Претседателот Пендаровски ги прими акредитивните писма на новоименуваната амбасадорка на Швајцарија, Вероник Улман Марти

8 октомври 2021 | Соопштенија

Претседателот Стево Пендаровски денеска ги прими акредитивните писма на Вероник Улман Марти, новоименуваната амбасадорка на Швајцарската Конфедерација во Република Северна Македонија.

На церемонијата на предавање на акредитивите, претседателот Пендаровски истакна дека двете земји ги поврзува традиционално и искрено пријателство засновано на соработка и меѓусебно почитување. Во Швајцарската Конфедерација, како што потенцираше претседателот Пендаровски, Северна Македонија гледа голем и искрен сојузник во процесот на остварување на надворешнополитичките приоритети на земјата.

„Би сакал во идниот период да ги искористиме сите можности за натамошен развој на економските односи, имајќи го предвид потенцијалот на двете држави“, додаде претседателот Пендаровски.

Истовремено, претседателот Пендаровски подвлече дека еден од најважните сегменти на билатералните односи се иселениците од Република Северна Македонија во Швајцарија. Претседателот Пендаровски нагласи и дека за нашата земја е значајно што Швајцарската Конфедерација демонстрира јасна подготвеност за поддршка на демократскиот развој на Република Северна Македонија.

„Швајцарската развојна програма преточена во новата Стратегија за Северна Македонија за периодот 2021 – 2024 година со која ќе бидат алоцирани 65 милиони швајцарски франци во областите на демократско управување, вработување и економски развој, инфраструктура и животна средина, претставуваат значаен придонес и поттик за развој на општините и институциите во државата“, заклучи претседателот Пендаровски.

Истакнувајќи дека односите на двете земји се одлични, амбасадорката Улман Марти истакна дека истите се интензивираат од воспоставувањето на дипломатски односи во 1994 година и отворањето на Швајцарската амбасада во 2000 година. Амбасадорката Улман Марти нагласи дека клучен елемент во билатералните односи е швајцарската програма за билатерална соработка.

„Новата програма за соработка беше одобрена на почетокот на оваа година. Истата се фокусира на инклузивно демократско владеење, вработување и одржлив економски развој, како и на животна средина и одржливи јавни претпријатија“, додаде амбасадорката Улман Марти.

Претседателот Пендаровски на новоименуваната амбасадорка на Швајцарската Конфедерација во Северна Македонија, Вероник Улман Марти ѝ посака успех во вршењето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...