Претседателот Пендаровски ги прими акредитивните писма на новоименуваниoт амбасадор на Италија

2 ноември 2020 | Соопштенија

Претседателот Стево Пендаровски, денеска ги прими акредитивните писма на новоименуваниот амбасадор на Италијанската Република, Андреа Силвестри.

На свечената церемонија на предавање на акредитивните писма претседателот Пендаровски изрази уверување дека италијанската поддршка за реализација на нашата европска интеграција безрезервно ќе продолжи и во иднина.

„Убеден сум дека почетокот на преговорите со Унијата не само што ќе придонесе за натамошно стабилизирање на состојбите на Западен Балкан, туку нам, како држава, ќе ни овозможат побрзо и поефикасно имплементирање на неопходните реформи, особено во сферата на борбата со организираниот криминал и високата корупција”, истакна Претседателот во своето обраќање.

Посочувајќи дека пандемијата на КОВИД-19 е уште една потврда за потребата од обединета и солидарна Европа, претседателот Пендаровски изрази уверување дека во периодот што претстои двете земји ќе го продолжат позитивниот развоен тренд на односите и искажа интерес за јакнење на економските врски.

Новоименуваниот амбасадор на Италијанската Република го поздрави членството на Северна Македонија во НАТО и искажа силна поддршка за  нашите европски аспирации и спроведувањето на внатрешните реформи.

„Убедени сме дека Северна Македонија заслужува да ги отпочне овие преговори што поскоро. Сметаме дека првата Меѓувладина конференција треба да се одржи пред крајот на годината, и покрај потешкотиите предизвикани од пандемијата. Северна Македонија е спремна да ги отпочне преговорите и не треба да дозволиме билатералните прашања, од кој било тип и од каде и да потекнуваат, да го попречат процесот на преговори. Билатералните прашања треба да останат надвор од преговорите за влез и треба да се решаваат во соодветните форуми”, истакна во обраќањето амбасадорот Силвестри.

Членството на Северна Македонија во НАТО не предвидува само заложби за гарантирање на безбедноста и мирот, туку и сојузничка солидарност, истакна амбасадорот Силвестри, потенцирајќи ја испораката на респиратори што НАТО минатиот петок ги донираше на Северна Македонија, за да помогне при справувањето со пандемијата и што пристигнаа во Скопје со авион на италијанското воено воздухопловство.

На новоименуваниот амбасадор претседателот Пендаровски му посака успех во извршувањето на одговорната дипломатска функција и изрази очекување дека неговото искуство ќе претставува значаен придонес за збогатувањето на пријателските односи меѓу двете земји.

Категории

Categories

Kategori

Последни вести

Latest news

Lajmet e fundit

Средба со претставници на Шаховска Федерација на Македонија

Средба со претставници на Шаховска Федерација на Македонија

Претседателот Стево Пендаровски денеска прими претставници на Шаховска Федерација на Македонија. На средбата беше разговарано за тековните активности на федерацијата, учеството на меѓународни натпревари, организирањето на европски...

Средба на претседателот Пендаровски со Ољта Џачка, министерка за Европа и за надворешни работи на Република Албанија

Средба на претседателот Пендаровски со Ољта Џачка, министерка за Европа и за надворешни работи на Република Албанија

Претседателот Стево Пендаровски денеска ја прими Ољта Џачка, министерка за Европа и за надворешни работи на Република Албанија, која престојува во официјална посета на Република Северна Македонија. На средбата беше изразено...

Делегација од Кабинетот на претседателот  положи цвеќе пред Споменикот на бранителите

Делегација од Кабинетот на претседателот положи цвеќе пред Споменикот на бранителите

Генералниот секретар при Кабинетот на претседателот на Република Северна Македонија Миле Бошњаковски, денеска, 26 март 2023 година, оддаде почит и положи свежо цвеќе пред Споменикот на Бранителите во паркот „Жена борец“ во Скопје, во чест на бранителите, кои...

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Стево Пендаровски денеска присуствуваше на одбележувањето на 25-годишнината од отворањето на Делегацијата на Европската Унија во Скопје. Честитајќи ја годишнината, претседателот Пендаровски изрази задоволство од досегашниот развој на односите меѓу...

Претседателот Пендаровски се обрати на Годишниот форум на „Виенската иницијатива“

Претседателот Пендаровски се обрати на Годишниот форум на „Виенската иницијатива“

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија. Во поздравното обраќање претседателот Пендаровски посочи дека овој форум на Иницијативата за...