Претседателот Пендаровски ги прими акредитивните писма на новоименуваниот амбасадор на Република Ерменија, Армен Једигариан

15 септември 2022 | Соопштенија

Претседателот Стево Пендаровски денеска ги прими акредитивните писма на новоименуваниот амбасадор на Република Ерменија во Република Северна Македонија, со седиште во Софија, Армен Једигариан.

Претседателот Пендаровски на церемонијата на предавање на акредитивни писма истакна дека по воспоставувањето дипломатски односи меѓу Ерменија и Северна Македонија во 2019 година, потенцијалот да се развиваат и унапредуваат билатералните односи е значително зголемен.

Тој потенцираше дека именувањето на амбасадорот Једигариан на оваа одговорна должност се гледа како израз на заложбата на Република Ерменија за унапредување на билатералните односи во периодот што претстои. Претседателот Пендаровски изрази надеж дека амбасадорот со неговиот ангажман и професионално искуство ќе даде придонес во изнаоѓањето нови форми за содржинско збогатување на односите, особено во доменот на економијата, јакнењето на трговската размена, културата, образованието, науката, туризмот, технологијата, како и во сите други сфери од заеднички интерес.

Нагласувајќи дека му претставува особена чест и задоволство што е првиот амбасадор на Ерменија во Северна Македонија, амбасадорот Једигариан оддаде признание за улогата на малата, но динамична ерменска заедница во Северна Македонија, во зближувањето на двете држави и народи.

Претседателот Пендаровски на амбасадорот Армен Једигариан му посака успешно извршување на значајната дипломатска мисија.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...