Претседателот Пендаровски до вработените во Брзата помош и во поликлиниките: Ви посакувам помалку интервенции, имате поддршка од сите да истраете

15 април 2020 | Соопштенија

Претседателот на Република Северна Македонија, Стево Пендаровски преку видео врска денеска разговараше со директорот на Здравствен Дом – Скопје, д-р Виктор Исјановски, со раководителката на Итната медицинска помош, д-р Милица Бубало, како и со д-р Марија Милеска Аврамоска, којашто е дел од интервентна екипа на Брзата помош.

Во разговорот, претседателот Пендаровски беше запознаен со досегашната, како и со тековната работа на поликлиниките коишто се во состав на Здравствен Дом – Скопје, со бројот на повици во Брзата помош, како и со интензитетот и обемот на работа на докторите во овие здравствени установи.

„Сите ние во оваа вонредна состојба мора да работиме постојано и се жалиме поради тоа, но на Вам докторите работењето 24 часа во текот на 7 дена неделно Ви е востановена практика и едноставно мора така да функционирате. Во оваа насока, Ви благодарам што несебично се вложувате, особено во овие вонредни околности“, им порача претседателот Пендаровски на докторите во денешниот видео разговор.

Докторите, при разговорот го информираа претседателот Пендаровски дека поликлиниките на територијата на градот Скопје располагаат со доволно медициски и немедицински кадар којшто одговара на потребите на граѓаните. Истовремено, како што рекоа докторите, во моментов имаат се што им е потребно во однос на заштитна опрема и дека истата навремено се надополнува.  

Претседателот Пендаровски на денешните соговорници, но и на останатите вработени во Итната медицинска помош и во поликлиниките во градот, им оддаде почит и признание за нивниот досегашен ангажман. Како што рече претседателот Пендаровски, сите тие се на првата линија во борбата со пандемијата на вирусот КОВИД-19, први доаѓаат во контакт со болните и се изложени на висок ризик.

За време на разговорот претседателот Пендаровски на докторите од Итната медицинска помош им посака да имаат што помалку интервенции во периодот што следи, бидејќи, како што рече претседателот Пендаровски, тоа ќе значи дека полека стивнува пандемијата на вирусот КОВИД-19. Истовремено, претседателот Пендаровски на докторите им искажа голема поддршка да истраат во неделите коишто доаѓаат. 

Категории

Categories

Kategori

Последни вести

Latest news

Lajmet e fundit

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...

Претседателите Пендаровски и Ван дер Белен се обратија на Македонско-австрискиот економски форум

Претседателите Пендаровски и Ван дер Белен се обратија на Македонско-австрискиот економски форум

Претседателот Стево Пендаровски и претседателот Александер Ван дер Белен, во рамки на официјалната посета на австрискиот претседател на Република Северна Македонија, денеска се обратија на Македонско-австрискиот економски форум „Зајакнување на деловните односи меѓу...