Претседателот Пендаровски ги прими акредитивните писма на новоименуваната амбасадорка на Србија, Невена Јовановиќ

9 јуни 2021 | Соопштенија

Претседателот Стево Пендаровски денеска ги прими акредитивните писма на Невена Јовановиќ, новоименуваната амбасадорка на Република Србија во Република Северна Македонија.

На церемонијата на предавање на акредитивни писма, претседателот Пендаровски истакна дека двете пријателски земји и двата народа ги поврзува долгогодишно традиционално пријателство, блиски културни врски и интензивна соработка во многу сфери од заеднички интерес.

„Високиот степен на развој на динамичните билатерални односи се потврди и со блиската соработка за време на хуманитарната криза предизвикана од пандемијата со Ковид-19 и справувањето со последиците од истата“, рече претседателот Пендаровски и додаде дека очекува соработката меѓу двете земји и натаму да се интензивира.

„Во иднина очекувам двете пријателски држави да ги искористат сите потенцијали и приоритет да стават на соработката на конкретни билатерални и регионални проекти, во економијата и трговската размена, инвестициите, инфраструктурното, енергетското поврзување, како и во сите други области од заемен интерес меѓу кои, секако, би ги издвоил културата и образованието, прашањата од значење за одржливиот развој на регионот како интерконективноста, мобилноста и адресирање на горливите прашања на младите“, додаде претседателот Пендаровски.

Оценувајќи дека продолжувањето на редовниот политички дијалог и меѓусебните консултации се целосно во функција на надградба и на продлабочување на добрососедските односи, претседателот Пендаровски го истакна и почитувањето и унапредувањето на третманот и статусот на македонската заедница во Република Србија и на српската заедница во Северна Македонија.

„Тие се мост на поврзување меѓу нашите две земји. Ја давам мојата целосна поддршка за отворање на културните центри во Белград и во Скопје и се надевам дека владите на двете држави ќе го реализираат овој проект во текот на оваа година“, заклучи претседателот Пендаровски.

Истакнувајќи дека односите меѓу двете земји одат во нагорна линија и придонесуваат за стабилност на целиот регион, амбасадорката Јовановиќ рече дека Србија посветува големо внимание на односите со Северна Македонија, како еден од најблиските соседи и е длабоко заинтересирана за нивно натамошно унапредување во сите области.

„Република Србија ја поддржува пријателска Северна Македонија и во нејзините европски аспирации имајќи го предвид фактот дека на целиот наш регион местото му е во Европската Унија, како простор на кој географски, историски и културно му припаѓаме“, рече амбасадорката Јовановиќ на церемонијата на предавање на акредитивни писма.

Претседателот Пендаровски на новоименуваната амбасадорка на Србија во Северна Македонија, Невена Јовановиќ ѝ посака успех во вршењето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Во рамки на активноста Отворен кабинет, денеска Кабинетот на претседателот го посетија деца од Детската градинка „8 Април“ од Шуто Оризари и ученици од основните училишта „Димитар Македонски“ од Аеродром, „Киро Глигоров“ од Центар и „Кузман Јосифовски-Питу“ од Кисела...

Средба на претседателот Пендаровски со претставници на ромски фондации

Средба на претседателот Пендаровски со претставници на ромски фондации

  Претседателот Стево Пендаровски денеска прими претставници на Ромската Фондација за Европа и Фондацијата Ромите за демократија Скопје. На средбата соговорниците го запознаа претседателот Пендаровски со планираните активности на...

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски вчеравечер се обрати на комеморативниот настан по повод 20-годишнината од загинувањето на претседателот Борис Трајковски и членовите на делегацијата, што се одржа во Националната опера и балет. На комеморативниот настан присуствуваа...

Студенти од Правниот факултет „Јустинијан Први“ во посета на Кабинетот на Претседателот

Студенти од Правниот факултет „Јустинијан Први“ во посета на Кабинетот на Претседателот

Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје. За време на престојот во Кабинетот се сретнаа со претседателот Пендаровски и...

Одбележување на 20-годишнината од загинувањето на претседателот Борис Трајковски и членови на делегацијата

Одбележување на 20-годишнината од загинувањето на претседателот Борис Трајковски и членови на делегацијата

Претседателот Стево Пендаровски, по повод одбележувањето на 20-годишнината од загинувањето на претседателот Борис Трајковски и членовите на делегацијата во авионската несреќа во Босна и Херцеговина, денеска положи венец со свежо цвеќе на гробот на претседателот Борис...