Претседателот Пендаровски на прес-конференција со претседателката Зурабишвили: Да создадеме стабилна основа за развој на билатералните односи

10 мај 2021 | Соопштенија

Претседателот Стево Пендаровски денеска во претседателскиот кабинет на церемонија со највисоки државни и воени почести ја пречека претседателката на Грузија, Саломе Зурабишвили која престојува во официјална посета на Република Северна Македонија.

Во рамки на посетата, покрај тет-а-тет средбата меѓу претседателот Пендаровски и претседателката Зурабишвили се одржа пленарен состанок на официјалните делегации, беа потпишани Спогодба меѓу Република Северна Македонија и Грузија за укинување на визи и Меморандум за соработка во областа на културата меѓу Министерството за култура на Република Северна Македонија и Министерството за култура, спорт и млади на Грузија, по што се одржа  заедничка прес-конференција на претседателот Пендаровски и претседателката Зурабишвили.

Во продолжение е интегралниот текст од изјавата на претседателот Пендаровски:

Почитувана претседателке на Грузија, г-ѓа Зурабишвили,

Почитувани претставници на медиумите, Дами и господа,

Денеска имаме големо задоволство, во името на македонските граѓани, да и посакаме топло добредојде на претседателката на Грузија, Нејзината екселенција г-ѓа Саломе Зурабишвили.

Оваа прва, и со тоа, би рекол историска посета на највисоко ниво се случува многу кратко по воспоставувањето на дипломатските односи меѓу нашите две држави на 16 февруари 2019 година.

Симболично, нас не поврзува еден многу значаен јубилеј. Оваа година и Северна Македонија и Грузија прославуваат 30 години независност. Ние од стекнувањето, а Грузија од обновувањето на нејзината независност.

Иако изминативе децении повремено соработувавме во рамките на меѓународните организации, дојде време нашите односи од маргините на меѓународните форуми да ги издигнеме на највисоко ниво.

Пандемијата ја забави планираната динамика на средбите, но, оваа прва официјална посета е можност да надоместиме за изгубеното време.

Затоа, денес со претседателката Зурабишвили разговаравме за унапредување на нашите билатерални односи во претстојниот период. Повеќето од чекорите ќе ги правиме за прв пат. Затоа, треба да го искористиме овој момент и да создадеме стабилна основа за развој на билатералните односи. А првиот чекор во таа насока е секако уредување на правната рамка.

Северна Македонија и Грузија имаат исклучително богато природно и културно-историско наследство. Затоа, пред малку беа  потпишани два важни документи. Првиот е Спогодба меѓу двете држави за укинување на визите, со што се олеснува патувањето на македонските и грузиските граѓани. Вториот документ е Меморандум за соработка во областа на културата меѓу нашето министерство за култура и грузиското министерство за култура, спорт и млади. Заедно, овие два документи треба да бидат правна основа за развој на туризмот, и на севкупната економска и културна соработка меѓу двете земји.

Во процедура се и други договори, меѓу кои и оние за економска и техничка соработка. Непишано правило е дека оние кои први ќе се пробијат на новиот пазар најчесто постигнуваат најголеми успеси. Затоа, во оваа прилика сакам да ги охрабрам стопанствениците од Северна Македонија и Грузија да ја искористат оваа можност, да воспостават контакти и да работат на деловни  партнерства од взаемна полза.

Почитувани,

Денес,со претседателката Зурабишвили разменивме мислења и за теми поврзани со нашите надворешно-политички приоритети, а во контекст на стабилноста и безбедноста на европскиот континент.

Заклучивме дека иако сме територијално мали држави лоцирани во различни региони, споделуваме слични стратешки надворешно-политички приоритети.

Како земја-членка на НАТО, ние го поддржуваме правото на Грузија да гради најблиски можни односи со Алијансата. Тоа е суверен избор на грузискиот народ и во тој поглед, подготвени сме да ја продлабочиме соработката преку партнерските механизми.

Истовремено, како и Европската Унија така и ние како земја-кандидат за членство даваме цврста поддршка за суверенитетот и територијалниот интегритет на Грузија во рамките на меѓународно признатите граници. Во исто време, ги поддржуваме Женевските меѓународни дискусии, кои остануваат единствен механизам со кој се ангажираат сите засегнати страни во решавањето на предизвиците што произлегуваат од нерешениот внатрешен конфликт во Грузија.

На крајот, би сакал уште еднаш да нагласам дека верувам дека со оваа прва посета на грузиски државник од највисок ранг, испишуваме историја во односите меѓу нашите две пријателски држави и народи.

Оттука, ваша екселенцијо, уште еднаш, во името на македонските граѓани ви посакувам топло добредојде во Северна Македонија.

Ви благодарам.

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...