Претседателот Пендаровски на средба со делегација на Управувачката група за демократски развој при шведскиот Парламент

22 февруари 2022 | Соопштенија, Средби

Претседателот Стево Пендаровски денеска прими делегација на Управувачката група за демократски развој при Парламентот на Кралството Шведска (Риксдаг), која престојува во работна посета на Република Северна Македонија, во рамки на билатералната соработка меѓу парламентите.

На средбата се констатираше дека Северна Македонија и Шведска развиваат динамични и пријателски односи и беа разгледани прашања поврзани со искористување на потенцијалот за збогатување на меѓусебната соработка во повеќе сфери.

Соговорниците изразија задоволство од парламентарната соработка, при што претседателот Пендаровски оцени дека Управувачката група за демократски развој помеѓу парламентите на двете држави е значајна, како за парламентарната, така и за билатералната соработка.

Претседателот Пендаровски упати благодарност за шведската принципиелна поддршка, за континуираната посветеност на процесот на проширување на ЕУ и заложбите за надминување на предизвиците во македонското досие. Тој порача дека отворањето на пристапните преговори со Северна Македонија е клучно за поттикнување напредок и создавање поволни околности за другите отворени досиеја и за стабилност и просперитет на целиот регион.

Претседателот изрази благодарност и за континуираната развојна поддршка од Шведска во споделување искуства и зајакнување на капацитетите на институциите во земјава, особено на полето на демократијата, владеењето на правото, човековите права, родовата еднаквост, климатските промени, заштитата на еко-системите и инклузивниот економски развој.

На средбата стана збор и за политичките и безбедносните случувања во регионот и пошироко.

Категории

Categories

Kategori

Последни вести

Latest news

Lajmet e fundit

Средба со учесници на 13-от конгрес на стоматолошки комори од регионот

Средба со учесници на 13-от конгрес на стоматолошки комори од регионот

Претседателот Стево Пендаровски денеска прими делегација на Стоматолошката комора на Република Северна Македонија, како и партнерските комори, по повод 13-от конгрес на нови технологии. Делегацијата предводена од претседателот на Комората, д-р Маријан Денковски го...

Посета на ученици од СУГС Гимназија „Јосип Броз – Тито“ во рамки на Отворен Кабинет

Посета на ученици од СУГС Гимназија „Јосип Броз – Тито“ во рамки на Отворен Кабинет

Во рамки на активноста Отворен кабинет, денеска Кабинетот на претседателот го посетија ученици од скопската гимназија „Јосип Броз-Тито“. Посетителите имаа можност да се сретнат и да разговараат со претседателот Пендаровски за неговата работа и надлежностите, за...

Обраќање на Елизабета Ѓоргиевска на конференцијата за здравство „Подобрување на пристапот до лекови за сите“

Обраќање на Елизабета Ѓоргиевска на конференцијата за здравство „Подобрување на пристапот до лекови за сите“

  Сопругата на претседателот, Елизабета Ѓоргиевска присуствуваше и се обрати на првата конференција за здравство „Подобрување на пристапот до лекови за сите“, во организација на Американската стопанска комора на Северна Македонија. Еднодневната конференција...

Претседателот Пендаровски го додели признанието „Успешни млади“ за 2021 година

Претседателот Пендаровски го додели признанието „Успешни млади“ за 2021 година

Претседателот Стево Пендаровски, на церемонија во Кабинетот на претседателот, денеска го додели признанието „Успешни млади“ за 2021 година. Признанието се доделува како поттик на научноистражувачката мисла и уметничката работа на младите во нашата држава. [gallery...

Ѓоргиевска: Наша заедничка должност е да креираме патоказ по кој без страв и чувство на помала вредност за себеси ќе чекорат нашите деца и млади

Ѓоргиевска: Наша заедничка должност е да креираме патоказ по кој без страв и чувство на помала вредност за себеси ќе чекорат нашите деца и млади

Сопругата на претседателот, Елизабета Ѓоргиевска се обрати на настан по повод 20 години од меѓународната студија „Однесувања поврзани со здравјето на децата од училишна возраст (11, 13 и 15 години) во Република Северна Македонија“ што се одржа под нејзино...