Претседателот Стево Пендаровски денеска беше во посета на водопадите во село Камењане, каде во рамки на проектот „Лице в лице со претседателот“ се сретна со граѓаните од општина Боговиње, каде што се наоѓаат осумте водопади.
Во разговор со мештаните и градоначалникот на општината, претседателот Пендаровски истакна дека овие водопади во подножјето на Шар Планина се уште една природна атракција која придонесува за развој на руралниот туризам. Тој ја поздрави иницијативата за поставување информативни табли, нова патека и мостови, со што на туристите им се олеснува пристапот до водопадите.
Со развој на одржливите форми на туризам ќе се овозможи заштита на животната средина, а со промоција на тој концепт ќе се зголеми и бројот на домашни и странски туристи за што Камењане може да биде добар за развој на еко-туризмот во нашата држава, порача претседателот.
