Select Page

Претседателот Пендаровски ги прими амбасадорите на Република Словенија и на Народна Република Кина

15 мај 2019 | Средби

Претседателот на Република Северна Македонија, Стево Пендаровски денеска го прими амбасадорот на Република Словенија, Милан Јазбек и амбасадорката на Народна Република Кина, Јин Лисјен.

Амбасадорите во име на претседателите на двете земји, му упатија искрени честитки на претседателот Пендаровски за изборот на функцијата Претседател, му посакаа успешен мандат и изразија уверување дека севкупните односи на нивните земји со Република Северна Македонија во иднина дополнително ќе се унапредуваат.На средбата со амбасадорот на Република Словенија, Милан Јазбек беа разменети мислења за актуелните политички прашања во регионот, при што беше констатирано дека напредокот на Република Северна Македонија во ЕУ и НАТО позитивно ќе влијае на стабилноста и просперитетот на целиот регион. Во тој контекст, претседателот Пендаровски изрази очекување дека Република Северна Македонија во најбрзо време ќе стане членка на НАТО и ќе ги отпочне пристапните преговори за членство во ЕУ и се заблагодари за сета досегашна поддршка од Словенија на планот на евроатлантските интеграции.

На средбата со амбасадорката на Народна Република Кина, Јин Лисјен, претседателот Пендаровски истакна дека јакнењето на искреното партнерство со Кина останува трајна определба на нашата надворешна политика и изрази поддршка на сите конкретни иницијативи што произлегуваат од процесот на соработка меѓу Кина и земјите на Централноисточна Европа 16+1. Во таа насока, претседателот Пендаровски изрази интерес Република Северна Македонија да биде вклучена и во инфраструктурните проекти кои произлегуваат од „Патот на свилата“, што отвора сериозна перспектива за нови инвестиции и јакнење на економијата на нашата земја.

Честитка од претседателот Пендаровски по повод Меѓународниот ден на Бошњаците

Честитка од претседателот Пендаровски по повод Меѓународниот ден на Бошњаците

Претседателот Стево Пендаровски, по повод 28 Септември, Меѓународниот ден на Бошњаците, упати честитка до припадниците на бошњачката заедница во Република Северна Македонија. Почитувани сограѓани, Во мое лично име и во името на сите граѓани на Република Северна...

Сопругата на Претседателот со поддршка за подигнување на свеста  за   ракот   на   дојката

Сопругата на Претседателот со поддршка за подигнување на свеста за ракот на дојката

 Сопругата на Претседателот, Елизабета Ѓоргиевска денеска присуствуваше и се обрати на настанот за подигнување на свеста за ракот на дојката “Race for the cure“ во Градскиот парк. „Имаме двојна обврска во врска со...

Порака од претседателот Пендаровски по повод празникот Јом Кипур

Порака од претседателот Пендаровски по повод празникот Јом Кипур

Претседателот Стево Пендаровски, по повод одбележувањето на еврејскиот празник Јом Кипур, упати порака до претседателката на Еврејската заедница во Република Северна Македонија, Берта Романо-Николиќ и до сите припадници на Eврејската заедница во Република Северна...

Порака од претседателот Пендаровски по повод 50-годишнината на фестивалот за детски песни „Златно Славејче“

Порака од претседателот Пендаровски по повод 50-годишнината на фестивалот за детски песни „Златно Славејче“

По повод одржувањето на 50. издание на фестивалот „Златно Славејче“, претседателот Стево Пендаровски, како покровител на фестивалот упати порака по повод овој значаен јубилеј, посакувајќи им успех на сите учесници, во која истакна: „Веќе половина век фестивалот...

Pin It on Pinterest