Претседателот Пендаровски ги прими акредитивите на новоименуваниот амбасадор на Канада, Норман

11 март 2021 | Соопштенија

Претседателот Стево Пендаровски денеска ги прими акредитивните писма на Џајлс Норман, новоименуван амбасадор на Канада во Република Северна Македонија, со седиште во Белград.

На свечената церемонија на предавање на акредитиви, претседателот Пендаровски истакна дека Северна Македонија и Канада традиционално ги поврзува пријателство и меѓусебно разбирање. Одбележувајќи 25 годишнина од воспоставувањето на дипломатските односи со Канада, билатералните односи, како што рече претседателот Пендаровски, дополнително се зајакнаа со сојузништвото во НАТО.

„Билатералната и мултилатералната соработка и нашето партнерство се базираат на споделувањето на вредностите на демократијата, како и на визијата за градење на поправеден и поинклузивен свет. Канада отсекогаш за нас била земја на толеранција, на различности и почит кон сите луѓе, што нè чини уште поблиски како две држави, иако географски далечни“, рече претседателот Пендаровски.

Посакувајќи му на амбасадорот Норман успех во извршувањето на дипломатската должност, претседателот Пендаровски изрази уверување дека соработката меѓу двете земји ќе продолжи да се развива во нагорна линија во повеќе сфери од заеднички интерес, со фокус на унапредување на економските релации.

„Во оваа смисла, свој придонес дава и бројната дијаспора по потекло од нашата држава, која е дополнителен мост за јакнење на нашата меѓусебна комуникација и унапредена соработка во културата, образованието, науката и технологијата“, нагласи претседателот Пендаровски.

Амбасадорот Џајлс Норман истакна дека Северна Македонија и Канада имаат многубројни заеднички особини кои ги обединуваат двете земји, меѓу кои е и различноста.

„И Северна Македонија и Канада имаат богато етничко, религиозно и јазично наследство. Прифаќањето на различноста ги прави нашите земји посилни. Споделувајќи ги нашите искуства, Северна Македонија и Канада можат да учат една од друга за тоа како различноста може да придонесе за вклученост и заедништво“, рече амбасадорот Норман.

Амбасадорот Норман нагласи и дека на двете земји заедничка особина им е посветеноста на рамноправноста меѓу мажите и жените, како и желбата да се изгради посилна економија преку трговска размена и инвестиции.

„Од суштинско значење за нашата економска соработка е бизнис клима каде што се почитува владеењето на правото и каде што странските инвестиции се заштитени од произволни одлуки. Зголемување на економската соработка ќе биде важен дел од мојот мандат“, заклучи амбасадорот Норман.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...