Претседателот Пендаровски ги прими иноваторите на проектот „Филтер за воздух вграден во велосипедско тркало“

24 септември 2019 | Соопштенија, Средби

Претседателот на Република Северна Македонија, Стево Пендаровски, денеска ги прими студентите од Машинскиот факултет – Скопје, коишто го создадоа проектот ГЕТ велосипед (Градски Еко Транспорт).

Со нивниот пронајдок „Филтер за воздух вграден во велосипедско тркало“, неодамна учествуваа на меѓународната изложба „KIWIE 2019“ одржана во Сеул, Јужна Кореја, каде што освоија Златен медал доделен од Меѓународната комисија составена од експерти во дадената област, Златен медал со диплома од Асоцијацијата за промоција на пронајдоци и иновации од Индонезија и со Диплома за најдобар пронајдок доделен од страна на Центар за Жени иноватори на Узбекистан.

На средбата, студентите го запознаа претседателот Пендаровски со нивната идеја, преку реализацијата на овој проект на граѓаните да им се понуди нова услуга, која овозможува алтернативен начин за движење во градска средина, односно интелигентен градски транспортен систем на електрични велосипеди кои ќе може да се изнајмуваат и кои со вградените филтри ќе го прочистуваат воздухот од ПМ10 честици, притоа придонесувајќи и за намалување на градскиот метеж.

Претседателот Пендаровски истакна дека ваквите идеи и проекти ја имаат неговата целосна поддршка, притоа изразувајќи задоволство што овојпат иновативноста и креативноста биле насочени кон еден од најгорливите глобални предизвици, подобрувањето на животната средина. Претседателот, на средбата изрази увереност дека државата, но и компаниите и инвеститорите ги препознаваат ваквите добри проекти, и дека масовната употреба на ГЕТ велосипедот е многу реално очекување.

Пронајдокот „Филтер за воздух вграден во велосипедско тркало“, е развиен од студентите Ина Крстевска, Филип Попоски, Марко Насески, Мартин Спасовски, Игор Џамбаски и Александар Јанковиќ, заедно со нивниот ментор, професорот Иле Мирчески, а со помош на компанијата „Венито Комерц“ и Фондот за иновации и технолошки развој на Република Северна Македонија.

На средбата присуствуваа и деканот на Машинскиот факултет – Скопје, Дарко Данев, и штотуку дипломираниот студент Ташули Талески, кој на Меѓународната студенска олимпијада за проектирање на технологии за 2019 година го освои првото место.

Категории

Categories

Kategori

Последни вести

Latest news

Lajmet e fundit

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...

Претседателите Пендаровски и Ван дер Белен се обратија на Македонско-австрискиот економски форум

Претседателите Пендаровски и Ван дер Белен се обратија на Македонско-австрискиот економски форум

Претседателот Стево Пендаровски и претседателот Александер Ван дер Белен, во рамки на официјалната посета на австрискиот претседател на Република Северна Македонија, денеска се обратија на Македонско-австрискиот економски форум „Зајакнување на деловните односи меѓу...

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Во рамки на официјалната посета на сојузниот претседател на Република Австрија на Република Северна Македонија, претседателот Стево Пендаровски и претседателот Александер Ван дер Белен положија венци на гробот на македонскиот револуционер Гоце Делчев во црквата „Св....

Прес-конференција на претседателите Пендаровски и Ван дер Белен: Австрија е докажан пријател на регионот

Прес-конференција на претседателите Пендаровски и Ван дер Белен: Австрија е докажан пријател на регионот

Во рамки на официјалната посета на сојузниот претседател на Република Австрија, Александер Ван дер Белен на Република Северна Македонија, претседателите Пендаровски и Ван дер Белен одржаа заедничка прес-конференција. Во продолжение е интегралниот текст од изјавата на...

Церемонија со највисоки државни и воени почести – претседателот Пендаровски го пречека сојузниот претседател на Австрија, Александер Ван дер Белен

Церемонија со највисоки државни и воени почести – претседателот Пендаровски го пречека сојузниот претседател на Австрија, Александер Ван дер Белен

На церемонија со највисоки државни и воени почести претседателот Стево Пендаровски денеска го пречека сојузниот претседател на Република Австрија, Александер Ван дер Белен, кој во придружба на неговата сопруга, Дорис Шмидауер, престојува во официјална посета на...