Претседателот Пендаровски ги прими акредитивните писма на новоименуваната амбасадорка на Португалската Република

30 јануари 2020 | Соопштенија

Претседателот на Република Северна Македонија, Стево Пендаровски денеска ги прими акредитивните писма на Мариа Вирџиниа Мендес да Силва Пина, новоименувана амбасадорка на Португалската Република во Република Северна Македонија, со седиште во Белград.

Претседателот Пендаровски, на церемонијата на предавање акредитиви, рече дека дипломатските односи меѓу двете земји навлегоа во третата деценија и додаде дека во изминатиот период е изградена соработка на повеќе полиња кои се засновани на меѓусебно разбирање и искрена почит. Претседателот истакна дека членувањето на нашата држава во НАТО ќе претставува дополнителен мост на поврзување меѓу двете земји како партнери и сојузници кои делат исти гледишта и вредности во однос на меѓународниот мир и безбедност, додавајќи дека поддршката од Португалската Република за интеграција на државите од регионот на западниот Балкан во Европската унија, а во тие рамки и на Република Северна Македонија, е од голема важност. „Република Северна Македонија заслужува да ги започне преговорите за членство во Европската унија час поскоро. Претстојните неколку месеци се важни во тој контекст не само за нас како држава, туку и за целолупниот регион на Западен Балкан“ рече претседателот Пендаровски.

Амбасадорката Мариа Вирџиниа Мендес да Силва Пина истакна дека билатералните политички односи се одлични и дека во периодот што следи, преку соработката во областа на ИКТ, животната средина, енергијата и туризамот, ќе се зајакнат и економските врски, а преку подобро запознавање и зближување на народите на двете земји ќе се унапреди и културната димензија на билатералните односи. Честитајќи и на Северна Македонија на долгиот и позитивен пат поминат со решеност и добра волја кон крајната цел – поскоро членство во ЕУ, португалската амбасадорка ја изрази поддршката на нејзината земја и истакна дека е сигурна дека двете земји ќе имаат поинтензивна соработка во делот на одбраната. „Се радуваме на вашето приклучување, бидејќи знаеме дека вие, како европска земја, треба да бидете дел од НАТО и Европската унија“, изјави амбасадорката Мариа Вирџиниа Мендес да Силва Пина.

Претседателот Пендаровски на новоименуваната амбасадорка и посака успех во извршувањето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Обраќање на сопругата на претседателот на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“

Обраќање на сопругата на претседателот на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“

Сопругата на претседателот, Елизабета Ѓоргиевска се обрати на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“ што се одржа во организација на Мисијата на ОБСЕ во Скопје, а по повод...

Претседателот Пендаровски се обрати на Светскиот самит за климатски активности во рамки на COP28

Претседателот Пендаровски се обрати на Светскиот самит за климатски активности во рамки на COP28

Претседателот Стево Пендаровски, во рамки на учеството на Конференцијата на Обединетите нации за климатски промени - COP28 која се одржува во Дубаи, Обединетите Арапски Емирати, денеска се обрати на Сегментот на високо ниво на Светскиот самит за климатски активности....

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Претседателот Стево Пендаровски денеска во Дубаи, за време на неговото учество на Конференцијата на Обединетите нации за климатски промени - COP28, оствари средба со претседателката на Европската банка за обнова и развој, Одил Рено-Басо. ...

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Претседателот Стево Пендаровски во рамки на учеството на Конференцијата на Обединетите нации за климатски промени – COP28 во Дубаи оствари кратки средби со британскиот крал Чарлс Трети, со кралот на Јордан Абдула Втори, со претседателката на Република Словенија Наташа...

Средба на генералниот секретар на Кабинетот на претседателот со заменик – министерот за надворешни работи на Јапонија

Средба на генералниот секретар на Кабинетот на претседателот со заменик – министерот за надворешни работи на Јапонија

Генералниот секретар на Кабинетот на претседателот Миле Бошњаковски, денеска прими делегација предводена од заменик – министерот за надворешни работи на Јапонија, Јоичи Фуказава, којашто престојува во земјава по повод учеството на Министерски совет на ОБСЕ. [gallery...