поставиме со некоја таква новопрогласена правна состојба, не значи дека ќе превенираме ситуација до која не би сакале да дојде“, рече претседателот Пендаровски. 

Јасно е, рече тој, дека кризата ќе трае, а ние мораме ресурсите кои ги имаме да ги димензионираме спрема реалните потреби и спрема реалните ризици.

„Во оваа ситуација, по овој повод би сакал да упатам, во име на Советот за безбедност, апел до граѓаните да ги почитуваат стриктно сите мерки, затоа што тоа е најдобриот начин да се спречи ширењето на болеста, на епидемијата“, рече претседателот Пендаровски, упатувајќи порака до сите граѓани без потреба да не патуваат надвор, особено во земји кои се високо, умерено или средно ризични.

Исто така, Претседателот упати апел до нашите државјани кои работат во другите европски држави или во другите држави во светот, а над 150 се зафатени со овој вирус досега, без голема потреба да не се враќаат во својата земја. Тие имаат право да го сторат тоа, рече Претседателот, меѓутоа поради ситуацијата, секој трансфер преку неколку граници, преку неколку територии, може да ги донесе до ситуација да бидат во контакт со лица кои се заразени.

Сите надлежни институции деноноќно ја мониторираат состојбата на терен и реагираат брзо и навремено, рече Претседателот, а Советот за безбедност постојано ќе ја следи состојбата.

Категории

Categories

Kategori

Последни вести

Latest news

Lajmet e fundit

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Стево Пендаровски денеска во Париз се обрати на отворањето на меѓународниот симпозиум во рамки на чествувањето на јубилејот „Сто години од раѓањето на Ацо Шопов (1923 – 1982)“, што се одржува под негово покровителство во соработка со УНЕСКО. Воедно,...

Средба на претседателот Пендаровски со генералната директорка на УНЕСКО, Одре Азуле

Средба на претседателот Пендаровски со генералната директорка на УНЕСКО, Одре Азуле

Претседателот Стево Пендаровски денеска во Париз оствари средба со генералната директорка на УНЕСКО, Одре Азуле. На средбата се разговараше за севкупната соработка на Република Северна Македонија со УНЕСКО, во контекст на 30-годишнината од нашето членство во...

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Стево Пендаровски денеска во Париз го посети Националниот институт за ориентални јазици и цивилизации – ИНАЛКО, каде што оствари средба со Жан-Франсоа Хуше, претседател на ИНАЛКО и средба со Фроса Пејоска-Бушеро, шеф на Катедрата за македонски студии при...

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Во организација на Претседателскиот центар за политичко образование денеска во Скопје се одржа конференција на тема „30 години македонско-германски дипломатски односи: Билатерална соработка и развојна поддршка со Северна Рајна - Вестфалија“. На отворањето на...