Претседателот Пендаровски ги прими акредитивните писма на новоименуваните амбасадори на Кралството Белгија и на Кралството Данска

2 октомври 2020 | Соопштенија

Претседателот Пендаровски денеска ги прими акредитивните писма на новоименуваните амбасадори на Кралството Белгија и на Кралството Данска.

На церемонијата на предавање на акредитиви од страна на Фредерик Мерис, новоименуван амбасадор на Кралството Белгија во Република Северна Македонија, со седиште во Софија, претседателот Пендаровски истакна дека во изминатиот период двете земји изградија блиски пријателски односи и солидно ниво на меѓусебна соработка во повеќе области, а  Кралството Белгија е  голем пријател и искрен сојузник во процесот на нашите европски и евроатлантски процеси.

Нагласувајќи дека оваа година е значајна за нашата земја, бидејќи официјално станавме 30-та земја членка на НАТО, претседателот Пендаровски рече дека во наредниот период следи уште еден значаен процес за којшто ја очекуваме и поддршката од Кралството Белгија, како една од земјите основачи на Европската Унија, до крајот на оваа година да ја одржиме Меѓувладината конференција и формално да ги започнеме пристапните преговори за полноправно членство со Унијата.

Билатералните односи се одлични и се изградени врз основа на споделени стратешки интереси, рече амбасадорот Мерис на церемонијата на предавање на акредитивните писма додавајќи дека двете земји веруваат во Алијанса заснована врз заеднички вредности и заложби.

На церемонијата на предавање на акредитивните писма од страна на Сузан Шајн, новоименувана амбасадорка на Кралството Данска во Република Северна Македонија, со седиште во Белград, претседателот Пендаровски рече дека двете земји во континуитет градат пријателски, сојузнички и партнерски односи што резултираа со успешен развој на билатералните односи во повеќе сфери на општественото живеење.

Истакнувајќи го  значењето на поддршката од Кралството Данска за интегративните процеси во регионот, претседателот Пендаровски изрази уверување дека европската перспектива на земјава многу скоро ќе биде унапредена, прво со усвојување на преговарачката рамка, а потоа и со одржувањето на Првата меѓувладина конференција и формалното започнување на пристапните преговори.

Амбасадорката Шајн рече дека двете земји имаат солидни билатерални односи и соработка во повеќе области од заемен интерес изразувајќи надеж дека истите ќе се продлабочат и унапредат во периодот што следи.

Претседателот Пендаровски на новоименуваните амбасадори им посака успех во извршувањето на одговорната дипломатска функција.

 

Категории

Categories

Kategori

Последни вести

Latest news

Lajmet e fundit

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Стево Пендаровски денеска присуствуваше на одбележувањето на 25-годишнината од отворањето на Делегацијата на Европската Унија во Скопје. Честитајќи ја годишнината, претседателот Пендаровски изрази задоволство од досегашниот развој на односите меѓу...

Претседателот Пендаровски се обрати на Годишниот форум на „Виенската иницијатива“

Претседателот Пендаровски се обрати на Годишниот форум на „Виенската иницијатива“

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија. Во поздравното обраќање претседателот Пендаровски посочи дека овој форум на Иницијативата за...

Средба на претседателот Пендаровски со Аналена Баербок, сојузна министерка за надворешни работи на СР Германија

Средба на претседателот Пендаровски со Аналена Баербок, сојузна министерка за надворешни работи на СР Германија

Претседателот Стево Пендаровски денеска ја прими Аналена Баербок, сојузна министерка за надворешни работи на Сојузна Република Германија, која престојува во официјална посета на Република Северна Македонија. На средбата се...

Претседателот Пендаровски го потпиша Указот за новиот Закон за амнестија

Претседателот Пендаровски го потпиша Указот за новиот Закон за амнестија

Претседателот Стево Пендаровски денеска го потпиша Указот на усвоениот Закон за амнестија, со кој се предвидува лицата осудени за кривичните дела од член 205 „Пренесување на заразна болест“ и член 206 „Непостапување според здравствените прописи за време на епидемија“...

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...